#حصاد-ألمواسم
👇
#فراقد
👇
#ألحلقة((٥١))
××××××××××××××××
بعد ما أذن ألظهر ...وأحنه بعدنه على كعدنه وسوالفنه
وهم ألاحقريين ...عصامكو وألمصروع يضحكون عليه.........
هنا طب أبوية ألسيد للبيت...وأجى من ألمرقد
كميله ما قصرت..بس طب..ذاعت بوجهه موجز ألأخبار أذاعة مونتكارلو...هم ما تكدر على حلكها...
وسولفتله عن حلمي .
يا اااالله....هو فد فرح....وكيف
ويكول// ربي رحمتك وسعت كل شي
وفرحت كلبي بهداية ألبت على دين محمد
وبوجودها بيتي ....
ومن ضمن عايلتي ....
ربي جعلت رعايتي للبت صدقة جاريه
عن روح وليدي عطأ...وأمي هندية...وأبوية هلال
شو عصامكو ضحك...وكام وكف بطول ألسيد
ويباوع للمصروع..وكال//من عسن ألفرح ساكن بدارك دوم...أبو عطأ...شوكت الله يهديك وتعقدلي
مو حتى عيوني صارت وسخة....!!!!!!
ألسيد يضحك...ويباوع عليه ...
ويفرگ سبحته بين جفوف إيده...ويجاوب عصامكو
//ما كو شي يصير بالغصب
أكطع نفسك...أنت وصاحب ألانه.
موجز ألأخبار..من أذاعة مونتكارلو...
من حلك كميلة ألمدعبلة...هم حلكها ما يسمع كلامها ودوم الله ما هادي...أي وأحد من ألولد يفوت للبيت
تسولفله حلمي...وشلون صرت مسلمة.
وهم فد فرحوا ...وكلش مكيفين بيه
ما أعرف شنو سبب فرحتهم بالضبط ...
شو أني نفسي هديل ألعوبه...على كولت سهاد
كلشي ماتغير بيه .
للعصر رحت سبحت...وكشخت...وتوضيت حتى أروح أزور للمرقد ...لأن دوم أشوف أبوية ألسيد يتوضى ويروح للمرقد .
كميلة...طلعتلي قماش مال عبايه بعدة جديد ما مخيط
كالت//هاي بشارتج...وهديتي ألج للستر وألعافية
راح أوديها ألج للخياطة .
رحت للمرقد ويه أبوية ألسيد...وراح ويانه محمد ألمصروع...ألطريق كلة أبوية يمشي كدامي
وألمصروع يمشي بصفي...ماكو مسافة كلش قليلة
تفصل بيني وبينه .
ألصراحة وبدون جذب ...
شكد حبيت هاي ألطلعة ويه أبوية
ومحمد ألمصروع يمشي بصفي ...
أتخيلة بهذيج أللحظة...هو رجلي ورايحين نزور سوية
يا ااالله بس تخيلت ألفكرة...هلكد فرحت وكيفت بداخلي.
من وصلنه للمرقد...أبوية أخذني على سيد مهدي
وهم بشرة بشوفة حلمي...وشلون صرت مسلمة
وسيد مهدي هم فرح...وكالي// أمشى وياي
رحنه أني...وأبوية...ومحمد ألمصروع
طبينه جوة للمرقد ...
كالي//عيدي نطق ألشهادة من جديد...بنية دخولج
للدين ألإسلامي..دين ألحبيب ألمصطفى..ألمرتكز بقوة علياً ألمرتضى...بكلب صافي..وروح صافية
وبحضرة ألشهداء ألابرار ...
وجدام ألوادم ...
وبحضور أبوج ...وعمج ...
وفرحي مسامعنه...بذكر ألشهادة بصوتج .
ردد كدامي نطق ألشهادة
وأني رديت وراه مثل ما كالي
نطقت وكلت//أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ
وَأَشْهَدُ أَنَّ مُحَمَّدًا عَبْدُهُ وَرَسُولُهُ
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
