#حصاد-ألمواسم
👇
#فراقد
👇
#ألحلقة((١٧))
××××××××××××××××××××××
بيوم يمكن الساعة ب ٣ بليل ... باب بيت السيد تفلش ...
العجوز .... وكميلة خافن على السيد
ما خلنه يطلع ويفتح الباب
هي كميلة الفتحت الباب ... وادفع بعلاوي متقبل يطلع وراها
واحنة كلنا ... واكفين باب الهول ونباوع
والعجوز ... مجلبة بركة السيد متخلي يطلع
بس كميلة فتحت الباب .... والجنود أقتحموا بيت السيد
والعجوز تصيح// دخيلك ياعلي ابو الحسن
ولكم يمة شتردون من عدنه....
خطية وكفت كدام السيد وفتحت أيدها تحمي
اتكلهم // اذا جاين تاخذون فاضل أرموني ...
كبل لا تاخذونه من عندي
دخل علينا رجل عسكري ... وعلى جتافة بس نسر
وقيافتة العسكرية كاملة .... يلمع من فوك ليجوة
بس شافتة نور .... أنصكت من الخوف
وركضت ختلت وره السيد
هو ضحك بصوت عالي
وكاللها //نور خاتون أنا ماجاي عليج ...
أنتي ما تهميني ...بس تهمين احمد
وحالياً هو مشغول ...خوش أستلم منصب
فبالة مو يمج يالحلوه ...
وانوب صاح // وينها حياة عزام ....
زوجتة محمد هلال
أبو أبراهيم الثائر المغوار
السيد دفع ألعجوز وكف كدامة
وكاله// أستاذ ليش تسال عليها
هو دفع السيد من جتفة وكاله // أستر على جهالك
يالنشمي
صاح بصوت عالي // وين حياة عزام
اندار على الجنود كاللهم // فتشوا البيت وجيبوها اليه
الجنود سحلوا كميلة ....
وسحلوا حياة من غرفتها ....
وجابوهن كدام الرجال العسكري
السيد تخبل ميعرف يخلص منو من أيد الجنود
نور ختلت وره العجوز ... وتبجي خايفة وترجف
وكميلة ... وحياة .....يصيحن على السيد حتى يخلصهن .... وكامن يبجن خايفات....
هو الرجال العسكري صاح // منو بيجن حياة ... ؟؟
لو هسة اعدم الكل
سجاد خطية خاف ... ركض على أمة
وكام يبجي ويكلهم// عوفوا أمي
هاي أمي كميلة
هو الرجال العسكري كال للجنود
على حياة // صعدوها بالسيارة
هنا السيد جلب بيها ....
وتوسل بالرجال العسكري يعوفها
وهو سحب المسدس بوجه السيد وكاله// راحم بحالك لخاطر الجهال ... أرجع للخلف ...عندي ثار أريد اصفي وية محمد أفندي
العجوز حجت وياه وهي تبجي //
يمة من فدوة غديت الطولك ....بس كلي محمد وليدي وين .... أخوة واولاد عمة ما خلو مجان ما نشدوا بي عنة ..... ومالكوه
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
