حصاد المواسم

ح ٢٠ (( ألجزء ألثاني ))

ألحلقة ألعشرون ///من أحداث قصتي///

بعنوان /////حصاد ألمواسم

خطت بقلم ///فراقد حسن علي ///
----//////----//////----/////----------/////-------

عن ألعراق ألجريح أتحدث 👇👇👇👇أتمنى
ما تعبرون الفقرة وتقروها

نتصالح لو ما نتصالح ؟
.. قاله باله برتقاله ...
وأفرض طلعت ما نتصالح
شراح انسوي بهاي الحاله ؟ ......

معناها نقسم موطنة
دولة شيعة .. ودولة سنة
كل واحد يكتب دستوره
وكل واحد جدول أعماله
ونشرع قانون ايفرق
ويكول الما واحد كاله !!!.......

يا ويل السني اليتجرأ
ويصاحب شيعي ويبراله
ويا ويل الشيعي يحن كلبه
ويدك ترميشة لجواله
ولو شافو بالنقال اسمه
الا يشيلوه بنقاله !!!..........

والمتزوج من الثاني
يطردها وينكر أطفاله ...

وتشمل هاي الأجرائات
حتى أرقام السيارة
ماكو لوحة بصرة عراق
وماكو لوحة عراق ديالى
سنة عراق ....وشيعة عراق
وكل واحد يعرف منواله !!!.........

زوجي وفردي
وطبعأ بإستثناء الكردي
ما نكدر نمنع تجواله ....

وممنوع يغنون لداخل
لو يستمعون لمواله
وممنوع نغني احنه الميمر
لو مرت لمة خياله
وممنوع بشارع يتلاكن
ام دحام وأم جماله !!!..........

كولو هذا اليوم شماله ؟؟؟!!!
وكولو فال الله ولا فاله
ليش اتخيل هاي الحاله ؟ !!!!!

كمت اتخيل هاي الحاله
من شفت الاستاذ اغتاله
واحد ما يوصل لنعاله ....

ومن شفت الدكتور اتهجر
وأحتلو بيته النشاله .....

ومن شفت العالِم متهدد
حاير وين ايشد رحاله .....

يومية وكالو نتصالح
والإشكال إنفض إشكاله
ويوم الثاني تموت أطفال
ويتفجر مسطر عماله
لو تتفقون ونتصالح
لو نرجع ع القاله باله!!!!! ......

....قاله باله برتقاله ......
يارب منشوف القاله 🥺🤲🏻
----//////----//////----/////---------/////---------

حياتنة أني وأهلي بسنة ٢٠٠١ حياة عادية

مثل حياة باقي العراقيين ...
نفس العيشة ...ونفس الروتين .

أبوية ... والولد كلمن لاهي بشغلة ..

وأني..ونهلة نحير شنسوي غدة...ونحير شنسوي عشا.
ونخلص يومنة نشتغل ونفتر بالبيت...

وكميلة تسرح بالبنات...تكعد العصرية بالكاع
ويكعدن يمها نسوان ألجيران...يدكن فج ...
ويكصن بالرايحة والجاية...وتبقي ألبنات يمها
نسمة ،، وبتول ،، ومسك ،، ورقية بحظنها.

أني أول ما أكعد ألصبح ألكف بتول ونسمة ومسك
أغسللهن وأبدللهن ...واريكهن باكيت جبن هذا ألمدور
أبو ألمثلثات يوزعونه النه بالحصة ألتموينيه
يموتن علية...وأشربهن حليب هوش أفوره وأبرده
وأشربه ألهن.