#حصاد-ألمواسم
👇
#فراقد
👇
#ألحلقة((١٦))
÷÷÷÷÷÷÷÷÷÷÷÷÷÷÷÷÷÷÷
حياة ما صدكت بس سمعت محمد طلع
كومي وافتري بالبيت ... ادور على نور
دخلت على نور الغرفة السيد ....وما نسمع بس العياط
ونركض اني وكميلة ....ونشوف وحده نايمة بشعر الثانيه..... وحياة وكحة وصلفة ... ملخت نور تملخ
والعجوز تصيح على حياة وتغلط عليها
لان تجاوزت على نور
ومانسمع بس صوت السيد هز البيت هز ....
عاط على حياة بصوت عالي....
وتقدم عليها بسرعة وكفخها على راسها ....
والعجوز ما رضتلة ...تخاف عليها لان حبلة
السيد انكلب شكلة من الاعصاب ...
وكام يرجف من كثر عصبيته
يكلها //بالعباس اذا هسه الزمج الا أسويج وصلتين
بس عمي عزام واكف بعيني
وهي غير تسكت ... لا ترادد وصوتها عالي
ترد على السيد ... وعلى العجوز ،
وكل هذا الصار ... ما كفاها
من رادت تطلع من الهول ....دفعت نور بقوة
من جتفها وطلعت .... راحت الغرفتها
السيد تخبل يصفك ايد بايد
ويكول // يمة اني ما اتحمل هاي البرعة جدامي
ويومية مسويتلها مشكلة
من يرد محمد للبيت كليلة يعزللها وحدها
والعجوز تكلة //يمة عود من تطلعون جنازتي من هذا البيت ..... بهذاك الوگت فكروا بتقسيم البيت
وكلمن يعزل الحاله
كميلة كامت جابت مي للسيد ...
وهو اخذ الدولكة شرب المي جره وحده...
وكاللها // سويلي جاي
انوب صاح على كميلة وهي بالمطبخ
وكاللها // عليش خليتي عطأ يطلع ويه محمد
تراها الاوضاع موش زينه ... والدنيا مكلوبه
هي رجعت للغرفة وكفت بالباب وكالتله/_
اني أكدر لعطأ ... لو أكدر لمحمد
أثنينهم .... واحد أعند من الثاني
مر اليوم .... ونور ضايجة ومعقوج وجهه
من ورة حياة ....
والعجوز تحجي عليها تكلها //لا تغثين روحج علمودها
صار الليل ... ومحمد وعطأ ما رجعوا للبيت
السيد ... وكميلة يلوبون بصفحة ،
والعجوز كلساع تطلع للباب ....وترجع تفوت للبيت بصفحة
اللبيت كلة أنخبص .... ينطرون جيت محمد وعطأ
السيد طلع من البيت ..... ساعة اكثر ورجع
بس يلوب .... وكلش قلق وخايف
راح توضى واجى كام يصلي ....
هو كاعد على مصلايته صاح عليه
كالي // بويه هديله شو تعاي يمي .
اني جنت العب ويه باقر وسجاد
بطرف الغرفة جلگة ...
كمت ورحت كعدت يمة
هو كالي// سولفيلي منامج من جديد
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
