لكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة ,
إنها لحظات جني الثمار .. بعد جهد وتعب ,
وبعد عناء سواء طال الموسم أو قصر ..
بس شنو كارهه حياتي ... وطالعة ألدنيا من عيني يعني مخلصة يومي بس بجي..وقهر..وحبسة بالبيت وخوف من ألمصروع ...كلساع وكاب عليه
وهل علينة رمضان بدأية ألسنة ... يمكن بنص شهر ألواحد ...ألوكت بارد ...وألصيام بالبرد يخبل ما أحس لا بجوع ولا عطش . يخلص يومي بالمطبخ...أبدي أحضر ألفطور من ألظهر.
وهم ألمصروع الله هداه برمضان ...شوية خفت جنيتة من يمي .
أني هنا تابعت مسلسل مصرية جديدة تطلع وكت ألعصر ...وماعندي شغل هوايه أكضي الساعة وياها ....
أسمها (لن أعيش في جلباب أبي ) ألمسلسل كلش حلوة...قصتها تبين للواحد شلون يكدر يصعد من حياة الفگر...لحياة ألقمة بالشغل ألنظيف وألصبر .
يمثلها (نور ألشريف ) ...بدور عبد الغفور ألبرعي يمثل شلون يبدي حياة ألشغل بوكالة ألحجي إبراهيم سردينه ...بوكالة ألبلح ....بس ألاحقريين مرسي ومحفوظ أبن ألحجي يسولة مشاكل.
بس مرته فاطمة ألتبيع ألكشري خوش مرأه توكف وياه ... وتساعدة على ضيم ألدنيا . وتجيبلة ولد واحد ... عبد ألوهاب وأربع بنات //سنية، وبهيرة، ونفيسة، ونظيرة.
