حصاد المواسم

ح ١ (( ألجزء ألثاني ))

ألحلقة ألاولى (ج٢)///من أحداث قصتي///

بعنوان /////حصاد ألمواسم

خطت بقلم ///فراقد حسن علي ///
----///////////----/////////////

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
---------------

هديل//بعد ماخلصت ليلة دخلتنه،،و أحميد كلبي
بوسني وأعتذر مني لأن أذاني ،

ومن طلع يبشرهم...وسمعت صوت ألرمي وألهوسات
فد أستحيت...عزززه أنفضحت وأنشهرت...
يعني هسة كل ألناس عرفوا شصار بيناتنه...
ما أعرف وين أضم روحي من ألفشلة.

دخلت عليه نور..وكميلة..وألنسوان وياهن
وطوعه،،بقت تهوس وتكمز فرحانه من كل خاطرها

وأزهيران الحقيرة غثتني،،بس أني خوش رديتها
لطمتها على حلكها...حتى من طلعت غميتها بثنين أيدية وكتلها ألكبر .

من رجع أحميد كلبي للغرفة وطلع ألنسوان
طفى ألضوة وأجى أنجطل يمي ...
مد أيدة،،،ومسح عيني مغرغه دموع ...
تقرب عليه وباسني من كصتي .

وجهه مقابيل وجهي...ويحجي بصوت ناصي يهمس
كالي //ولج مادريتج هيج وكحة وبرعة
ولج هديتي حيلي أتعارك ويه زلمة ،

أني أستحي من عندة،،والله كتلني ألخجل وألمستحة
وأنوب ملزوك بية،،وقريب علية،،وتذكرت ألموقف صار بيناتنه،،بسرعة جريت ألجرجف وغطيت وجهي

هو ضحك بصوت عالي،،،وسحب ألجرجف من وجهي
كالي // ولج مسودنه شبيج ... لا تستحين مني
أنتي حلالي وستري ... وأنا حلالج وسترج .

تدرين عصام أكثر وأحد فرحان إليه
ولج شاورني وكالي//شبيك ما صدكت عرست
ولك صوت بجي ألبنيه وعياطها وصل لجسر ألمسيب.

يمه فد خجلت من سمعته كال هيج ...
سألته بخجل//عززززه صدك سمعوا صوتي ألرياجيل
شكد عيب،،،يعني كلهم عرفوا شنو صار بيناتنه..؟؟
رجعت غطيت راسي،،حسيت كل ألناس يباوعون عليه

هو يضحك عليه بصوت عالي...
وخر ألغطة من وجهي...ولفه ألجرجف سواه طوبه وشمره يم ألباب...كالي//ولج مسودنه شبيج ...قابل ناهبج .

كولي ألحمد لله من عرسنه تم بخير وفرحة ...

وأنتي رفعتي رأس أبوج شامل الله يرحمة...
وحافظتي على نفسج،،،أنتي مريتي بظروف بس ربج ستر عليج...وإلا وحدة غيرج الله وأعلم وين صفى بيها ألدهر.

وهم عرسج رفعة راس ألفاضل...وكميلة
خوش ربوج تربيه صالحة...وتعبوا عليج بتربيتهم

وهم رفعة راس أليه...لأن أختاريتج تكونين مرتي
وشريكة حياتي...وبيضتي وجهي من أول ليله وياية

أني ما الله هداني وسكتت ....
ولان بعدني ما مجمعة كل الأحداث براسي
وبعدني خايفة،،ومصدومة،،،ومستحيه.