فد ضجت ليش ميخليني أشيلة ... شكد نحس
هي العجوز اخذ الجاهل من أيد السيد ...ودخلت للغرفة
ركضت وراها .... أريد أعرف ليش قافلات الباب ..باوعت المرأه غريبه ...كاعده على جهه
وشكلها جبيره بالعمر ....ومبينه هوايه نظيفه
وحنجها بي رسم أخضروكميلة نايمة على جهه ...مو بنفس المكان
الفرشت بي نور ....ومتغطيه ...وشادة الحجاب على راسها .... وشكلها هوايه تعبانه ....وجهه مبين ملكوب من التعبونور كاعده بصفة وتسولف وياها
من شافتني دخلت ... أشرتلي تعاي
وكالت// تعاي سلمي على خالتج وباركيلها
جباتلج أخ صغيرونيهي كميلة شالت ايدها وأشرتلي تعاي
مااعرف ليش أستحيت وخجلت من الموقف
وتمشيت عليها ...وكعدت يمها
وهي بوستني.. بس كتلها // شلونج عمههي ضحكت بوجهي وكالت// ماالله هداج تكوليلي يمه
جان أملي بهذا الفرخ يكون بت ...
بس الحمد لله على نعمته .العجوز جاوبتها وهي تخلي الجاهل بحظن نور //
كولي يالله يمه وصلي على النبي ،
وفاضل سمى الصغير أحمد ،هي كميلة كالتلها //عمه كليله يسمي محمد
العجوز ردت عليها وكالت// لا يمه هذا هو أسمه أحمد
شفرقة عن محمد...؟؟ تراه خوش أسم وعاجب فاضلكميلة شاورت نور ....وهي فزت من مكانها وطلعت من الغرفة .... شوية ورجعت... بيدها علاكة مال مسواك النايلون الجبيرة يصير لونها ماروني
ومخليه بيها جدوره صغيره من الغدة يمكن...
وبعد شغلات وياهن .... وخلتهن يم المرأة الغريبه
وجابت بيدها فلوس هم خلتهن بيد المرأههي المرأه ماقبلت تاخذ الفلوس تكلها //
هاي صوغتكم وبشارتكم اليه كافيوالعجوز تكلها // خية ينطيج العافيه تعبتي ويه البت
هن كم فلس مايسون أخذيهن خية
واعذرينه عن التقصيرالمرأه اخذت الفلوس من حظنها وضمتهن بجيبها
وكالت لنور // بعد خالتج فد أستكان جاي حتى أمشي لاهلينور كالتلها// أي خاله هسه دقايق
صدك شويه وراحت جابت جاي للكلباوعت على كميله .... بالكوة كعدت على حيلها
وعون جان نايم بصفها يعني ما نايم بس
متمدد وياهانور أخذت الجاهل من مكانه وخلتها بحظنها
كالتلها // رضعي خطيه شوفي ينوص جوعان
صدقة لله يشبنهي مووو ..؟؟اباوع ابوجهه ...شو كله منفوخ ...
ماكو بس خطوط مال عيون
وخشمه مفرش ... وحلكه مورم يحرك بي
وابد مو حلو
كتلها // نور ترى مو حلو ...وابد مايشبهج خلي يوليشو هذني النسوان كامن يضحكن ويكولن //
هاااا بدت الغيرةالعجوز كالت // صلوات شبي موش حلو
تراه يشبة عمتة طوعة .. وأخية سجاد
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..