هذن النسوان كلهن بوسن كمليه... ويسلمن عليها
ويسألنها عن السيد ... ومحمد ... وبيت اعمامهم ...وهي تكلهن// مو تعرفن بسالفة أبويه
على هذا الشي أستدعوهم للمركز
اخذوا منهم معلوماتانوب كالت لام سعد // هاي بنت أختي
ماعدها ثياب ... خيطلي هاي القطعة على كدارها
تعرفين السيد مايبقل على هذا لبسهاهي المرأه الخياطة كالت // تعاي يمي يالبريشه
سبحان من خلقجكمت من مكاني ورحت يمها ...
كامت تشبر بجسمي ...وتكتب يمها القياس بورقه ، وكالت// عكب باجر تعاي اخذهاكميله كالتلها // وين سهاد أريدها شويه تلعب وياها
خطيه مخنوكة تعرفين بت بغداد ومامتعلمة على الحبسه بالبيتالمريه ام سعد صاحت// سهاد خايبه سهاد
تعاي هنا يالمطفيه ،بقيت اباوع على الباب...
ودخلت بنيه دبه حميسه ....ومسويه ظفاير أثنين
وجهه أبيض سمين ومتفح وصاير احمر
ولابسه دشداشه مخروطة بحزام قريب على صدرها
كالت // هااا يمه صحتي عليهكالتها أمها // اي تعاي اخذي البت ولعبنها وياجن
وممنوع تكتلنها ...وانطيها من عندج لعابه
واني اخيطلج جديده ....
موش تاخذين لعابه سعاد ...لا لعابتج تنطيها للبت
بلكت السيد بجاة عند الله ...ينقهر عليج ويدعيلج
حتى تفشين شويهالبنيه صاحت // يمههههههه بس يجي ابوي
الا اكله حجيتي عليه جدام النسوان ...واشرتلي تعاي ،،
كمت رحت وراها ...
دخلنه بغرفة بصف هاي الغرفة ...
الكاع مفروشه زوليه ....
واكو بعد أثنين بنات يلعبن بيت أبو بيوت ...
و مسويات بالمخاد بيت .. وعازلات الهول والطرمة والمطبخ كلشي وحد ...
ومنومات اللعيبات جهالهن ... وكاعدات يشتغلن
شكد حبيت اللعب وياهن ... وهوايه حباباتسهاد ... وسعاد خوات ....
والبنيه الثانية اسمها علياء بت جيرانهم ،هلكد مالعبت وياهن نسيت الوكت
وحتى ما حسيت بالجوع .... ولا بعطش
هن سهاد وسعاد كلساع وحده تجيب شي
مره جابن اكل ... مره جابن مي ... وجاي بارد
واكل واشرب وياهنالمراه أم سعد صاحت عليه وهي واكفه بالباب
كالت // خايبه يالبريشه عطأ جاي عليج
واكفلج بالباب.كتلها // عمه خلي العب بعد شويه ويه البنات
كالت// ولج الوكت عصر وكمليه دزت عليج
امشي روحيطلعت للباب .... لكيت عطأ واكف
كالي// يلا امشي امي بالها يمجكتله// هوايه لعبت ويه البنات ... وهوايه حبابات
كالي // اي هو ابو سعد وأم سعد أثنينهم خوش أوادم
وجهالهم زينين ماعدهم اذيه بالشارع
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..