كتلها //ما أعرف شنو تكولين
بس أمي شهلاء تكول أبونا عيسى
وأمنا العذراء مريموحتى هيج نصلي أني وياها من أنام بليل
كعدت على حيلي وصليت صلاة المسيح
بشكل الصليب~en 'fpan'm'fiw= nem 'u|hpi nem ui'uneyma eqoyab oyn oyt 'n oyw= amhn
نطقها (خين أفران أم أفيوت نيم أم بشيري نمبي أبنفما أثؤاب أنوتي أن أؤؤت أمين )
ترجمتها 👇
بأسم الآب و الأبن و الروح القدس إله واحد أمينهي هم كعدت وكامت تبجي بصوت عالي
وضمت وجهه بيدها ...وانوب رفعت راسها للسماء
كالت // يامريم العذراء بجاهج عد رب السموات
انت مرأه وأني مراه
وتعرفين الشرف غالي
فدوة رحت لاسمج محتاجتج تدعيلي يم رب العباد
يرزقني بالقسمة التستر حالي واحافظ على شرفي
من ذيابة البشرحضنتني بقوة وكامت تبجي كالت // أنتي مكروده مثلي لا حظن أم يلمج ....ولا خيمة أبو تحميج
كتلها // أمي شهلاء هم ما عدها أهل
بس تكول خيمة الرب كبيرة وسعت كل الفقرهرجعت تبجي بصوت عالي ،
عافتني وكامت قفلت سقاطة الباب
ورجعت شعلت التلفزيون طلع بالشاشه
أخبار مال معركة وجنودبقت الليل كله تسألني
شلون ضعتي
وين أهلج
وشنو تذكرين
وبقت تسألني .....وإني اجاوبهالحد ما واحد دك الباب وصاح // ولج نووور
مو شلعتي كلبي شوكت الله يهديج عليه
وتريحن كلبي ،هي ولا أهتمت للباب ولا لليدكها
كامت ودفعت الثلاجة وخلتها وره الباب
وطلعت من عدها خبز جامد من الفريزر
وكاسة لبنبقينه كاعدين ... ومن ذاب الخبز ....
كمنه نأكل أني وياها
وهي تسولف ويايه وتكول شغلات أفهمها
وشغلات لا ماأفهمهاكمت أسمع صوت ضحك رياجيل بصوت عالي
وصوت واحد يغني ... ويصوفرون ... ويصفكًونهذا يغني يكول بلحن حزين (يعني موال )
ماتت أوجوه الخجل .. ......صوت النثايه أيصيحنور كامت تبجي كالت // اي والله ماتت أوجوه خجل أقبال وأبتهال وماكو بعد عدهن شرف ....
ولا نكطة حياء ....وغيره على نفسهن
وهذوله الربع يضحكون عليهن وينهشون بيهن
يبقى واحدهم نذل ... يدور راحته بجسدهن
وعلساس مسوين عليهن فضل ينطونهن كم فلس
وهن الدفعنه أغلى من الفلوس
بس مو صوجهن ... صوج العم .... والخال
التبروا منهن وخلوهن أطفال وتاهن بهاي الدروب ....كتلها // نور شنو هذا الصوت ؟؟
عدكم حفلة عيد ميلاد ؟؟هزت أيدها اليمنى وضحكت ....
ومسحت أدموعها بظهر ايدها اليسرى
وايدها اليمنى نزلتها ...وبدت تنظف الكاع من نحت الخبز الوكع من عندي واني أكل
كالت // هاي الحفلة عدنه يوميه لا تستغربين منها
YOU ARE READING
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..