Hearts Unlocked

6 - Answer My Question

Mahaba ito, lalakarin ko pa ng onti hanggang makarating ako dun sa may bandang PUP Lab High School. Medyo natatakpan kasi ng mga puno sa gawing ‘yun. Syempre ‘pag kinikilig na ako gusto ko si bes lang makakakita. Hindi para sa publiko ang ka-cute-tan kong kiligin ha!

“Hi bes!” Niyakap ko siya ng mahigpit pagdating niya.

“Hala siya, anong meron ha!” Hindi naman kasi uso sa amin ang hugging at beso-beso, kapag may something lang.

“I need to tell you something.” Seryoso kong sinabi ng eye to eye habang umuupo kami. Kitang-kita ko sa mata at face reaction niya na hindi na siya makapaghintay sa mga susunod ko pang sasabihin.

“Ano bes? Tao? Bagay? Hayop?” Pinoy henyo ang peg mo ‘te? Excited much, mabanatan nga “puso…”

Nga-nga, ang cute ni Kate. Haha. Hala, pataas na ng pataas ‘yung ngiti niya. Puso pa lang, kilig agad? Wala pa nga akong pinapasabog e!

“Wooohh!! Sino bes? Ano, crush ba? Love na?” Tinamaan nga naman ng kwentuhang-puso, hindi na mapakali ‘tong si Kate.

“Ligaw na.” Pabulong ng onti.

“Aysus!!! Namumula ka bes!!! Sino ‘yan ha? Kilala ko ba? Na-eexcite ako para sa’yo. Hindi ka na tatandang dalaga.” Aba, ‘wag ko na kayang ikuwento? “Joke lang… Simangot ka naman agad diyan. Ay maryosep, spill it out! Answer my question, who’s the guy?”

“Si Nick.” Ayan na nga ba sinasabi ko eh, tsk. Biglang nawala ‘yung excitement sa mukha niya, patay ako neto. Isa kasi sa mga crush niya dati si Nick, tapos ayaw niya papaagaw mga ‘asawa’ niya. Kaya nga tinatanggal ko mga poster ko sa kwarto ‘pag pupunta siya dun, arbor ang ending. “Magsalita k ngaaaaaa! May Daryl ka naman eeee. Alam ko namang crush mo siya dati… May Daryl ka na bes, ajujujujujuju.” Sabay akap ko sa kanya at pinatong ko ang ulo ko sa kanang balikat niya.

“Hala siya, ano ka ba Caroline!” Naiiyak na ako, ayan na, teary eyed na… Tsk.

“Caroline, alam mo namang since April 10, 2012 stick to one na ako ‘di ba?” Paliwanag niya. Tinanggal ko ‘yung ulo ko sa balikat niya at sinabi kong “eh tuwing umaga kaya laging mong sinasabi ‘napakagandang panaginip, I went to Eastwood with my husband Zac.’”

“Sira ka talaga. Ano ka ba?!” Pinagtatawanan na nga niya ako, nakikita ko sa ngiti niya eh. Seryoso pa rin akong sumagot, “sira?” ‘Yun ang sinabi niya sa akin kanina di ba?

“Baliw!” Tinulak ba naman ako sa noo. “Tama ka naman. What I mean is, when it comes to real people,” bakit kailan pa naging fake si Zac? “ang mga lalaking nakikita ko in person, crush, oo. Landi-landi rin minsan di ba? Pero duh, may Daryl na ako at wala na akong hahanapin pang iba.” Ahhhh. Ang slow ko talaga, buffering ba.

“So ano, kailan pa siya nanliligaw? Grabe, hindi man lang na-detect ng radar ko.” Tanong ni Kate sa akin. Patay, baka magalit kung sabihin kong nadelay ako ng 1 day bago ko i-announce sa kanya. “Kahapon.” Pumikit ako, ayoko makitang mag-turn into a bad diyosa ‘yung beautiful diyosa ko…at sinundan ko agad ng paliwanag para hindi agad mag-init “ano, kasi…hindi ko agad nasabi kasi…hindi ako sure, kasi ‘di ba, kaibigan natin siya…hindi ko alam kung anong mangyayari kapag nanligaw na siya, eh tayo-tayo lagi magkakasama. Ewan, hindi ko talaga maintindihan bakit hindi ko agad nasabi sa’yo. Siguro kasi—“ Kung may nakakarinig siguro sa akin ngayon, baka akala nasa prisinto kami at ganito ako magpaliwanag.

“Siguro kasi first time mo?” Bakit mas alam pa niya ‘yung sagot? “Siguro?” Patanong kong sagot.

“Wala sa akin ‘yung na-late mo sabihin…isang araw lang eh. Kung isang buwan siguro baka initsa na kita sa ilog.” Natawa na lang kami. “I’m just so happy for you Caroline, my best friend.”