Sayo Pa Rin Babalik ( On-hold )

KABANATA 9

"Rae dalian mo baka maubusan tayo ng mauupoan."

Hinihingal na sabi ko kay Rae habang tumatakbo kami papunta sa gym.

Kasali kase sa Basketball team ng school yung tatlo.

May practice ang mga players ng basketball ngayon dahil nalalapit na ang Intramurals. Kailangan talaga nilang magensayo dahil magagaling ang makakalaban ng school namin. Syempre panatag kami dahil magagaling din naman sila pero iba pa rin talaga kapag may practice, diba?

"Dahan dahan naman Naomi baka hikain ako dahil sa pagtakbo. Makakarating din tayo dun, okay?"

"Ayyyy. Oo nga pala nalimutan kong may asthma ka nga pala. Sorry, Rae! Excited kase akong manood eh. Sorry talaga."

Pinitik nya ako sa noo na ikinasimangot ko.

"Ang oa lang Naomi. Tama na nga yang sorry mo hindi naman ako inatake ng asthma ko kaya wag kang mag alala."

"Kahit na. Nagpadalos dalos kase ako agad nalimutan ko tuloy."

"Okay nga lang sabi. Tara na nga!"

Ngumiti sya sabay hila sakin papunta sa gym.

Tama kayo ng basa! May asthma si Rae. Pero kahit na ganun game pa rin sya sa mga kalokohan naming dalawa. Minsan nga nalilimutan kong meron sya nun tulad na lang ngayon. Ang hyper nya kase masyado eh.

"Dun tayo malapit sa team nila."

"Sige!"

Pumwesto kami sa bench na malapit sa team nila.

Nagsisimula na pala ang practice game. Nahahati ang grupo sa dalawa. Magkateam sina Joshua at Jake habang si Asul naman ay nasa kabilang team.

"Sinong ichi-cheer mo?"

Tanong sakin ni Rae habang nakamasid sa naglalaro.

"Si Asul syempre."

Tiningnan nya ako.

"Sabi ko nga. Sina Jake ang ichicheer ko," sagot nya sabay balik ulit ng tingin sa court.

Nang tingnan ko sya ay seryoso na itong nanonood at may ngiti pa sa labi habang nakasunod ng tingin sa pinsan ko.

Hindi ko na lang iyon pinansin at nanood na lang din.

"Go! Greyson Go!"
"Galingan mo Blue! Hooooooo!"
"Mr. Parker mahal kita. Pakasal na tayo!"
"Joshua I love you!"
"Blue huwag kang magpapatalo magpapakasal pa tayo."
"Jake saranghae! Crushback naman dyan!"

Grabe! Ang wa wild naman nila. May fans na agad yung tatlo eh. Baka bukas bukas ibully na ako ng mga fans nila dahil sa inggit.

Nakay Asul ang bola.

Agad akong tumayo. "GO ASUL! Ishoot mo na yan!" malakas na sigaw ko.

Naishoot naman nya ang bola saka nakipag apir sa team nya.

"YESSSS!"

Napatalon pa ako dahil sa tuwa.

"Kita mo yun Rae? May talent ako sa pagcheer," masiglang sabi ko pagkaupo.

"Huwag kang masyadong matuwa bakla. Sadyang magaling lang talaga si Blue kaya nya naishoot yung bola, hindi yun dahil sa cheer mo," may halong pang asar sa boses neto.

"Ang bad mo!"

Tinawanan naman ako neto.

"Joke lang! Ang galing galing naman talaga ng Naomi namin oh."

Ginulo pa nya ang buhok ko habang sinasabi iyon.

Pinagpatuloy ko na lang ang fucos sa panonood.