Sayo Pa Rin Babalik ( On-hold )

KABANATA 8

Mag isa ako ngayon sa rooftop dahil lumabas pa ng school yung tatlo para lang bumili ng pizza at burger. Napailing na nga lang ako dahil bakit kailangan pang tatlo sila samantalang pwede namang omurder at magpadeliver na lang. As easy as that pero yung hard way pa ang pinili nila. Nakakaloka!

"Sorry!"

Nagulat ako ng may maglapag ng isang paper bag sa harap ko.

Ang boses na iyon! Kilala ko kung sino ang nagmamay ari ng ganun kalamig na boses.

Asul!

Nang tumingala ako ay nakumpirma kong sya nga. Binuklat ko ang bag ay nakita kong burger ito at isang large milk tea. May tubig din at apple.

Alam pa rin pala nya ang favorite ko.

Napangiti ako ng lihim sa isiping iyon.

"Bakit ka nag sosorry?"

"Dahil sa kanina."

Tumikhim ito bago magpatuloy ulit.

"Dapat kumain ka muna sa inyo bago ka umalis. Kinagalitan ka tuloy ng pinsan mo."

Concern sya sakin! Kyyyaahhh....

"Nagmamadali kase ako. B-Bakit nga pala hindi ka dumating kanina?"

Umiwas sya ng tingin.

"Something came up kaya hindi ako nakatuloy sa coffee shop. Late na ako kaya di na ako pumunta akala ko umalis kana dahil nga late na ako pero..... naghintay ka pa rin pala."

Handa naman kase kitang hintayin kahit gaano pa yan katagal.

Ngumiti na lang ako at kinuha yung laman ng paper bag.

"Thank you nga pala dito. Nag abala ka pa eh bibili naman sina Jake ng para sakin."

Hindi sya sumagot pero umupo sya sa bangko na malapit sa pwesto ko.

Kahit di nya ako kausapin ng madalas yung malamang concern pa rin sya sakin kahit papaano ay masaya na ako.

"Kumain kana ba? Share tayo gusto mo?" offer ko sa kanya saka nilahad sa kanya ang burger.

Umiling sya.

"Its yours!"

"Okay!"

Ayaw nya kaya ako na lang ang mag isang kumain. Tahimik lang sya sa isang tabi nang biglang bumukas ang pinto ng rooftop. Senyales na dumating na sila.

"Nandito na nag pagk----- Blue ang bilis mo namang bumalik. Kasasalubong lang namin sayo kanina sa tawiran ah. Tapos biglang nandito kana agad?" tanong ni Rae.

Inilapag nung tatlo ang dalang plastic bags sa mesa.

"Si Flash yan Rae ano ka ba."

Natawa naman si Rae sa biro ni Joshua.

"Ang dami nyo namang binili. May fiesta ba?"

"Panu yang pinsan mo inorder lahat ng makita sa menu. Pumunta pa sa restau para lang bumili ng kanin at ulam para sayo. Kaya ubusin mong lahat yan."

Ngumuso ako sa harap ni Jake.

"Bibitayin na ba ako? Kaya pinapakain mo na ako ng ganyan kadami dahil huling kain ko na 'to?"

Pinitik nya ako sa noo.

"Aray naman!" reklamo ko.

"Sira ka talaga. Kumain ka na nga lang."

Natawa naman ako

"Bro!"

Tawag neto kay Asul. May inihagis itong kulay asul na bote at nasakap naman neto iyon.