My Psycho Girl [COMPLETED]

[34] 5 Months Old

[34] 5 MONTHS OLD

DERRICK'S POV

Lumipas ang ilang buwan— March, April, May, June at July. Pero wala pa rin ang taong hinihintay kong bumalik. Five months old na si Erick at sa five months na nakalipas, ni anino ni Lyza ay wala akong nakita.

"Happy Christening, baby Erick! Sa wakas, nabinyagan ka na," nginitian ko lang si Jena nung nilaro niya ang kamay ni Erick. Papunta na kami sa reception. Ngayon kasi ginanap ang binyag ng anak ko.

Minsan nga, napapaisip ako. Talaga bang walang alam ang mga magulang at kaibigan ni Lyza sa biglaang pag-alis niya? First 3 weeks nung nawala si Lyza, tumigil na agad sila sa paghahanap. Naalala ko pa nga ang sinabi ni Jena noon...

'Let her be, Derrick. Babalik siya. Sinabi niya naman yun sa sulat, hindi ba?'

Pumikit ako ng mariin nang bumalik na naman sa isip ko ang sinabi niyang yun. Sinulyapan ko siya sa kaliwa ko. Busyng-busy siya sa paglilibang kay Erick. Hanggang ngayon ay galit pa rin siya sa akin pero hindi na katulad noon. Tama nga sila. Malaki na si Lyza. I know she'll come back... maybe not for me, but for Erick.

Pagkarating namin sa reception, kapansin-pansin ang pagsasaya ng lahat. Kasama ang X8, ilan sa kaibigan ni Lyza pati na rin ang mga parents namin. Ipinaubaya ko muna sa na-hire kong babysitter si Erick para makalayo muna ako ng panandalian sa mga tao. Pumunta ako sa pinakasulok na lamesa at dun kumain. Maya-maya lang ay may tumapik sa balikat ko mula sa likuran.

"Derrick."

Boses pa lang ay kilala ko na 'to. Mabilis kong nilingon si Theo at nginitian. Umupo naman siya sa kaliwa ko.

"Kamusta, Pre?" he asked enthusiastically.

Nagkibit-balikat lang ako at uminom ng tubig. Alam naman nilang hindi ako magiging okay hangga't hindi pa bumabalik ang asawa ko. Hindi ba sila magsasawa na tanungin ako?

"Buti naisipan mong pabinyagan na ang anak mo?" Pag-iiba niya ng usapan.

Ngumiti lang ako nang dumapo ang paningin ko kay Erick na buhat-buhat na ngayon ni Wayne sa harapan. "Tama sina Mama. Hindi ko na dapat hintayin na bumalik si Lyza para pabinyagan si Erick."

Gusto ko sanang sa pagbalik nalang ni Lyza binyagan ang anak namin. But my mom insisted not to wait for Lyza. Hindi mabuting patagalin pa ang binyag.

"Babalik ang asawa mo, Derrick."

Napatingin ako sa kanya. He was seriously looking at me as though he has something else in his mind.

"You should be thankful that Erick's with you. Babalikan niya kayo," aniya.

Matiim ko siyang tinitigan. Gusto ko siyang pigain kung may nalalaman ba siya o wala. Kasabay ng pagkawala ni Lyza 5 months ago ay ang pagbabakasyon niya sa Guam. Masama bang isipin ko na posibleng sumama sa kanya ang asawa ko?

"Theo, I don't mean anything harm but I've been wanting to ask you this..." Huminto ako saglit at tumingin sa ibang direksyon. "May kinalaman ka ba sa pagkawala ng asawa ko?"

"Huh? Pa'no mo naman nasabi yan?" Bakas sa boses niya ang pagkagulat sa itinanong ko, kaya napailing nalang ako at ininom ang tubig sa basong hawak ko. Bul-ls-hit. Bakit parang pakiramdam ko ay pinaglalaruan ako ng mga tao sa paligid ko?

"Alam niyo kung gaano kahirap ang dinanas ko nung nawala si Lyza. Kaya kung may alam ka, sabihin mo nalang sa akin."

Hindi siya nakakibo agad kaya tumingin na ako sa kanya. I could see how tensed he is as he was pushing his tongue inside his mouth sideways.