အပိုင်း ၅၉ [ အိမ်မက် ] (5)
⟨⟨ထွက်ခွာရမယ့်နည်းလမ်း⟩⟩
မှာထားသည်ကိုစောင့်နေရင်းကျန်းရှင့်ရဲ့ကိစ္စကိုလင်ပန့်ရှမေးလိုက်သည်။မေးပြီးမှသိလိုက်ရတာကကိုယ့်အခန်းဖော်ကိုယ်စုန့်ချင်းလော်လောက်သိမနေဘူးသေချာပြန်စဉ်းစားကြည့်ပြီးမှအခန်းဖော်တွေရဲ့ရုပ်ကိုတောင်သိပ်မမှတ်မိဒါကအရမ်းထူးဆန်းနေတယ်မလားကျောင်းထဲမှာနေတာပဲနှစ်နှစ်ရှိနေပြီဘယ်လိုလုပ်အတန်းဖော်ရဲ့ရုပ်ကိုတောင်မမှတ်မိရတာလဲလင်ပန့်ရှမျက်မှောင်ကျုံ့လိုက်ကာ : "မင်းနဲ့ကျန်းရှင့်နဲ့အရမ်းရင်းနှီးတာလား?"
"မရင်းနှီးဘူး"စုန့်ချင်းလော်ရဲ့ခေါက်ဆွဲမှာအရင်ရောက်လာသည်။တူကိုဆွဲခွာလိုက်ပြီးအေးစက်စက်ဆိုသည် : "တကယ်တော့ကိုယ့်မှတ်ဉာဏ်ကအရမ်းကောင်းတယ်တွေ့ခဲ့တဲ့လူမှန်သမျှအကုန်မှတ်မိတယ်ဒါပေမဲ့......"
လင်ပန့်ရှ : "ဒါပေမဲ့?"
"ဒါပေမဲ့ကိုယ်ကျောင်းထဲမှာအသိမများဘူးအများဆုံးနှစ်ဆယ်ကျော်လောက်ပေါ့"
"မင်းမှတ်ဉာဏ်အရမ်းကောင်းတယ်လို့ပြောခဲ့တယ်မလား?"
"ဒါကပြဿနာဖြစ်နေတာ"စုန့်ချင်းလော်ကပြောတယ် "ကျောင်းထဲကတချို့လူတွေကိုကိုယ်ဘယ်နှစ်ခါပဲကြည့်ကြည့်သူတို့ရဲ့မျက်နှာကိုမမှတ်မိဘူးတချို့လူတွေကျတော့တစ်ခါပဲတွေ့ဖူးပေမဲ့ရင်းနှီးနေသလိုပဲ"သူခေါက်ဆွဲတစ်လုတ်ကိုယူလိုက်ပြီးပါးစပ်ထဲထည့်လိုက်သည်။
လူတော်တော်များများအစားစားတာကိုလင်ပန့်ရှမြင်ဖူးပေမဲ့စုန့်ချင်းလော်လိုကျေကျေနပ်နပ်နဲ့ခေါက်ဆွဲစားနေရရင်အကုန်စားနိုင်တဲ့ပုံစံကတော့တွေ့ရခဲသည် : "ငါတို့အတွေးလွန်နေတာများလား?"
စုန့်ချင်းလော်ကပြောလာတယ် : "မဖြစ်နိုင်တဲ့ဟာတွေမင်းမကြုံဖူးဘူးလား?"
လင်ပန့်ရှ : "……သေချာပေါက်ရှိတာပေါ့"သူဖုန်းသုံးတာကိုပြန်တွေးလိုက်ပြီးစုန့်ချင်းလော်ကိုသေချာပြောပြလိုက်သည်။
ပြောပြီးပြီးချင်းပါဝင်ပစ္စည်းအမျိုးမျိုးပါတဲ့ဆန်ခေါက်ဆွဲရောက်လာသည်။အမဲသား,နုတ်နုတ်စင်းထားတဲ့အသားငံပြာရည်ကြော်,ဝက်အူမကြီး,ချဉ်ဖတ်ရို့စေး,ကြက်အသည်းအမြစ်.........အမယ်တွေကြားအဓိကအစာဖြစ်တဲ့ဆန်ခေါက်ဆွဲကိုတောင်မတွေ့တော့များလွန်းသည်ကြောင့်ပိုကြီးသည့်ပန်းကန်လုံးကိုပါသုံးထားသည်။
YOU ARE READING
အရိုးစုသရဲပန်းချီ「骷髅幻戏图」
Horrorအရိုးစုသရဲပန်းချီ「骷髅幻戏图」kūlóuhuànxìtú ခူးလိုဟွမ့်ရှိထူ စာရေးသူ - 西子绪 ရှီးကျစ်ရွှိ အပိုင်းပေါင်း - ၁၁၄ ပိုင်း + အချပ်ပို ၇ ချပ် ထွက်ရှိခဲ့သည့်နှစ် - 2020 မူရင်း - jjwxc ကျင့်ကျန်းစာပေမြို့တော် ဗမာဘာသာပြန် ________________________ အ႐ိုးစုသရဲပန္းခ်ီ「...
