#لبوة_ولكن
الجزء الثاني
البارت ١٢
جهاد: لا هو اصلاً اتصل بيه وطلب مني خدمة
اتوقعي
رملاء: شنووو ؟! بس لا يريد منك فلوس ترى معلية اني بهيج موضوع
قاطعني بسرعة
جهاد: لا لااا مو فلوس
رادني واسطة حتى ترجعيلة
رملاء: من صدمتي بكلامه ردت اشهك الا شوي ومدري شلون لزمت نفسي مكدرت احجي شي
جهاد: سبحان الله جنتي رايده تضمين السالفة عني وربج وصلها ليمي وعن طريق شعيب هم
رملاء: شنو حجالك ؟
جهاد: حجالي كلشي ،شلون صار الطلاك والسبب وفهمني المشكلة كلها ،وكال راح يصير اسبوع وبلكي تقنعها ترجعلي اني احبها واريدها
لان اني طلكت غصباً عني كلت انفذ طلبها فترة ترتاح وتراجع نفسها وارجعها
يعني اتخيلي شعيب يطلب مني اني هيج طلب ليش ؟! مو لازم نخلي يمها الف علامة استفهام ؟
رملاء: اخذت نفس بضجر ،ورديت بلا مبالاة
وهسه المطلوب مني شنو ؟ اسمع كلامك واروح اكله موافقة ارجع ش
جهاد: ليش اني قنعتج ؟ حجيت شي اصلاً حتى تسمعين كلامي ...شنو تلزكين السالفة بية بالكوة
رملاء: اممم بله انت شنو رأيك بطلبه انوب خوش واسطة دازلي
جهاد: قابل اني صدك جاي اقنعج ،اصلاً اتمنى تبقين متمسكة برأيج وترحين تصدقين الطلاق بالمحكمة هم حتى يصير رسمي
رملاء: امن البزون شحمة
جهاد: شنو قصدج ؟
رملاء: اقصد شعيب عرف المن يختار حتى يتوسطله
جهاد: هو مو قليل شر ،اجه خلاني وسيط حتى ينطيني اشارة ان بعدني احبها واريدها ولا تقترب منها لان طلاكنا شي وقتي من ترتاح وتقنع ارجعها
رملاء: انت تشوف هيج ؟ يعني لهالسبب وسطك
جهاد: اي طبعاً
رملاء: لعد انت ليش متأمل وتتمنى اصدق الطلاق بالمحكمة يجوز كلامه صح وراح نرجع ،
وحتى وان ما رجعنا انت شنو تستفاد ؟!
جهاد: اعتبر حجر العثرة الي بطريقي انزاح وهاي اول خطوة الي ناحيتج
رملاء: وراح تبقى بهالخطوة لاخر عمرك مراح تتقدم
كملت كلامي وبدت تتملكني العصبية ،حجيت بنترة
ادري انت متعبت ممليت ،ترى والله كرهت شي اسمه رجال كرهت شي اسمه زواج
ذرة امل لا يبقى عندك لان بس راح تتعب روحك عالفاضي
جهاد: الله كريم ،عوفي الموضوع مو وكته انتي اصلاً تعبانة ارتاحي ويصير خير
رملاء: نهيت المكالمة واني اعصابي تعبانة ،ضليت افتر بالبيت اريد التهي بشي احس ماكدر اكعد راسي يأذيني من الدوخة والملحة مدري شعيب مدري جهاد
طلعت للكراج فتحت الصوندة وبديت اغسل بي رغم نظيف بس هيج اريد التهي
باوعت للسماء وحجيت بتوسل
ياربي وحق اسمك گلبي خلص اذا تحبني شيلني من گلبهم وعقلهم
اني انسانة اريد اعيش وحدي بسلام ما اريد رجال بحياتي فدوة لاسمك كرهم بيه وخل اخلص من هالقوانة الاخذت حيلي ..
