#لبوة_ولكن
للكاتبة روشانالبارت السادس
رملاء:
انه الما يدري ويـن الشـــوگ وداه
انه المتـــروس ناس ومحــد وياهاحمد:
ضمَـيتك !
جرحَ وشكثر بية جروح
وأنت يا اوكح جرح مفضـوح ..جهاد:
يبعـــد الشــــــوف و اليمشـــن
يبعد ألما يوچدن لو رحت يعمن
.
.
رملاء: بس ماما خطوبتيش هاي ؟! بعدنا صغار ودنكمل دراستنالمياء: البنية بس تبلغ تصير مرة شبيج صغيرة شو كلشي تعرفين ،،وهو رجال شكده شكبره يشتغل وفاتح بيت اهله على ايده بعد وين المشكلة
رملاء: باوعتلها بأستغراب لان فرح مكالتلي على احمد جاي يشتغل ،سألتها منو يشتغل ؟!
لمياء: كرم ابن خالتج هناء غير
رملاء: اتعلمت ان كل مرة امي تخلي سجينها الحامي على جلدي ،ايدي او رجلي لما طبعت بيه هواي اثار حرق ما جاي تختفي ،بس هالمرة سجينها انغرس بوسط گلبي هم طعنة وهم حرق ،واني اسمع منها الاسم وماعرف الاثر هالمرة لشوكت يبقى !
رديت بصدمة استنكار شديد
مستحيل ...كلتلج اريد اكمل دراستي بعدين اني وين وكرم وين ؟! شعرف عنه ؟ حتى حجاية مثل البشر ماعندي وياهلمياء: بعد الخطوبة تعرفينه زين ماكو مشكلة
رملاء: لا خطوبة ولا غيرها اني ما اقبل بي ولا بأي شخص يتقدملي هسة
لمياء: ولچ لتصيرين ثولة ،ما تلكين احسن منهم كرم خوش ولد وخالتج هناء ماكو افقر منها وترحين لبغداد احسن ما تنقبرين هنا ،
لو اخاف عبالج انطيج لجهاد ابن عمج ؟! كطنة وطلعيها من اذنج لو بقيتي العمر كلة بلا زواج وكعدتي عانس على گلبي هم ما انطيج لاحد من اهل ابوج
شبية الا اتخبلت ليش اني شنو شفت منهم حتى انطيج انتي هم ،وفوكاها لابن سوسن وفگره!! هم الفگر عاميهم وهو طالب شيوكلج شيشربج ؟!
رملاء: ومنووو كلج اني اريد جهاد لو اصلاً مفكرة بييي؟!
اني مااا اريد اتزوج والله بعدني صغيرة ترى هستوني كملت ثالث ليش هيج مستعجلة عليةلمياء:ما مستعجلة اني بس غير خالتج طلبتج هسه
رملاء: واذا طلبتني يعني متكدرين تكولين لاااا!!
لمياء: لا ما اكدر اكسر خاطر هناء ،وهم شفتها خوش فرصة وكرم ماكو منه شاغول وحليو وخالتج فقيرة هسه تشوفين شلون يدللوج
رملاء: وتكسرين ركبتي وخاطري اني عادي عندج موو؟!! حجيت بعصبية
بالحلللم اتزوجه ،عفتها وطلعت من الهول الدمعة بطرف عيني وجسمي كله يرجف بس ما بجيت لان متأملة بأبوية هو يحلها عالاقل ولو مرة وحدة خل يوكف ويايهمرت الايام وبعد اسبوعين يلا رجع ابوية وامي فتحت وياه الموضوع وبعدين دز عليه يحجي ويايه و اني حجيتله نفس الحجي الي كلته لامي وانطيته قراري بالرفض للموضوع وهو بقى ساكت اي جواب ما انطاني