مساء الخير حبايبي
حبيت انوه على موضوع مهم قبل لا تبدأون بالبارت والي هو
ان الرواية الحالية احداثها مبنية بشكل رأيسي على حب المراهقة
ومو بين اثنين فقط وانما بين شخصيات كثيرة لذلك جاي اتطرق لهالموضوع بدقة فلا تستغربون لان كل حدث اله نظيرة بالمستقبل 🖤
وقراءة ممتعة حبايبي#لبوة_ولكن
للكاتبة روشانالبارت الخامس (هدية وتعويض)
آضم بـ گلبي بس بـ وجهي مفضوح
النآس آتگلي فآگــد وين مـــآ آروح
.
.
رملاء: واني ويا بتول ملتهين جاي نتفرج عالغراض والملابس ما سمعنا الا طكة كلش قوية والصوت اجه من ناحية البالكون خلانا نطفر من مكاناوبسرعة طلعت بتول للبالكون شوية ورجعت بيدها حجارة وملفوف عليها ورقة فتحتها وابتسمت
رملاء: شكووو منين هاي ؟ كامت تتلعثم بالحجي وتريد تغير الموضوع
وبقت عيني عليها مصرة اريد اعرف شنو سالفة هالورقة
لحد ما خليتها امام الامر الواقع فجابت الورقة خلتها بيديفتحتها وقريتها ...مكتوب بيها
اشتق لكِ يا قطعة من القلب ونبضه
ما شفتج اليوم من صعدت للشقة وحسيت يومي خالي بدونج بتولتي ،باجر ساعة ٧ ونص الصبح اطلع اتمنى اشوف وجهج الحلو قبل لا انزل للشغل ..احبجرملاء: رفعت راسي اباوعلها بصدمة ،لكيتها مبتسمه
منو هذا ؟!ردت بتوتر
بتول: انس بيت جيرانا
رملاء: ومن شوكت تعرفيه ؟! وشلون هيج يشمر الحجارة بله اجت بالجامة او اجت براس احدبتول: لا هو متعلم يعرف وين يشمرها
رملاء: يعني صارلكم هواي سوى ؟شنو البينكم بتول؟بتول: ماكو شي والله بس هو جان يحبني وبقى مجلبلي نظرات وحجي لحد ما خلاني اني هم احبه ومن يطلع لو يرجع من الشغل يشوفني يم الباب لا اكثر ولا اقل
وكل فترة طويلة يلا يدزلي هيج مكتوبرملاء: ديربالج على نفسج وعمتي خطية اذا تسمع شي تروح بيها
بتول: لتخافين ما مسويه ولا راح اسوي شي غلط وهو هم ما يريد مني اي شي مكتفي بشوفتي بس منا لما يكون نفسه ويتقدملي
رملاء: دكملي دراستج عالاقل
بتول: هو مكملة شعندي غير دراستي اصلاً حتى هو يشجعني عليها ويخاف عليه من كلشي لا فد يوم اتصل ولا خله احد يشك بحبنارملاء: هالسنة تداومين بمعهد المعلمات مو؟
بتول: بتسهيل اللهرملاء: كملنا حجي ورحنا سم امي وعمتي للصالة ،ماعرف ليش من حجيت ويا بتول وعرفت بعلاقتها بأنس ما خفت عليها ولا ضجت مثل فرح يمكن لان شفت الثكل بيها وشفت الحب الحقيقي شلون مبين بعيونها بالاضافة لحرص انس عليها وعلى دراستها مثل مكالت هي ...
بقينا يمهم لحد ما اجه ابويه اخذنا ورجعنا للبيت ولحياتنا الطبيعية وابوية كالعادة ما بطل من بيت جدي ابد مستمر كل يوم يروحلهم وينطيهم من راتبه بمقدار راتب موظف حكومي لان هو راتبه كلش زين ،وبنفس الوقت جان مستلم قطعة ارض من الدولة وجان حاير يبني بيها حتى نتحول بيها لان بيتنا هذا ايجار مو ملك ،بوقتها صدام حسين وزع قطع اراضي للعسكريين كل واحد حسب مسقط رأسه ،والقطعة مالتنا جانت بمنطقة هم قريبة على منطقتنا هاي بس يحتاج نروحلها بالسيارة عشر دقايق ،