لبوة ولكن

مشاهد مستقبلية🖤

#مشاهد_مستقبلية

المشاهد حصرية بالكروب والوتباد ما تنزل بالبيج 🖤
نكول بسم الله ونبدا

#لبوة_ولكن
للكاتبة روشان

مشاهد مستقبلية

*
طلعت ورى خالتي ودعتها يم الباب ورجعت دخلت للصالة مبتسمة ،قاطع ابتسامتي وهدوئي بصرخته ورجفة ملامحة الغاضبة وهو يتقرب عليه مثل كتلة النار

-ولج ك*** انييييي هيييج مو بعيينج مسويتني خرگة بيدددج ،،ولج عبالج مادري ليش تسوين هالحركات كلهاااا تردينه يغااار عليييج مو ؟!!ومن منوووو من رجلللج ولج اني مو بس خطيبببج اني رجللللج رجللج

انتي وحددددة عااار وبلاااا اخلاق
رملاء: رجعت ليورا بسرعة مبتعدة عن صياحه وغضبه ،،دموعي كامت تجري رديت بشهكة مصدومة وما فهمت شنو يقصد

شجااااي تحجي مااا اسمحلللك

ضرب ايده براسه بقوة اكثر من مرة وهو يحاول يكتم صوته العالي ،وجهة الاسمر اتحول بلون الدم
-مو عليييه ولج مو عليه عبالج مادري بأحمد جان حب حياتج ومراهقتتتج وكلشششي بالنسببة الج
وللللج شلون شلووون لزمت نفسي وما ذبحتج بهاللحظة مادري

هيج گروني واضحة بعييينج ؟! كدامي كدامي عيونج رادت تااااكله اكل لعددد وراية شتسوييين ؟!
باااجر عكبة شمدررريني ما تلتقين بيييي شمدريني ما تتواعدين وياااه هاااا

رملاء:فكيت حلكي مصدومة ،والدمعة جمدت بمحجر عيني الي اتوقفت حتى عن الرمشة من شدة صدمتي بكلامه
بقيت ثواني اريد اجر النفس ما ينجر ،اريد ارجع اسفط الكلام الي سمعته منه واقنع روحي ان كلامة مو بهالقصد بس ما رهمممت ما رهمت ابد

صرخت من كل گلبي صرخة ممزوجة بوجع وقوة خلتني بجسمي الخاوي كدام جسمه وهيئته ،هالقوة خلتني اكدر ادفعه من صدره بثنين ايدي رجع ليورا مصدوم

اطلللع برااااا ،،اللله ياااااخذك ماريد اشوف خلقتتتك بعد اطلللع
.
.
.
*طلعت من الغرفة ادور على جهالي لان الضهر متعلمة انومهم يمي بس من كعدت مالكيتهم
دخلت الهول امي كاعدة تتفرج عالتلفزيون ...سالتها
وين الجهال ،ردت بمتمتة

لمياء: طلعو يشترون

رملاء: عزززة بعيني ،،شنوو؟! شنو يشترون من يمتى وجاي يطلعون وحدهم اصلاً ميندلون شلون تخلينهم يطلعون !!

كمت افتر مثل المخبلة بالهول اريد اروح اجيب عباية امي البسها واطلع ادور عليهم وقبل لا اطلع صاحت

لمياء: مو وحدهم راحو ويا جهاد

رملاء: انداريت عليه رافعة حواجبي بصدمة
وصحت بنترة ...شجاااابه عليهم الف مرة كتله وكلت الكم جهاااد ما يوصل يم جهالي
كاااافي رحمة لدينكم كااافي الي بية كافيني ما اريد مصايب جديدة
خلووو جهاد بعيييد خل يعوفني بحااالي اني وجهالي مو بحاجته ولا حاجة احدد الله لا يعوزنا على احد ماريدهم يتعلقووون بي ومرة ثانية من يجي الجهال ما تخليهم يشوفوه والا ترى اخذهم واهج من يمكم ومتعرفون وين اولي بيييهم...
.
.
.
صوتي راح وانبح من كثر الكتم مو من الصرخة
عيوني تترجاااااه ووكعتله دخيل بنظراتها بس حتى يبتعد ،جان مثل الضبع جائع ويحاول يتلذذ بفريسته السهلة

جنت سهلة لان بلعت سكاكين بدل الموس ،لا اكدر اصرخ وافضح نفسي ولا اكدر اسكت وانطيه اشارة اني متقبلته ،دموعي بللت مخدتي وجسمي اتكسر من كثر الصد وثقل جسمه
حجى يم اذني بأنفاسه الحارة مثل اللهب
-لييش هيج تسوييين بيه ،ولج روحي بيييج لتكولين اعوفك

هدأت حركتي وبقت الدموع تجري
بعد ايده عن حلكي بعد ما اتاكد اني مراح اعيط
صحت بصوت مكتوم

عوفننني عليك الله احلفك بأغلى شي عندك لتسوود وجهي
سحب راسي لحضنه بقوة وهو يسحب النفس بصعوبة

-ماعندي اغلى منننج ...اششش اهدي كافي بجي ما اسوي شي صدكي هذا هو راح اعوفج بس اسكتي

رديت بغصة واني اتنفس بسرعة من الخوف والرهبة الي مريت بيها
لييش هيييج ؟ ولك الي يحب ما يأذي
تريد تكسر ظهري حتى تجبرني عليييك لو شنووو

ابتعد عني بسرعة دار وجهة يحاول ميباوع بعيوني الي تلومه بكل خطوة يخطيها
غطيت نفسي بسرعة واني امسح بوجهي بقوه اتمنى حتى الجلد املخة بهاللحظة من كثر ما كرهت روحي وكرهت ضعفي كدام كيده

صاح بعصبية بدون ميباوع ناحيتي
-كااافي بجي مااا سويت شي لتخافين ،وداعتج عندي ما سويت شي انتي مخبلة قابل متعرفين بهالسوالف يعني امج ما معلمتج ؟!

رديت بحركة وصوت عالي ...والله ما متزوووجة عشر مرات گبل حتى اعرف

-لييش تخليني افور شهالحجي هذا هسه
كومي عدلي ملابسج يلا حتى ارجعج ...

ما باوعت بوجهة ابد،بقيت امسح بدموعي مقهورة واكو غصة بگلبي حتى هو مادري بي وين راح

لحد ما كعد بصفي عالجرباية ...
.
.
.
مشهد من البارت القادم

سدن : وصلنا للفرع مال مدرسة ،الطالبات جانو ديطلعون من الدوام ابتعدنا اني وعادل كل واحد مشى على رصيف حتى منبين جنا سوى وصلت يم باب المدرسة وكملت طريقي طالعة كبل وكأنما جنت طالعه ويا الطالبات

استوقفني صوت وحدة تصيح بأسمي ،انداريت واني ابلع بريكي بصعوبة شفتها المعاونة مالتنا واحس نص جسمي خدر بلحظتها

تباوعلي بخزرة ،اتقربت مني وحجت

المعاونة: وييين جنتتتي ؟
سدن : ردت اتذاكه عليها ابتسمت ورديت
بالدوام غير ...خزرتني وردت بعصبية

المعاونة: تكذبيين عليه ؟ليش مادري بيج غايبة اليوم وبعدين ليش غايبة وانتي بملابس المدرسة؟ المهم الحجي مو وياج ،السبت تجيبين ولي امرج للادارة...