#لبوة_ولكن
للكاتبة روشان
البارت الثاني والعشرون
رملاء: بعد اتصال ابوية بأخو شعيب ،الرجال استغرب وبقى يسأل بأبوية ليش وشنو صاير ويحاول يطفي السالفة لحد ما اخر شي كال اني ما اكدر اتدخل بعد هسه لان ماعرف الصاير بينهم شنو ،بس راح اوصل طلبكم لشعيب وهو يقرر وهم افتهم منه اذا كدرت ،،
فات يومين وماكو اي خبر اكيد هو هم حب ينتقم مني ويسوي عكس الي طلبته ويمكن خباثة منه هالتأخير كله حتى يتعب اعصابي ، وبهاليومين امي خبلتني تطب وتطلع تسأل شنو السبب
لمياء: هسه غير افتهم على شنو عركتكم وليش هيج متخبلة منه ومن طاريه !؟ هسه اني وياج وماشيه بمرامج كلتي ماريده هم طبكت وياج وقنعت ابوج بس بعد مرارتي طكت احجي ليش هيج عنفصتي عالولد فجأة لعد شكد جبيرة السالفة حتى هيج روحج كشت منه ..!
رملاء: يعني انتو متعرفون تخلون خصوصيه عد احد
لمياء: غير تكعد راحة الاجنبية ليش وين عايشة انتي ام خصوصية ،شو مكابلتنا وكاعدة ليل نهار نايمة كاعدة بوجهي يا خصوصية هاي التبقى عود من ترحين هناك ببيت ابو كشكوشة دوريلي خصوصية وضمي اسرارج بجيبج
رملاء: منو كلج اروح بيته واصيرله مرة بعد ،ماااكو شعيب انتهى من حيااااتي هذا هووو ،صفكت ايد بأيد
لمياء: شسوووة المكموع غير تحجي بتتت ال
رملاء: يمممه يشك بيه وعباله اكو شي بيني اني واحمد من شافه يمنا وشلون يباوعلي اتخبل وكام يغار وحجى حجي جفص ببطني وگلبي سوى كام يجيب حجي عامي شامي ويكوله واني مستحيل ارضاها على نفسي ،،،وهذه كل السالفة
ارتاحيتي هسه ؟!
لمياء: نزوول اي والله هم عاجبته روحه فوك مراضيه بي وبشينه انوب هو المعاجبه ....دخل يووولي يوم عيد من تعوفي ونخلص منه
رملاء: هو اني حضل يوميه مبدلة رجال هم حظي هذا وانتي هم محد يعجبج جتج من الله
لمياء : ديلة اليسمعج يكول جنتي بحضنهم شو هي خطوبة وعالورق ،متشوفينهن يومية مطلكات ومتزوجات وداخلين بيهن ٣ مرات واكثر وهم بعدين يجيها ذاك الرجال الماكو منه ويكعد حظها وياه
رملاء: الله يهني سعيد بسعيدة مالنا دخل بالعالم اني احجي على روحي ...
اندكت الباب جانت الساعة ٤ العصر ،واحنا جنا بالغرفة شوية واجت سدن
سدن : هاي ام شعيب اجتي
لمياء: يااا وشعدها هاي الخ
رملاء: شبيج يمه المرة شعليها لتگلبين عليها هي هم ،خل نشوفها شتريد ونحجي
كمنا اني وامي دخلنا يمها بالصالة سلمنا وكعدنا اشرتلي بوجها الطيب وحجت
ام شعيب: تعاي عمة كعدي يمي دا احاجيج
رملاء: رحت يمها كعدت وبدت هي تحجي
ام شعيب: ماما الزواج مو لعبة وانتو صارلكم جم شهر مخطوبين وبديتو تنسجمون وواحد يعرف الخ مو هينة هسة تطلبين تفصخين وتنهين كلشي ،
