مساء الورد عليكم احبتي قبل لا تبدأون بالبارت اتمنى تقرون رسالة رملاءوطلبها منكم 🖤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اتمنى ما تخلون بطلتنا الحلوة تنقهر منكم لان الي بيها مكفيها ومثل ماعودتكم بباقي قصصي منعرف الجاي شنو فنلزم اعصابنا احسن🥰 قراءة ممتعة احبتي
#لبوة_ولكن للكاتبة روشان
البارت الثالث
ها انت هنا... تفتح ماكان مغلق في جوفي كالازهار الراقدة تحت جليد حياتي القاسية كتلك البوابة الصغيرة التي لم اراها تفتح من قبل ولم اعرف منها الا اسمها ..( بوابة السعادة) كثغري ،كقلبي الصغير ،وكل شيء ينبض بي (روشان) . .
رملاء: حاولت بعدين احرك بأذني عالباب لحد ما وصلت يم القفل جان بي فتحة والصوت اوضح ومنها بديت اسمع شجاي يحجون وسمعت عمتي وهي تكول لابوية
رفعت اسعاد الخط وحجت اسعاد: هلا عيني هلا بميسم ،الحمد لله الله يسلمج بخير كلنا ،هاج هذا جليل دينتظرج صار شكد
رملاء: من كالت هيج وخرت من ين الباب ورجعت للهول ركض وكعدت يم بيبي خفت لتشوفني لان عرفت بيها راح تطلع من ابويه كاللها انطينياه وطلعي ... واني من جنت بعد اصغر جنت فطنة وكلشي افتهم ويبقى ببالي فكل حجيهم انطبع ببالي وجنت فرحانة اليوم راح اروح لامي وعندي اخبار جديدة
بقيت شوية كاعدة وبيبي حجت هدية: شعندج كاعدة يمي يا بيبي ما تكومين تلعبين ويا جهال عمج وعمتج مادام سجن ابو غريب عفى عنج ( تقصد لمياء) عليش مكابلتني وكاعدة واني عجوز لا اهش ولا انش
رملاء: لا هسه راح ارجع لبيتنا امي متقبل اتأخر
هدية: كيفج بعد رملاء: من كد ما امي حاكمتنا جنا نخاف نتحرك ببيت جدي لان بكل زاوية هنا النا ذكريات طفولة اليمة هنا اتعلمنا نكعد عقال وما نتحرك وهنا جنا نباوع من هالشباك على جهال عمامي وعماتي من يلتمون ويلعبون واحنا ممنوع نتقرب منهم حتى لا نتوسخ مثلهم ،هنا امي ضربتني بالصوندة لاول مرة
