#لبوة_ولكن
للكاتبة روشان
البارت الثامن
جهاد:
يـ الغايبين
بلچي نتلاگه إبمحطه ياسمين
بـ المحبه والدموع امعطرين
الليله مثل البارحه گبالي صوركم
الليله كاتلني الحنين
احمد:
جان وجهك اول اولايات عمري واخر دروب الضياع
رملاء:
باچر من يعن الشوگ
و يحن الگلب و يريد
وين ألگاك يـ الذبك زماني بعيد
.
.
.
رملاء:
شوية وملامح امي تغيرت
جنت قريبة عليها وصوت السماعه مبين واني سمعي جداً قوي ف سمعتها تكول
هناء: عيني كرم يكول البنية مجبورة عليه لا رايدتني ولا هاويتني ومتطيقني حتى
ويكول اريد افصخ الخطوبة ماكو نصيب بيناتنا .....
ردت بعد ما بلعت ريكها وشهكتها سوى ورجعت ردت بضحكة
لمياء: شنو ماكو نصيب ؟! لعبة هي اليوم نتزوج باجر نتطلك ؟! جاي تتشاقين لو انتي لو هو ،كوليلة هذا ابو عيون الحلوة بطل شقى ترى خالتك تجي تموتك مابيه حيل هبطات
هناء: مجاي يتشاقة لمياء، الزواج قسمة ونصيب وابني وينتج مالهم نصيب سوى ،البنية بعدها صغيرة وشكلها ما هاوية الزواج هسه لو بالها غير سالفة ،واني ابني تعبان من عيشته ورايدله الي تسعده وتعوضه مو الي تكلب وجها عليه وتتعبه مو كوة هي
لمياء: على شنو گوة خية !! هذا هو متردون الباب توسع جمل قابل بتي اول وحدة تتطلك ،بس ياحيف عليكم عود بيت اختي وامنتها يمكم وتالي هيج تكسرون ركبتها،
هناء: كافي لمياء خل السالفة تنسد على خير ولا تخليني اطلع شكو ببطني ولو هو اليدري يدري والما يدري كضبة عدس
لمياء: شنو معناه هالحجي الزايد هذاا؟!! شسامعة
هناء: لا سامعة شي ولا شايفة شي مثل مكتلج ماكو نصيب وهذا هو
رملاء: استمر جدال امي وخالتي واني حسيت بخالتي عارفة بسالفة احمد والا جان ما حجت هالحجي هذا بس بقى مجرد تلميحات ما حجت بالموضوع ابد...
الفرحة الي بگلبي ما تنوصف ابد ،ما همني الحزازية الي صارت بين امي وخالتي اهم شي عندي اني راح ارجع حرة ما معلكة بأحد ،اكمل دراستي واحصل حبي بوقته الصح ...واني شاردة بفرحتي وتفكيري فزيت على صوت امي وهي تصيحني بعصبية
لمياء: كللله انتي السببب
رملاء: شعليك انيييي؟! يعني فوك ما جبرتيني وسويتي هالقسمة غصب عني وسكتت جاية هسه تذبين انسحاب بيت خالتي براسي ؟!
لمياء: لعد الولد شلون عرف وحس انتي مجبورة هااا؟ شوف شحاجية كدامة وخليتي يكش منج ومن سوالفج
رملاء: لا حجيت ولا شفته من جنت يمهم ببغداد لحد الان لو صدك اني حاجيه معناها الحجي صار من بقيت يمهم و المفروض من رجعني من يمهم يقرر هالقرار بسرعة مو هسه يتذكر
بعد على شنو اطلع اني السبب؟!!
