#لبوة_ولكن
للكاتبة روشان
البارت الثالث والثلاثون
هـَلي زحمـة مـن أعاتبكم
هـَلي المفروض حگي أنتم تردونة
هـَلي المفروض من الدنيا تكسرني
اجيكم و اگعد بسدكم
هلي بتكم يبچوها
عليّ مترف شواربكم؟
هلي چا انا مو منكم!
هلي أحلامي الذبحتوهن يغثني
وحگ دمعي الجرة منكم
حرت مدري شگللكم
.
.
الجارة: وين رايحة ماما ليروح يسويلج شي ؟
رملاء: رجال وخل يطلع بالشارع ،ما شفتيه شلون ختل مثل الجريذي من عرف بفضيحته كدام الناس
خل هو يخاف مني مو اني اخاف منه اصلا ممصدددك رملاء الي مسويها مضحكة ويلعب بعقلها سنين هيج تسوي ،عباله يقشمرني ويطمممر نار گلبي بدهائه
المهم يا خالة بس الجهال يمج عشر دقايق وارجع ...
طلعت واني متحلفة اكمل الي بديت بي وعليه وعلى اعدائي
عبرت فرعين عن فرعنا ،وصلت لبيت اهل سمارة ،دكيت الباب بحركة گلب شوية وفتحتلي الباب مرت اخوها جانت تعرفني بس اكيد ممتوقعة بيوم اروح لبيتهم فضلت مستغربة من طريقة دكتي للباب ونظراتها عليه غريبة
-هلا ام غيث هلا بيج
رملاء: عمتج هنا ؟! بلعت ريكها وكالت
-اي اي جوة خير خوما اكو شي
رملاء: وينها اريد اشوفها
-تعاي تفضلي
رملاء: دخلت وراها للبيت اخذتني للصالة جانت ام سمارة واختها الجبيرة كاعدات ،سلمت ببرود وهن ردن ببرود اكثر لان ميحبني من المشكلة القديمة الصارت وتهايم سمارة عليه وشيلتها بعدين
واني واكفة حجيت بنتر
ولدج وين ؟! اخوان سمارة موجودين اريد اي واحد منهم
طبكت الاماية حواجبها باستغراب وردت
ام سمارة: خييير ان شاء الله شكوو!؟ شلج شغل ويا ولدي وشبيج ليش هيج وضعج ؟!
رملاء: يا خير هذا ! يا خير يجي من بنتج
واذا على وضعي فالبركة بيها بنتج الي خانت زوجها وخانت العشرة وقبل كلشي خانت اصلها واخلاقها وخوفها من ربهااااا
ام سمارة : شتحجيين انتي شنو السااالفة شسوت سمارة
رملاء: بنتج يا محفوظة السلامة مسوية علاقة ويا رجلي
ايييي لتباعين هيييج ،يعني ويا حمااااهاااا الخااايسة القذرررة
عاطت اختها من مكانها وهي ترجف مصدومة
-شتحجييين انتي مخبببلة ،شهالتهايم هااي متخافين من ربج تقذفين مرة متزوجة وعدها اولاد
رملاء: ليييش اقذفها هيج اني ماعندي شغلة وعملة وما اخاف من ربي مثلها ،ولج من قذفها الله بنار جهنم كووون ،لتسوين اختج تخرخر شرف براسي وهي نقطة شرف ماعدها
اذا متصدكوني روحو عالجوارين الي شوفتهم رسايلها ويا شعيب والحبجيات مالتها
وهسه لما التلفون وكع وانكسر مني بعركتي ويا رجلي الاوسخ من بتكم جان شوفته الكم هم ..
بس الشارع كله شاهد على وصاختها فضحتتهااا فضيحة من الي تستاهلها
