اعذروني عالتأخير البارت خلصت كتابته ب ٤ وربع جيت انشره لكيت النت مقطوع
ربي يقدرني وانشرلكم تكمله ولو بارت صغير اليوم هم
#لبوة_ولكن
الجزء الثاني
البارت الرابع
اقبال: رديت بصوت مكسور ،زين واني ؟
جهاد: انتي زوجتي ام بيتي واولادي واحترامج واجب واهتمامي بيج اوجب ومراح اقصر عليج بأي شي
بس الي بگلبي شي مو بيدي ابد،الله يشهد حتى من ينذكر اسمها كبالي گلبي يرجف واعصابي ما اسيطر عليهن ابد
هذا الي بكلبي كله صار بين ايدج والقرار الج تردين تقبلين بيه تردين ترفضين بالحالتين اني احترم واقدر قرارج ومحد يكدر يجبرج على اي شي ....فهسه انتي شنو ردج الي ،منتظر منج كلمة
اقبال: بين حبي اله وتعلقي بي هالفترة كلها وبين صدمتي وكسرة گلبي هسه بكلشي سمعته منه ،بقيت واكفه بنص طريقين واحد اصعب من الثاني ،جهاد لكيت بي كلشي اتمناه
والي مثلي بنية مشى بيها العمر مو كل يوم تجيها هيج فرصة وهيج قسمة ،قررت اقبل واني كلي امل ان الي بگلبه راح يتغير ويميل تجاهي من يعاشرني ويعيش وياي ومن نكون اسرة والعمر يمشي
مستحيل يبقى عايش على ذكريات وحب ماكو شي يحييه
كتله عادي اني قابلة ،وان شاء الله احاول انسيها الك ،وتلتهي بعائلتك واطفالك باجر عكبة وربك على كل شي قدير ،،حسيت بملامحه الرضى والاطئنان يمكن لان الي بكلبه جان هم جبير وهسه تخلص منه ،،
مشت الامور بشكل طبيعي ،واتزوجنا جنت فرحانة بي وحبه يوم عن يوم يكبر بگلبي ،بس هو رغم معاملته الطيبة الي لكن بروده تجاهي بالمشاعر جان شي كلش واضح وهالشي ماكدر احاججه بي لان اعرفه من البداية ورضيت بي
يطلع الصبح لدوامه ويرجع الضهر يسبح ويتغدى ويينزل يم امه لان هذا شرطها جان لازم الضهرية كلها يكضيها يمها جان كلش تحب التملك ناحيته وهو ميحب يكسر خاطرها وكلامها
يرجع العصر يبدل ويطلع بالعيادة يشتغل مال اجهزة طبية
ما اشوفه الا بنهاية النهار ،واذا حب يكعد ويسولف وياي ما الكي الا ورملاء صارت هي كل سالفته بدون ما يحس بنفسه ،الكاه يوصفها الي ويحجيلي شلون جان يتابعها وشلون جان يراقبها من تروح للمدرسة وشلون حبها
يوم عن يوم اموت من قهري وگلبي يتكطع ،ومنا طلعت حامل ومعاملة امه وياي بالبيت مو زينة امر ونهي وتسلط وتعاي اشتغلي وخبزي واركض هنا وهناا واني صاحبة ووظيفة فجان كلامه يحرك بگلبي حرك لان ما شايفة شي يهون عليه
وكلما اريد اتندم على اختياري ارجع واكول هو زين ويايه هو ما مأذيني بس لوما هالحب المتعمق بي
ومأذي نفسه ومأثر عليه بسببه
لحد ما بديت اتعود واقنعت نفسي ان خلي يحجي عنها شكد ميحب شو هي وينها !! لا شايفها ولا شايفته ،المرة متزوجه وعدها اطفال لا بحاله ولا حالي ،،منها وكمت ما اهتم لان شكد مراح انقهر ما بغير بواقعنا شي
