#لبوة_ولكن
للكاتبة روشان
البارت الرابع عشر
باچر من يعن الشوگ
و يحن الگلب و يريد
وين ألگاك يـ الذبك زماني بعيد
.
.
_بس جيت احجيلكم كم شغلة للامانة لازم تعرفوهن كبل لا تنطون بتكم لأمين
رملاء: ردت امي بأستغراب
لمياء: وانتي منين تعرفين امين ؟! وشدراج بي طالبها !!
_غير اني جنتهم ،اني مرت اخوه
لمياء: هاااا دا اكول منين تعرفيهم ،بس بشنو جايتنا عيني اكو شي منعرفه ؟!
-راح احجي وربي هو الشاهد على كلامي لا احلفلكم ولا اكطع نفسي كدامكم ،واني من الاساس لما خوفي من الله جان ما جيت وحجيت بس الي اني مارة بي خلاني اخذ عهد على نفسي ما اخلي بت عالم وناس تمر بي الا وعدها علم خاصة بعد ما اجت جنة ثانية ويايه وهم ضاكت نفس الويل
لمياء: ياا اسم الله شكو شو وكعتي گلبي متحجين وتفضينا !
_امين وردة مال الله خلوق وشاغول وما يتعيب من يمه شي ،بس المشكلة الجبيرة هي امه يعني عمتي ،انسانة متسطلة وامين خركة بيدها ،والله الصراحة مو بس امين كل ولدها هيج ماشين بكيفها تكلهم موتو يموتون تكلهم اكعدو يكعدون
يعني لتشوفون هالبيت والخير الي هم بي كله ويغركم ترى كله الاماية تديرة وهي الي تنطي مصرف لودها
لمياء: تحجين صدددك ؟! هذا امين الضابط وشاربه تارس وجهة تالي يطلع هيج كله يمشي بشور امه !!
_وازيدج من الشعر بيت ،ترى الجنة عدهم لا قيمة ولا مقام ذرة احترام ما الها مخليها للخدامة والخلفة وبس ،لا تكدر تحجي ولا تفك حلكها ولا تكدر تطلع بيت وحدها وترتاح لان الاماية متقبل
هاج شوفي حالي عبالك عجوز وايدي يابسة من الشغل والكراب وكل هذا وما يعجب
ومرت حماية نفس الحالة عود اخذها على حب وكومة كعد يزامط كدامها وهم تالي حالها مثل حالي ما تفرق بشي
من عدى تشددهم وخنكتهم النا يعني بنتج هذا لبسها تنساه وتكضي حياتها كلها بالدشداشة والعباية لان تعرفين هم اصلهم من النجف
رملاء: حجت اخر جمله وهي تباوع عليه من فوك ليجوة مستغربة لبسي ورجعت كملت حجيها
_شوفي يا خالة ادري صدمتج ويمكن عبالج عندي فد سالفة ببالي لو مخططة لشي وجاي اكذب بس اني خليت الله الشاهد علية بكل كلمة كلتها وانتو بعد بكيفكم تردون تنطون او لا اني مو صاحبة الراي ،بالاول والاخير الرأي رايكم
بس امانة الله لحد يجيب طاريي كدامهم شيخلصني انوب الا اتعلك من شعري
لمياء: لا صدك جذب شجابنا عليهم حتى نحجي لتخافين خالة ،انتي هم خلف الله عليج وعيتينا
-يلا عيني اني طالعة بس فدوة مديلي راسج شوفي خوما اكو احد منهم واكف بباب بيتنا ،اخاف يشوفوني طالعه من يمكم
لان اني كتلهم رايحة للاسواق وجيت عليكم
