သူ့အဖြစ်အပျက်ကို ဖုန်းမှတဆင့် ပြောပြတော့ သူသူ သဘောကျနေသည် ။ သူ ပြုစုပေးရတဲ့ လူနာက ရှိန်းဆိုတာသိတော့ သူမ တကယ်ကို အံ့ဩသွားရတာ ။ သူတို့ ပြန်ပြီး အဆင်ပြေသွားပြီဆိုတာပါပြောပြလိုက်တော့ သူသူ သူငယ်ချင်းအတွက် ပီတိတွေ ဖြစ်လို့ပေါ့ ။
ရှိန်းနဲ့ ခွဲခွာခဲ့တဲ့ တစ်နှစ်ကာလမှာ နေဘယ်သူ့ကိုမှ စိတ်မဝင်စားခဲ့သလို ဘယ်သူ့ကိုမှလဲ မချစ်ခဲ့ ။ ရှိန်းကိုပဲ မျှော်လင့်တမ်းတနေတာ သူမသိတော့ ရှိန်းနဲ့ သူ အခုပြန်အဆင်ပြေသွားတဲ့အပေါ် နေ့အတွက် သူမ စိတ်အေးရပါသည် ။
"အခုလိုတွေ ဖြစ်လာတော့ ဒါက နင့်တို့ရဲ့ ဖူးစာလို့ပြောရမယ် ဟင်း ငါတကယ်စိတ်ချမ်းသာတယ် သိလား "
"အင်း ဒီကိစ္စကို အိမ်ကိုတော့အသိမပေးထားဘူး နင်လဲ လျှို့ဝှက်ထားပေးနော် "
"အေးပါ နင့်လူကြီး ခြေထောက်တွေက သက်သာတယ်မဟုတ်လား "
"အခြေအနေကတော့ ကောင်းလာပါတယ် မကြာခင်လမ်းပြန်လျှောက်နိုင်မယ်လို့ ဒေါက်တာကလဲ ပြောတယ် "
"အေးပါ နင်အဆင်ပြေတယ်ဆိုပြီးတာပဲ "
"အေး သူက ခေါ်နေပြီ ဒါပဲနော် သူငယ်ချင်း "
"အေးအေး ဂွတ်နိုက်နော် "
"ဂွတ်နိုက် ဂွတ်နိုက် "
ရှိန်းရဲ့ အခန်းအနောက်ဘက် ဝရံတာ၌ သူသူနဲ့ ဖုန်းပြောနေရာ ရှိန်းက လှမ်းခေါ်၍ နေဖုန်းချကာ သူ့ထံ လာခဲ့ရသည် ။
"ဘာလုပ်နေတာလဲ "
နှုတ်ခမ်းအားစူပုတ်ကာ သူ့ကို ကြည့်၍မေးရာ သူစိတ်ဆိုးနေပုံရမှန်း နေသိလိုက်သည် ။ ဒီတော့ နေ သူ့လက်ထဲက ဖုန်းကို လှုပ်ပြကာ ပြောသည် ။
"ဖုန်းပြောနေတာလေ "
"ဖုန်းပြောနေတာသိတယ် ဘယ်အကောင်နဲ့ပြောနေတာလဲ "
သူ့စကားကြောင့် နေ ပြုံးမိသည် ။ နှုတ်ခမ်းကြီးစူကာပြောနေရတဲ့ အကြောင်းကို သူ သိသွားလို့လေ ။
"သဝန်တိုတာလား "
"မတိုပဲနေမလား ကိုယ်ချစ်ရတဲ့သူ ကိုယ်မဟုတ်တဲ့တခြားသူနဲ့ ဖုန်းပြောနေတာ ဘယ်ရည်းစားက ကြိုက်မှာလဲ ကိုကို့အကြောင်းကို နေ့ကိုပြောပြထားတယ် မေဘယ်နဲ့ လမ်းခွဲမယ်ဆိုတာပေါ့ နေ့အကြောင်းကျ ကိုကို မသိရဘူး ကိုကိုနဲ့ မတွေ့ရတဲ့ တစ်နှစ်အတွင်း ဘယ်ကောင်လေးတွေနဲ့ တွဲခဲ့လဲဆိုတာလေ "
YOU ARE READING
ဟန်ဆောင် သတို့သား 🔞(Completed)
Romanceတစ်ယောက်နဲ့ တစ်ယောက် မချစ်ခဲ့ကြပေမဲ့ သက်ဆိုင်ရာ ချစ်ရသူတွေနဲ့ အသည်းကွဲခဲ့ကြတဲ့သူတို့ နှစ်ယောက်... ကိုယ်ရဲ့ချစ်သူက ကိုယ့်အပေါ်သစ္စာဖောက်ပြီး ကိုယ်အဖေနဲ့ ဖောက်ပြန်နေတာ မြင်လိုက်ရတဲ့ *ရှိန်းခန့်ထူး ကိုယ်ချစ်ရတဲ့ သူရဲ့ ပေါ့လျော့သွားတဲ့ အချစ်တွေကို ခံစ...
