နေ့ကို မောင်းထုတ်လို့ရမဲ့ အခွင့်အရေးကို မိုးမြတ်ထွဋ်လာရှုပ်ပြီး နေ့ကို လာ ကယ်သွားတဲ့အပေါ် သူတို့ မကျေမနပ်ဖြစ်နေကြသည် ။
သူတို့ဆိုတာ ဦးမိုးမင်းတို့ ဇနီးမောင်နှံ ။
ဟုတ်တယ်လေ သူတို့အစီအစဥ် အောင်မြင်ဖို့ လက်တစ်လုံးကြားလေးမှာ မိုးမြတ်ထွဋ် လာကယ်သွားလို့သာ နေ ဒီဟိုတယ်မှာ ရှိနေနိုင်တာလေ ။
သို့ပေမဲ့ သူတို့ ဘာမှ မတတ်နိုင် ။ မိုးမြတ်ထွဋ်ဆိုတာက သူ့ပထွေး ဟိုတယ်ပိုင်ရှင်ကိုတောင်ဂရုစိုက်တဲ့သူမဟုတ်တော့ သူတို့ပြောလဲ အပိုတွေသာဖြစ်လိမ့်မည် ။
ရှိန်းကြောင့် ဝမ်းနည်းမိတဲ့စိတ် နဲ့ သူသာ ရောက်မလာခဲ့ရင် နေ ဒီကနေ ထွက်ပြေးမိမှာ ။ သူတို့ပြောသလိုပဲ သူ့ဘက်မှာရပ်တည်ပေးမဲ့သူက အနားမှာမရှိနေတော့ နေ တကယ်အားငယ်မိတာတော့အမှန် ။ ရင်ထဲမှာလဲ လစ်ဟာသွားသလို ဝမ်းနည်းမိသည် ။
"အကိုလေးရှိန်းမကောင်းတာပါ ဘာပဲဖြစ်ဖြစ် အကိုလေးနေ ဘေးမှာ သူရှိသင့်တာပေါ့ မိုးမြတ်ထွဋ်ခေါင်ဆိုတဲ့ မင်းသားလေးသာ လာမကယ်ရင် အကိုလေးနေ ဒုက္ခရောက်မှာ "
သူတို့ စီစဥ်ပေးတဲ့အတိုင်း နေ အား တစ်ခန်းသက်သက် ခွဲပြီး နေစေတော့ နေ အဝတ်အစားထုတ်ကိုကြည့်ကာ ထိုင်နေသည် ။ မိတုတ်ကတော့ သူ့ဘက်ကနေ နာပြီး ပြောနေမိသည် ။ မိတုတ်က တတွတ်တွတ်နဲ့ ပြောနေပေမဲ့ နေ ဘာမှ ပြန်မပြောမိ ။ ပြောလဲ မပြောချင် ။
"အကိုလေးနေကို မိတုတ်သနားလိုက်တာ သူ့မျက်နှာ တစ်ကမ္ဘာ ထင်ပြီး လိုက်လာခဲ့ရတာကို အကိုလေး ရှိန်း လုပ်ရက်တယ် မိတုတ်မသိလို့မေးပါရစေနော် အကိုလေးရှိန်းက အဲဒီမိန်းကလေးကို တကယ်ချစ်နေတာလား ပြီးတော့လေ အကိုလေးတို့နှစ်ယောက်လက်ထပ်ထားတဲ့ကိစ္စ ဘာလို့ ပြောလို့မရတာလဲ "
"ဟင်း "
နေ ဘာမှ မပြောချင်တာကြောင့် သက်ပြင်းကိုကျကာ နေရာပြောင်းပြီး ထိုင်လိုက်သည် ။
သခင်အရိပ်အကဲ နားလည်တော့ မိတုတ် ဘာမှ ဆက်မပြောတော့ပဲ အခန်းထဲက ထွက်သွားရန်လုပ်တော့..
ČTEŠ
ဟန်ဆောင် သတို့သား 🔞(Completed)
Romanceတစ်ယောက်နဲ့ တစ်ယောက် မချစ်ခဲ့ကြပေမဲ့ သက်ဆိုင်ရာ ချစ်ရသူတွေနဲ့ အသည်းကွဲခဲ့ကြတဲ့သူတို့ နှစ်ယောက်... ကိုယ်ရဲ့ချစ်သူက ကိုယ့်အပေါ်သစ္စာဖောက်ပြီး ကိုယ်အဖေနဲ့ ဖောက်ပြန်နေတာ မြင်လိုက်ရတဲ့ *ရှိန်းခန့်ထူး ကိုယ်ချစ်ရတဲ့ သူရဲ့ ပေါ့လျော့သွားတဲ့ အချစ်တွေကို ခံစ...
