"ခင်ဗျားဘာတွေပြောထားလို့ ခင်ဗျားအဖေက ကျွန်တော့်အိမ်အထိ လိုက်လာပြီး စော်စော်ကားကား ပြောသွား ရတာလဲ "
ရှိန်း တကယ်ပဲ အားနာမိပါသည် ။ ဒယ်ဒီအဲလောက်ထိ လုပ်လိမ့်မယ်လို့ ထင်မထားခဲ့တာ ။ သူပြောပြီးနောက်နေမှာပဲ နေထွန်းရာရဲ့အိမ်ကို သွားပြီး သောင်းကြမ်းခဲ့တဲ့လေ ။ သူရည်ရွယ်တာ နေထွန်းရာဆိုတာ ဘယ်လိုများ သိသွားတယ်မသိ ။
"အဲဒီအတွက် ငါတကယ်တောင်းပန်တယ် ငါ့အရှုပ်ကို မင်းဆီပုံလိုက်မိသလို ဖြစ်သွားတယ် အန်တီမြသက်ရော သက်သာရဲ့လား "
"အင်း မေမေက သက်သာတယ် ခင်ဗျားအိမ်ကိုမလာလို့ မေးနေသေးတယ် ခင်ဗျားအဖေကြီးရောက်ချလာတော့ မေမေ အရမ်းလန့်သွားခဲ့တာ "
"အန်တီမြသက်ကို တောင်းပန်တယ်လို့ ပြောပေးပါ ဒီရက်ပိုင်း ငါ မင်းတို့အိမ်ကို လာဖြစ်မှာမဟုတ်သေးဘူး "
"မေမေက ခင်ဗျားကို အပြစ်မမြင်ပါဘူး မမကို ကူညီပေးခဲ့တာတွေအတွက်လဲ မေမေက ကျေးဇူးတင်ချင်နေတာ "
ရှိန်းရဲ့ ကူညီမှုတွေနဲ့ မမထား ကို ပြန်ပြီး ကယ်တင်ခဲ့နိုင်သည် ။ ငွေဆိုလဲ လိုက်နိုင်တော့ နားလည်တဲ့ အကြီးအကဲတွေနဲ့ လိုက်ခဲ့တော့ ထိုလူကုန်ကူးမှုကို တိုက်ဖြတ်လိုက်နိုင်ခဲ့သည် ။
"ရပါတယ် မင်းအမ အဆင်ပြေတယ်မလား "
"အင်း အစကတော့ နည်းနည်းလန့်နေသေးပေမဲ့ မမက သန်မာပါတယ် အခု ပုံမှန်ဖြစ်နေပြီ "
တကယ်လဲ ဟုတ်သည် ။ လူကုန်ကူးခံရတဲ့ မိန်းကလေး သို့မဟုတ် ယောကျာ်းလေးတွေဟာ စိတ်ထိခိုက်တာမျိုးတွေ ခံစားတတ်ပေမဲ့ မမကတော့ အရင်ကတည်းက စိတ်ကြမ်းလူကြမ်းဆိုတော့ ခံနိုင်ရည်ရှိသည် ။
"ခင်ဗျားမပြောရသေးဘူးနော် ခင်ဗျားအဖေကို ဘာတွေပြောထားတယ်ဆိုတာ "
နေက မေးတော့ ရှိန်း တွေဝေသွားသည် ။ ဒယ်ဒီအခုလို လုပ်မယ်လို့ မထင်ထားခဲ့ဘူးလေ ။
"ငါ့ကို ဒယ်ဒီက မိန်းမပေးစားနေတယ် "
"ဟင် "
"အဲဒါ ငါက လက်မခံချင်လို့ ငါ့မှာချစ်သူရှိတယ် အဲဒါက မိန်းကလေးမဟုတ်ပဲ ယောကျ်ားလေးလို့ ပြောလိုက်တာ မင်းဆိုတာ ငါလုံးဝမပြောခဲ့ဘူး "
YOU ARE READING
ဟန်ဆောင် သတို့သား 🔞(Completed)
Romanceတစ်ယောက်နဲ့ တစ်ယောက် မချစ်ခဲ့ကြပေမဲ့ သက်ဆိုင်ရာ ချစ်ရသူတွေနဲ့ အသည်းကွဲခဲ့ကြတဲ့သူတို့ နှစ်ယောက်... ကိုယ်ရဲ့ချစ်သူက ကိုယ့်အပေါ်သစ္စာဖောက်ပြီး ကိုယ်အဖေနဲ့ ဖောက်ပြန်နေတာ မြင်လိုက်ရတဲ့ *ရှိန်းခန့်ထူး ကိုယ်ချစ်ရတဲ့ သူရဲ့ ပေါ့လျော့သွားတဲ့ အချစ်တွေကို ခံစ...