ទីក្រុង ឡុងដ៍ , ប្រទេស អង់គ្លេស ....
ភូមិគ្រឹះត្រកូល គ្រីហ្វីន ...
<ប្រាវ>សម្លេងធ្លាក់បែកចាននៃក្នុងបរិវេណផ្ទះបាយរបស់គ្រួសារ គ្រីហ្វីន បានបង្កការភ្ញាក់ផ្អើលជាខ្លាំងដល់អ្នបម្រើក្នុងផ្ទះបាយជាពិសេសគឺមេគ្រួសាររាងសង្ហា ថេយ៉ុង ដែលស្ទុះមកមើលក៏ព្រោះតែអ្នកដែលធ្វើបែកនោះក៏ជាភរិយាសំណព្វចិត្តរបស់គេនោះឯង។
"ម៉ូ !!! ម៉ូ អូនកើតអីនឹង?"។ ថេយ៉ុង ស្ទុះចូលមកភរិយាគេដែលកំពុងងឿងឆ្ងល់និងការរអិលដៃធ្លាក់បែកចានផ្លែឈើរបស់នាងអស់ហើយអ្នកបម្រើក៏នាំគ្នាមករៀបចំទើបនាងក៏ក្រវីក្បាលហើយក៏កាន់ដៃ ថេយ៉ុង ។
"អូនគ្រាន់តែរអិលដៃបង! មិនអីទេ! តែថាផ្លែឈើក៏កំពប់អស់ទៅហើយ! នេះសុខៗស្រាប់តែរបូតដៃចឹងទៅកើត! អូនដូចជាមានអារម្មណ៍ថាចម្លែកៗម៉េចមិនដឹងទេ ថេ !"។ ម៉ូលី និយាយដោយលើកដៃមកដាក់លើដើមទ្រូងនាងហើយ ថេយ៉ុង ក៏ឪបភរិយាមុននឹងគេក៏អងែ្អលសក់នាង។
"អូនគិតច្រើនពេកហើយដឹង! នេះអាចមានរឿងអីទៅ? នេះទុកឲ្យនីទេះឲ្យគេរៀបចំចុះ! អូនមិនគួរមករៀបចំម្ហូបអាហារ ផ្លែឈើ ខ្លួនឯងញឹកញាប់ពេកទេ! បងបារម្ភណា៎! នេះប្រហែលជាអូនហត់នឿយហើយ! បើអូនហត់ទៅសម្រាកជាមួយនងក៏បានណា៎!"។ ថេយ៉ុង ក៏បណ្តើរភរិយាគេគេទៅអង្គុយលើសាឡុងហើយ ម៉ូលី ក៏ងាកមករកស្វាមីនាង។
" ថេ !! បងជូនអូនទៅរកកូនបន្តិចបានទេ? អូនដូចជាចង់និយាយជាមួយកូនណាស់បង! អូនដូចមានអារម្មណ៍ថាអូនបារម្ភពីកូនចម្លែកតែម្តង!"។ ទឹកមុខនាងបង្ហាញពីភាពមិនអស់ចិត្តរហូតតាមពីរបូតចានព្រោះដោយសារនាងកើតអារម្មណ៍មួយនេះហើយ ថេយ៉ុង ក៏ឪបស្មានាង។
"ម៉ូ ! នេះអូនកុំគិតច្រើនពេកអី! អូនគឺដឹងថាកូន ជូ ពេលនេះរឹតតែសុវត្ថិភាពព្រោះកូនយើងក៏នៅជាមួយបង ជីន មិនចឹងហេ៎? បង ជីន ជាមនុស្សគួរឲ្យទុកចិត្តជាលោក ប្រេនដន ទៅទៀត! ម៉េចក៏បងមានអារម្មណ៍ថាគ្រាន់បើជានៅជាមួយលោក ប្រេនដន ដែរ! នេះធ្វើចិត្តឲ្យស្រួលៗទៅអូន! ណាមួយស្អែកបង ជីន នឹងហោះមកជាមួយនឹងបង ជូន ហើយ! នេះបងក៏គិតទីរកគាត់ដែរ! តែបើថាអូននឹកកូនខ្លាំងចង់ជួបចាំបងនាំអូនទៅលេងកូនដល់ ស្វីស ក៏បានដែរ! អូខេទេ?"។ ថេយ៉ុង ក៏លួងលោមភរិយាហើយ ម៉ូលី ដកដង្ហើមធំបន្តិចមុននឹងក្រវីក្បាលដាក់គេ។
YOU ARE READING
សំណងកម្មស្នេហ៍ ( Revenge on you ) រដូវកាលចុងក្រោយ(Last Season ) 🖤🔥 Complete ☑️
Romanceជារដូវកាលចុងក្រោយក្នុងចំណោមរដូវកាលទាំង 7 របស់ស៊េរី : សំណព្វចិត្តម៉ាហ្វៀ ( Mafia's sweetheart ) 🔥💜ជាប្រភេទរឿងរ៉ាវស្នេហាមិនសមប្រកបនឹងកើតមានតាំងពីវិនាទីនៃការចាប់ផ្តើមហើយគ្រប់យ៉ាងកើតឡើងព្រោះតែពាក្យមួយម៉ាត់ថាគំនុំនាំឲ្យចិត្តដែលធ្លាប់តែមានក្តីមេត្តារបស...
