அழகான பெண் வேண்டும்
என்பார்கள்...
அவள் ஒரு *பெண் விளம்பர
மாதிரியாக இருந்தால்
அவள் வேறு மாதிரி என்பார்கள்...
படித்த பெண் வேண்டும்
என்பார்கள்...
பகுத்தறிந்து நடந்தால்
அதிகம் படிக்க வைத்தது தவறு
என்பர்கள்...
வேலைக்கு செல்லும் பெண்
வேண்டும் என்பார்கள்...
அவள் கணக்கு பார்த்தால்
சம்பாதிக்கும் திமிர் என்பார்கள்...
வீட்டை கவனித்துக் கொள்ள
பெண் வேண்டும் என்பார்கள்...
அவள் ஓய்வாக அமர்ந்த
பொழுதுகளில் "நீ வெட்டியா
தான இருக்க" என்பார்கள்...
எல்லோரும் பெண் வேண்டும்
என்பார்கள்...
ஆனால் அவளுக்கென்று
சுயம் மட்டும் வேண்டாம்
என்பார்கள்...
_________________________________________
*பெண் விளம்பர மாதிரி - A girl model