اخ شگد الك بية معاناة
وسفة حلوگهن ما يوم يحچن ..
چذابات ذني عيوني والله
من شافنّك المفروض يبچن !
الكاتبه :تولا العسكري
حمزه : رحنه اني وخالد لبيت ابو اكرم حتى ناخذ الجواب
دخلنه وكعدنه وكتله عمي احنه جاين نسمع الجواب
ابو اكرم: شوف ابني انت رجال ونعم منك ماقاصرك شي ومايرفضلك طلب لهذا اني اخذت رأي البنيه والبنيه خايفه لان ماطالعه ولاشايفه شنو الدنيا وبعدها
صغيره وتعرف بيها خرسه لهذا من فاتحتها بالموضوع خلت امرها بيدي اني اتصرف نيابة عنها بحكم هي بنتي بس اريد
اخذ منك كلمة رجال لرجال انك تحافظ على بنتي وماتكسر گلبها وخاطرها واذا فد يوم افراح انكسر خاطرها تجيني وتكلي عمي اني ماكدر اتحمل المسؤوليه بهذيج الساعه اني اعتبرك رجال وردلي الامانه بس مااريدك يجي يوم وتردها ذليله وتعيرها وتخليها عندك وهي مكسورة خاطر
حمزه : عمي افراح بعيوني ومراح اقصر وياها وشنو تريد حاضر ومااكسر گلبها وخاطرها
خالد :عمي افراح راح اكون كفيل حمزه اذا فد يوم افراح انكسر خاطرها اني الزمها من ايدها واجيبها الك واخذ حقها لو مو يطلع حمزه لو يطع ابوي لهذا من هسه صارت اختي مااقبل احد يضرها
ابو اكرم: والله والنعم منك رجال من ضهر رجال غيرتك سبقت افعالك هاي هيه انت اخوها وشنو يصير ع
ليها انت تاخذ حقها
حمزه وخالد : ميكون خاطرك الاطيب عمي حمزه :عمي بعد موافقت البنيه لازم نحدد يوم
الخطوبه والزواج لان اني اريد الامور تخلص بسرعه
ابو اكرم :بكيفك عمي اي يوم تريد احنه
ماعدنه اي اعتراض
حمزه :عمي بعد 3 ايام الخطبه والزواج نهاية هذا الاسبوع
ابو اكرم: على خير ابني
خالد:الف مبروك حمزاوي شايف كل الخير
حمزه :الله يبارك بيك بعد اخوك
حمزه:عمي احنه نستأذن وخبر الاهل على الموعد خل يجهزون نفسهم واي شي يحتاجونه اني حاضر وهذا رقم تلفون البيت اتصل عليه
ابو اكرم: ان شاء الله ابني
حمزه وخالد: يله مع السلامه
ابو اكرم :مع السلامه ولدي
🥀🥀🥀🥀🥀🥀🥀🥀🥀🥀🥀
افراح:بعد مكلي ابويه على الخطوبه وطلب رأيي لهذا اني كنت خايفه لان الزواج مو سهل واني خرسه خفت يجي يوم ويعيرني
وهو من شكله شخصيته عصبيه
مرت 3 ايام واني مرجعت الجواب ل ابويه
ولا قررت شنو جوابي الا على العشى واحنه كاعدين ابويه فتح الموضوع وكال
ابو اكرم: بابا فروحه باجر احتمال يجي الرجال ياخذ جواب شنو اكوله انتي فكرتي زين مهما كان قرارج كولي محد يكدر يجبرج
فرح :فكرت وكلت خلي اخلي القرار ل ابويه
هو يحبني وتهمه مصلحتي لهذا هو يقرر عني
ابو اكرم: اي بابا شنو جوابج
افراح بالاشاره :الي تشوفه انت صح اني موافقه عليه
ام اكرم :يمه فريحه الف مبروك بنيتي شايفه كل الخير السعاده ان شاء الله تتهنين
الله يفتحها بوجهج وينطيج على كد نيتج
انتي نحرمتي من هواي اشياء الله يعوضج بي
ابو اكرم: الف مبروك بنيتي شايفه كل الخير
افراح: 😊
🥀🥀🥀🥀🥀🥀🥀
افراح : بعد مرجع ابويه الموافقه واتفقو بعد 3 ايام الخطبه والزواج نهاية الاسبوع
🥀🥀🥀🥀🥀🥀🥀🥀🥀🥀
ثاني يوم كعدتنه امي على وقت
ام اكرم: يله يمه سون ريوك ونضفن البيت حتى ابوجن قبل ميروح لدوام بطريقه يودينه لسوك نشتري اغراض للخطبه
البنات :اي يمه
افراح :تريكنه وبعدين نظفنه البيت وبدلنه ملابسنه
واخذنا بابا لسوك وبعدين راح لدوام
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
حمزه :بعد مطلعنه من بيت ابو اكرم
خالد :شوف حمزه اني تكفلت البنيه لان ادري بيك شنو نيتك وادري بيك راح
تاخذ البنيه بس حتى ترضي غرورك وتخليها تحت رحمتك وتعاقبها على اغلاط غيرها وتخليها لعبه بأيدك افرض ازوجتها وصار عدها طفل شنو ذنبها وشنو ذنب الطفل اذا كبر هم راح يكون مستبد وقاسي مثلك شوف حمزه مدام بعدك ماخاطي اي خطوه عوف بنت الناس فدوه هي بعدها صغيره نضلمت كل هالسنين وفقدت نطقها ومعاشت مثل باقي البنات لاتضلمها انت
حمزه:شنو السالفه يمعود شبيك تره اني مراح اذبحها شنو شايفني وحش كدامك اريد ازوج حالي حال الناس مو تلحون عليه بزواج راح ازوج وافرحكم وبعدين منو كلك يصير طفل لا مراح يصير مااريد اطفال
خالد: ان شاء الله كلامك صح نشوف تاليها
🥀🥀🥀🥀🥀🥀🥀🥀🥀🥀🥀🥀🥀
حمزه :دزيت خالد لبيتهم ورجعت للبيت
لكيت خالتي ام علي وجنتها مرت علي سلوى
دخلت سلمت عليهن وبست امي وكعدت يمهن
ام علي: اشلونك يمه
حمزه: الحمد الله خاله بخير
خاله عندي موضوع وياكم بعد 3 ايام اخطب واريدج انتي وزوجة خالد صديقي وام رضا (ام رضا هي نفسها سلوى مرت علي جنة ام علي)
تروحن ويانه للخطبه
ام علي: ياا يمه يمتى خطبت منين هاي البنيه شو مكتلنه
حمزه:خاله بنيه بنت اصدقاء الي
ام علي :شكد عمرها يمه
حمزه :16 خاله
ام علي: يا يمه صغيره البنيه
حمزه :لا خاله ممبين عليها صغيره
بس اريد اكول شي تره البنيه خرسه متحجي من تروحن الهم مااريد تحسسنها هي خرسه اني قابل بكولشي
ام علي: ياا صخام يمه شنو خرسه خاله منو جابرك تاخذ وحده خرسه يرادلك مره تحجي وياها حجايه روايه
حمزه :خاله اني قابل بكولشي مراح افكر بوحده ثانيه خلص هي هاي وخلص ومثل مكتلكم محد تحسسها هي خرسه
ام علي: بكيفك يمه اذا انت مقتنع شايف كل الخير يمه احنه شنريد غير
تستقر وتجيك خلفه
سلوى مرت علي:الف مبروك خويه الله يرزقكم الذريه الصالحه وتتهنون ان شاء الله
حمزه: الله يبارك بيكم الله يحفظكم
مشكوره خاله
تسلمين اخيتي ام رضا
انتبهت على امي عيونها مليانه دموع وتتباوعلي رحت يمها حضنتها وبستها كتلها يمه ادري بيج تردين تفرحين بعرسي واني راح اجيبلج جنه تعتني بيج من اشوفج مرتاحه ارتاح
حسيتها ضغطت على ايدي بقوه
نزلت بست اديها
وكلت لخالتي
ها خاله شنو هسه تروحن ويانه
ام علي :اي يوم المنى اذا انه مااروح بخطبة ابني منو تروح
سلوى: اي اكيد خويه نروح منتضرين عرسك بفارغ الصبر
حمزه :مشكورين متقصرون والله
يله اني راح اطلع اسبح وابدل واروح على علي وامر على خالد وابو
واطلع لسوك اشتري ذهب ل افراح
ام علي وسلوى :هاا اسمها افراح
حمزه بخجل :اي افراح
سلوى:الله اسمها حلو ان شاء الله ادخل الافراح على حياتك
حمزه:ان شاء الله
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
افراح :بعد مارحنه لسوك نشتري اغراض للخطبه
البنات اشترن فساتين
اكرام اختارت فستان ماروني قصير اردان
وزينب اختارت فستان طويل نص ردن بنفسجي
اني امي اختارتلي فستان لونه زيتوني
ام اكرم: فروحه هذا الفستان حلو عليج يطلع قريب من لون عيونج الخضر وشعرج الاشكر
افراح:الفستان الي اختارته امي كولش حلو
فستان عدل بي فتحه من نص الفخذ
والصدر دلعه وبدون اردان بس حمالات على الكتف
مثل هذا بس على لون زيتوني وبي حمالات والصدر دلعه على شكل سبعه
👇
بعدين امي راحت لصايغ اشترتلي حجل بي جرس صوت الجرس خفيف مو كولش قوي
ام اكرم: هذا الج هديه مني تستاهلين يمه اريدج دوم تلبسينه يلوك عليج
افراح :دمعت عيوني بست امي وحضنتها
ام اكرم: لاتبجين بعد عمري انت تستاهلين وهاي سنة الحياه الله يجبر خاطرج بزوجج ويرزقج الراحه والسعاده
افراح :😊
ام اكرم:يله ولجن خلي نرجع حتيى نلحك نسوي غدى خطيه قبل ليجي ابوجن
افراح :رجعنه للبيت ضمينه الغراض وبدلت
ونزلت اساعد امي بالغدى
شويه واجت اكرام
اكرام:يمه شنو احنه نروح لصالون لو لا
ام اكرم: اي يمه راح تجي مره تصير اقارب زوج عمتج هي تعرف تمكيج كالت عمتج عهود اني ادزها للبيت الكم
اكرام :هاا هم زين شيطلعنه بالهوسه
ام اكرم: انه العصر اروح لبيت جدكم ابو عماد اعزم حبوبتكم ام عماد ونسوان عمامجن وعماتجن عهود وفاتن
🥀🥀🥀🥀🥀🥀
حمزه:طلعت رحت لبيت خالتي خبرت علي بموعد الخطبه وطلعت على بيت خالد واهله هم خبرتهم وكلت لخالد يجيب مرته وي خالتي وجنتها
كال تدلل
بعدين طلعت لسوك حتى اشتري ل افراح ذهب
اشتريتلها حلقه ومحبس وكلاده وتراجي وبتوت
بعدين رجعت للبيت
بدلت وتعشيت ورحت نمت لان تعبان
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
افراح :مر اليومين واليوم موعد الخطبه
ابويه خبر عمامي كلهم اجو
وعماتي كلهن اجن وبيبي ام عماد وزوجة عمي ام ايوب وزوجة عمي ام باقر
وبنت عمي نورس وبنات عمي رنا وبيداء و رواء وبنات عمتي فاتن
هدى وعذراء
وبنت عمتي عهود بتول
تقريبا كلنه نفس الاعمار بس رنا وبيداء اكبار ومزوجات
بعدين اجت المره الي راح تمكيجنا
اول شي بدت بيه
حفتلي وجهي ونضفت جسمي بعدين كالت ارتاحي وارجع امكيجج بعد الغدى
المهم سوت امي وعماتي غدى وتغدت الناس
وبعدين رجعت المره حتى تمكيجني
سوتلي مكياج فاتح لون اسود والحمره لونها احمركولش حلو طلع على بشرتي وشسورت شعري وفتحته ورفعته ببروش مال شعر من جهه وحده
كالت روحي البسي فستانج رحت لبست فستاني ولبست الحجل الجابته امي بالرجل الي بيها الفتحه مال الفستان ولبست كعب امي اشترته وي الفستان
شويه ودخلن عليه البنات كلهن
تخبلن كلهن ضلن يصلن على النبي صدك طلعت حلوه نزلت يم النسوان
كل الموجودين نبهرن بجمالي واني فرحانه بهذا الترتيب اول مره احس نفسي صاير شي علمودي ولخاطري
امي ضلت تبجي وكوه سكتنها عماتي
واجت بيبي ام عماد باستني
ام عماد: اللهم صل على محمد وال محمد بالمبارك يمه تشوفين كل الخير
افراح :باركتلي بيبي وانطتني محبس ذهب
بستها
ام عماد بضحك :عاد هذا رجلج يستاهل هذا الحسن والعيون الخضر لو املح
الكل ضحكو على حجيها
ام اكرم بابتسامه:لايمه زلمه معدل وحلو الله يحفظه لأهله
ام عماد:خايبه كولي يحفظه لفروحه
افراح:😳
شويه وسمعنه الجهال تصيح
اجو اهل العريس
اني بهاي اللحظه گلبي راد يطلع من صدري من كد الخوف والارتباك
🥀🥀🥀🥀🥀🥀🥀🥀🥀🥀🥀🥀🥀🥀
حمزه:مرن يومين وصار يوم الخطبه
اجوالزلم علي و ولد عمه وخالد وابوه واخوانه وشيخ يعقد
ورحت لخالتي
خاله جاهزات نطلع
ام علي: اي يمه ماعدنه شي امك راح اضل يمها الحجيه ام خالد
حمزه :ماشي خاله يله نتوكل
طلعنه 6 سيارات وصلنه لبيت ابو اكرم
لكينه عمامهم بالباب منتضرينه رحبو بينه ودخلنه
شويه وحجى ابو خالد وطلب افراح رسمي وتمت الموافقه
وكالو لشيخ حتى يعقد
بلش الشيخ يعقدلنه
اول مبده بيه يحجي واني ارد وراه لمن كمل
كال هسه البنيه
ابو اكرم : البنيه قاصر واني وكيلها بعدين هي خرسه متحجي
الشيخ :اني اخذ موافقتها حتى لو بالاشاره عن الحلال والحرام
ابو اكرم :تامر تفضل وياي يم البنيه
الكاتبه :تولا العسكري
🌺🌺🌺🌺🌺🌺🌺🌺🌺🌺🌺