الضابط المستبد والخرساء

البارت الرابع والعشرون

فاهي الليل يمهم حتى مابي لون
ولابي طيف يرهم عالجفن رسمه
ماصخ مستحاهم واني مالح طيب
اليتبده وي غيري بروحي مالمه
بيها عناد روحي وي الهوى من يفوت
اذا يثگل علي لوموت ماشمه

الكاتبه :تولا العسكري
افراح :جنت كاعده اني وحمزه وحمزه يلعب ب حسن شويه وندك الباب گام حمزه يفتح الباب
اني رحت وكفت ب باب الاستقبال اشوف منو اجه
فتح حمزه الباب
وتفاجئت ب سعاد جايه (الكاتبه :تولا العسكري )
سعاد :السلام عليكم اشلونك ابن عمي
حمزه: انتي شسوين جايه هاااااا شعندج جايه لبيتي
سعاد :حمزه اني بت عمك اشلون تطردني صح بالماضي اكو عداوه بيناتنه بس ابقى بت عمك
هسه خليني ادخل واكولك السالفه كلها
افراح :اني ضليت صافنه هاي شجابها وشنو تريد من حمزه اني ماصدگت صار زين وصار عدنه طفل هاي شجاي تخرب
حمزه: ادخلي احجي العندج او راويني عرض كتافج
افراح :دخلها حمزه واني اغلي بداخلي من الغيره والخوف من جيتها
اجه عليه حمزه لزم ايدي ودخلنا شال حسن وكال لتعوفي لوحده
لزمت ابني وضليت واگفه
وهي كعدت على القنفه وكعد مقابلها حمزه
شويه وكالت
سعاد :هذا ابنك
حمزه: اي اكيد ابني شنو عميه متشوفين
سعاد :والله خوش انت عشت حياتك وخلفت واني الله مرزقني الخلفه
حمزه: اكيد ميرزقج يعاقبجن على اعمالجن انتي وامج
سعاد: حمزه امي ماتت ميجوز عليها غير الرحمه
حمزه: الله لايرحمها ،،ويله بسرعه الغي شكو عندج جايه مااريد اعكر مزاجي بخلقتج (الكاتبه :تولا العسكري )
سعاد : حمزه زوجي ازوج عليه علمود الخلفه واني مااتحملت وضليت
الح عليه وتالي طلگني لان مرته حامل وهسه هو تطوع فدائي صدام
وكال انتي روحي شوفي حياتج
اني طلعت وماعندي احد اروحله بعد مطلگني وتدري لا اخو ولا اخت
حمزه: والمطلوب شنو
سعاد :المطلوب تتحمل مسؤوليتي وتكعدني عندك
حمزه: هههههه ضحكتيني ولج انتي دايخه اني اكعد عقربه عندي وبصفتج شنو مكعدج عندي
سعاد: حمزه انت ابن عمي واني عرضك والناس تاكل وجهك اذا صار بيه شي تقبل اروح لغير طريق وتشوه سمعتك بسببي
حمزه: اللهم صبرج ياروح اني مااخلص منكم الله ياخذج وره امج وابوج
سعاد،:حمزه اني تغيرت والله مااسوي مشاكل واخدمكم بعيوني مارايده
غير بيت يلمني منو الي
افراح :اني متت من القهر شنو تريد تكعد عدنه ومبين على حمزه تأثر بكلامها لان هي بت عمه وعرضه اكيد مراح يعوفها حتى لو يكرها
ياربي منين طلعتلي هالمصيبه هاي
حمزه :اني مستحيل ابقيج هنا اجرلج بيت واكعدي بي
سعاد: حمزه زحمه اكعد لوحدي بلا رجال شتكول عليه الناس
حمزه: ماشي تكعدين هنا بس قسما بالله وروح امي اذا تصرفتي تصرف يزعجني لو ازعجتي افراح اطلعج بالشارع واخلي طلقه براسج وتدرين بيه شنو اسوي اكيد تذكرين ابوج منو كتله وامج منو سواها مقعده
سعاد :اي والله كولشي مااسوي اهم شي بيت يلمني ورجال يحميني وانت ابن عمي واني عرضك
افراح :من گالها حمزه اكعدي هنا اني شاغت روحي هاي بدايتها واني اعرف بسوالف النسوان اكيد من شافته ازوج وصار عنده ولد گالت خل اربط نفسي بي واني اولى بي
شويه وتباوعلي حمزه نضراته كلها ترجي
اني تباوعتله وعيوني كله دموع وعصبيه خليتهم واخذت ابني وصعدت فوك (الكاتبه :تولا العسكري )
شويه ولحكني حمزه لكاني خاله حسن بحضني وصافنه
حمزه: فروحه حبيبتي شبيج ضايجه ادري بيج ضجتي لان خليتها هنا بس والله مااكدر اطردها الناس تاكل وجهي تبقى بنت عمي ماالها احد غيري
افرح: من گال هيج اني نزلن دموعي مثل الشلال وضليت اناشغ بالبجي
حمزه: يابويه هاي كلها غيره عليه ولج انتي من كل عقلج ابدلج بمره ولج اني لو اريدها جان اخذتها من ازوجنه مو اطلگها وهي بعدها بنيه
تعاي لحضني ام حسون خايبه هنه بس عيونج الخضر يسون عشيرتها
افراح: اخذ راسي خلاه بحضنه واني مكدرت بعد ضليت ابجي ومجلبه بقميصه ضل يحضن بيه ويبوس براسي
رفعت راسي واني اناشغ مسح دموعي وباسني بشفايفي وكال
حمزه: كافي فدوه اروحلج والله مااسوي اي شي يكسر گلبج
كافي فروحه حبيبتي شوفي حسون خطيه يتباوعلج هسه تلكي جوعان لاترضعينه وانتي مقهوره موزين علي حبيبتي مالج علاقه بيها اموتها اذا سوت شي اصبريلي كم يوم اشوفلها ابن حلال وازوجها مااخليها هنا بس لا ازعلين
افراح :مسحت دموعي وسكتت
حمزه :يله حبي اني راح ابدل اليوم خفر دير بالج على نفسج وعلى حسن
افراح :اي (الكاتبه :تولا العسكري )
بعدين كمت انطيته ملابسه بدل ونزل واني نزلت وياه شايله حسن
سعاد: هاا حمزه رايح لدوام
حمزه:….
سعاد: ترجع بالسلامه لاتخاف مرتك اني اليوم يمها مراح تحس بغيابك
افراح :سمعتها كالت اني اليوم يمها من صدك خفت
رحت لزمت حمزه من قميصه حيل
هو هم دار عليه وحضني وباسني براسي وگال اني باجر يمج حبيبتي
حس بيه خايفه
انوب دار على سعاد وكالها
حمزه: سعاد اسمعي زين اي شي يصير بالبيت هذا سواء انتي السبب او غيرج راح احملج انتي المسؤوليه فديري بالج على تصرفاتج تدرين بيه شنو اسوي
سعاد: لا والله مااسوي شي شبيك وياي
اخليهم بعيوني روح ولاتخلي ابالك مااعرف اشلون اجازيك والله
حمزه :يله ام حسون اودعناكم ديري بالج على ابني السبع
افراح بأبتسامه :الله وووو ييي يااااك
بعدين طلع حمزه
واني رجعت لكيتها كاعده كالت
سعاد :عيني وين غرفتي خل اخلي علاگتي بيها وارتاح
شنو راح اخذ غرفتي اني وحمزه القديمه لو تنطيني غيرها ياريت لو هي نفسها لان عندي بيها ذكريات
افراح :شطت من القهر من هي تحجي عالغرفه وتغمز هاي شبيها الظاهر جيتها مو خاليه تريد تاخذ رجلي مني
رحت اخذتها لغرفه بنهاية الممر محد يستخدمها بس منظفتها لان اني دائما انظف الغرف كلهن بدون استثناء
الغرفه جان بيها بوفيه وجربايه حديد نفر وغراض
سعاد :هم انعم الله عليج عيني ام حسن
جان بيتي هسه اجدي غرف
افراح :عفتها وطلعت واني ميته من الحركه
رحت بدلت ل حسن ونومته
نزلت اسوي عشا وهي ماكو نايمه
كملت العشا وشويه ونزلت جهزت العشا بالمطبخ مو محبة بيها بس عيب اعتبر راعية البيت لازم اكوم بواجبها
تعشت واني كاعده مقابيلها وهي تخزر بيه
كملنا عشه غسلت المواعين
وصعدت لحسوني لكيته كاعد رضعته ورجع نام
واني ضليت افكر بسعاد اشلون بيه اذا لتفت على حمزه وخلته يرجعها اموت والله
نفضت الافكار من راسي ورحت قفلت الباب اخاف على ابني منها
ورجعت تمددت يم ابني وغفيت
محسيت الا الصبح الباب يندك
رحت واني النعاس بعيوني فتحت الباب
حمزه :صباح العافيه ام حسون ليش قافله الباب خايبه وكع گلبي عبالي بيكم شي
افراح :جنت مشتاقتله وخايفه عليه حضنته وهو ماصدك ضل يبوس
بعدين وخرت رحت طلعتله ملابس والي ملابس حتى اسبح وهو همات يسبح وينام
راح ل حسن يضحك وياه
حمزه: هله بهذا الصباح الحلو هله بحسن عزيز ابو
اووف ياريحتك ترد الروح بابا حبيبي البارحه انت رجال البيت هاا
سبع ابني
افراح :رحت سبحت ورجعت امشط بشعري وحمزه يلعب بحسن بعدين كام اجه يمي باسني وكال
حمزه: فروحه خو مضوجتج هاي الحيه البارحه
افراح بالاشاره :لا
حمزه: يله حبيبتي راح اسبح وانام تعبان
افراح :بسته بخده ورحت ل حسن ابدله
وهو راح للحمام يسبح
بدلت لحسون ونزلت سويت ريوك
شويه وكعدت سعاد (الكاتبه :تولا العسكري )
سعاد :صباح الخير حبيبه
افراح: صص صباح اللللنور
سعاد :ياا صايره تحجين عبالي بعدج خرسه
افراح: شكد ضوجتني محسيت الا صوت من الدرج صاح
حمزه: سعاااااد اكلي تبن لا اكسر سنونج بحلگج
سعاد: يااا جاا اني شكلت بالعكس كيفت من سمعتها حجت
حمزه: اكرمينا بسكوتج محد رايد منج شي
سعاد: سكتنه هسه شحجيت اني
افراح: جهزت الريوك وتريكنه
حمزه خله حسن بحضنه ويبوس بي
وسعاد كاعده تخوزر
شويه ورن التلفون
كام حمزه انطاني حسن وراح يرد
شويه واجه وكال
حمزه: فروحه اهلج اتصلو يكولون هذا الاسبوع زواج اختج اكرام
افراح بفرح: اي
حمزه :يردونج باجر بس اني ماادزج الا قبل العرس بيوم شكو رايحه من هسه حسون يتمرض ويتبهذل ومااصبر على فراكه هالكد اني اخذج بالحنه
افراح: ببببككككييفك
حمزه :يله بويه كايم انام شويه دير بالج على ابنج
افراح:اي
شويه ضليت العب ب حسن بعدين نام صعدت لكيت حمزه نازع ملابسه باقي بس بالشورت ونايم ومطفي الضوه
رحت خليت حسن يمه على الجربايه
حس عليه وفز
كتله نام بقي يمك راح انظف واطبخ
حمزه :عوفي يمي فدوه اروحله
افراح :نزلت نظفت وغسلت ملابس شويه ودخلت خالتي ام علي
من دخلت وشافت سعاد تفاجئت
ام علي :هاايمه فروحه اشلونج بنيج شلونه
افراح :اللللحمممد الله خخخخااله
ام علي :وين حسون
افراح :نننناااييم يييم اببببوووه
ام علي :خير ان شاء الله
سعاد: هله خاله ام علي ليش زعلانه عليه مشفتيني
ام علي :شفتج وادري بجيتج وراها مصيبه اعوذ بالله منجن
سعاد: انعم الله عليج خاله
افراح :كعدت خالتي ام علي جبتلها جاي وماي وسعاد تخوز بيها
مرت الايام عاديه
صار يوم حنة اكرام اختي الصبح كال حمزه حضري نفسج ادزج لأهلج لان الحنه العصر
جهزت نفسي وحسون هم حمزه كال
حمزه :حبيبي ادزج لأهلج ومناك اروح عندي خفر
افراح :ارتاحيت هم زين مراح يضل وي سعاد لوحدهم  بالبيت
صعدت بالسياره وحمزه صعد
وصلنه لبيت اهلي
دك حمزه الباب
شويه ونفتح الباب

بنات حبيباتي التنزيل اني كتلكم قبل فتره
يوم انزل ويوم استراحه وصادفت عندي ضروف لهذا تأخرت عليكم كم يوم ،،اعذروني عالتقصير جاي ارتب بالاحداث مااريد اكتب شي قبل شي فجاي اتأخر…
قراءه ممتعه

...........يتبع ✍️
الكاتبه :تولا العسكري ✍️
❤️❤️❤️