الضابط المستبد والخرساء

البارت الثامن عشر

منين أجيت وبالعشك عندك يقين منين
اجيت وياهو سوّالك درب
أنطيني مهلة وخلّ أشوفن وضعي زين
وخلّ أشوف أنوب هم أكدر أحبّ
كلبي تيهتا وشرد ما أدري وين
وأنّه صار إسنين ما عندي كلب
خالي كلبك وأنت بعيونك جمال
كل جمال الكون يمّك يعتذر
نبع شفتك يعني كلماتك زلال
والعطش بالرّوح تاركم جم فطر

تولا العسكري

افراح :بعد مكعدت من النوم علئ الم فضيع حرت شنو اسوي
بيني وبين نفسي كلت خلي اموت واخلص من هذا العذاب خلي اموت وي ابني شنو فائدتي بهاي الدنيا
لا اني مزوجه زواج بي خير ولااني باقيه مرتاحه عند اهلي
بعدين كومني حمزه للحمام نزعني ملابسي وغسلي ولبسني ملابس
وشالاني نزلني لسياره بعدين محسيت بشي
،،
فتحت عيوني بالمستشفئ والدكتوره يمي.
الدكتوره: الحمد الله على السلامه ماما
الله يعوضج ماما اجهضتي طفلج واني خبرت زوجج بوضعج وسوينالج تنظيف وبس يخلص المغذي تكدرين اطلعين للبيت
افراح: هزيت راسي ب اي
بلحظة مكالت الدكتوره اجهضتي طفلج تمنيت ابجي واطلع القهر الي بگلبي بس دموعي منزلت حسيت نفسي قطعة ثلج خاليه من المشاعر
والاحاسيس مثل قطعة قماش ويحرك بيها الهوا
شويه ودخل حمزه اني بس صافنه حتى عيوني مرمشت بيهن
ولا التفتت عليه
حمزه: الحمد الله على السلامه فروحه
افراح :لا رد بس صافنه
حمزه: فروحه زعلانه مني ادري بيج بس شنو اسوي ماكدر اخلف طفل واخلي يكون مثلي
افراح: لارد
حمزه: تباوعيلي فدوه الج اشري تحركي شبيج
افراح شو باوعيلي
افراح :لارد
حمزه : يله راح اصيح الدكتوره حتى نطلع للبيت خلص المغذي
افراح: طلع حمزه واني على حالي شويه واجه هو والدكتوره
قاست الضغط وكتبتلي العلاج وكالت انتبهي على نفسج وان شاء الله
تحبلين وتفرحين عن قريب بعدج صغيره ماما ورحمج نظيف انتي مو اول وحده تجهض كولي ياالله
حمزه: اني اسمع الدكتوره تحجي وياها وهي على حالها
كلت شسويت بيها اني
افراح: طلعت الدكتوره واجه حمزه لزمني ولبسني حجابي وعبايتي واخذاني لسياره كوه اتحرك مو من الم جسمي لا من الم گلبي
ركبنا بالسياره اني ماقبلت اكعد يمه صعدت ليوره وهو مكال شي صعدني ورأستا نمت على الكشن
هو صعد ورجعنه للبيت
نزلني ودخلنه لكينه سلوى وخالتي ام علي
ام علي :يمه اصخام وجهي ولج فروحه بعدج مفرحتي بي ليش هيج ياخاله مو وصيتج على نفسج
ليش طاح ابنج ليش عمت عيني عليج شوف شصاير بيج
فوتي يمه فوتي ارتاحي كومي سلوى اخذيها ترتاح وسويلها غدا فقدت دم وروحها رايحه
سلوى :الحمد الله على السلامه فروحه سوده عليه
متستاهلين الله يعوضج بعد گلبي
افراح: ابتسمت وهزيت راسي بدموع
التفتت لكيت حمزه يتباوعلي وعيونه بيهن حزن
كلت بداخلي بعد ميفيد الحزن انت لاشيء بالنسبه الي
حطمت حياتي رفعت نص الكبد بسببك وكتلت ابني بأديك هذا غير الاغتصاب بطريقه قذره يوميه
صعدت لغرفتي لكيتها منظفينها خطيه سلوى اكيد تمددت ونمت محسيت الا سلوى تكول اكعدي اكلي هاي مشاوي تعوض الدم جابهن الج حمزه
هزيت راسي ب لا مااريد
سلوى :اكلي حبيبتي محد يفيدج غير صحتج كومي على حيلج واخذيها مني 40 يوم وتحبلين بعدج بحيلج شنو السالفه اني هم وكعت اطفال 2 اجهاض وبس فتره قصيره وراهم واحبل لتهتمين حبيبه
افراح: بداخلي اكول اي ياسلوى ماتدرين بالوحش الي عندي لو تدرين هو الي كتل ابني ومراح يخليني اصير ام ولا هو مخليني ارجع لأهلي
بعدين وكلتني شويه وكتلها كافي
اخذت علاج ونمت
محسيت الا على حمزه نايم يمي وحاضني
كعدت شفته كرهته هو الي كتل ابني
شلت ايده وشمرتها وكمت من حضنه هو رأستا فز كال هاا فروحه شنو يوجعج
ماحاجيته
كمت بهمه اريد امشي من يم الجربايه واطلع من الغرفه لان اختنكت من وجوده
هو رأستا سحبني ونومني وكال
حمزه: ابقي مرتاحه انتي مريضه اني اطلع وراح انام جوه بالاستقبال بس لاتعبين نفسج ادري بيج ضايجه مني يله نامي اني نازل انام جوه
افراح :نمت واني النار بگلبي ضلت تجيني احلام تزعجني
وضل هذا وضعي 10 ايام مااطيق حمزه
وبس نايمه صحتي تحسنت كلت خطيه سلوى هم عدها بيت واطفال وخالتي ام علي هم تعبت
خلي انزل وحمزه اعتبره مااله اي وجود بحياتي
نزلت فرحن بيه سلوى وخالتي ام علي
وحتى خالتي ام حمزه
اشرتلهن كتلهن اني زينه تعبتجن وياي وكمت الحمد الله وشكرت منهن بعدين هنه راحن
اني كمت نظفت البيت وطبخت غدا
وغسلت ملابس خالتي وملابسي وملابس حمزه ورتبت الغرف
شويه واجه حمزه سلم ماانطيته اهميه كمت ورحت للمطبخ اصب غدا
هو سلم على خالتي ورجع كعد بالمطبخ يمي
خليتله غدا وكمت لزم ايدي وكلي
حمزه: افراح شبيج والله جاي تحركين گلبي بهاي تصرفاتج وبرودج وين افراح الي تتلكاني بضحكه وتهتم بأدق تفاصيلي
افراح :اشرتله على گلبي يعني گلبي نكسر
خليته ورحت اغدي خالتي
شويه واجه كعد بغرفة خالتي واني اوكل بخالتي وهو يسولف وياها
يكلها
حمزه: يمه افراح كارهتني ومامهتمتلي
افراح: خالتي فتحت عيونها عليه عود شنو الصاير بينكم
افراح: بالاشاره خاله هذا حمزه كتل ابني شربني حبوب وابني مات
خالتي ضلت مصدومه وتتباوع لحمزه
نتبهت على حمزه صار بركان وعيونه تجدح نار من العصبيه
كام وكال بعصبيه
حمزه: خلصي غدا امي وتعاي وراي للغرفه
اني مااهتميت كلت شيريد يسوي بيه اكثر من هذا السواه
خلصت غدا خالتي ونطيتها علاجها ونومتها
رحت غسلت المواعين وصعدت للغرفه
اول مادخلت هو جان نايم بس شافني كمز عليه سحبني من شعري وضربني راشدي
واني بلحظتها مااهتميت لان شفت الاكثر منه
حتى مابجيت
حمزه: ولج اشلون تكولين لأمي تريدينها تكرهني
افراح :بلا رد
حمزه :اني سكتتلج هواي اكول خطيه مقهوره على طفلها
بس هو هم طفلي لهذا انتهى الموضوع واذا انفتح بعد اموتج
افراح: بلا رد
حمزه :اللهم صبرج ياروح
افراح :بعد الضرب والرزايل من حمزه عافني وطلع عباله اهتمله واني اساسا كرهته لان هو موت ابني
رحت اخذت ملابس ورحت للحمام سبحت
ورجعت سحبت الغطا ونمت
فزيت على حركه بالغرفه حمزه جاي يبدل
كعدت ورحت نزلت اشوف خالتي ولا عبرت لحمزه ولا اهتميت
نزلت كعدت خالتي غسلتلها وبدلت ملابسها ورحت سويت عشا اذن الاذان صليت وخليت عشا لخالتي
وحمزه بعده بالغرفه نايم
كلت ولا اهتم بي انسان ضالم مااعرف اشلون راح تستمر حياتي وياه
شويه ونزل حمزه
كعد يم خالتي باساها براسها
ويتباوعلي اني مااهتميت ولا كأنو موجود
حمزه: شنو اليوم ماكو عشا
افراح :رحت خليتله عشا وجبته اله بغرفة خالتي
خليته يمه كعد وكال
حمزه: يله تعاي تعشي
افراح :بلا رد وهي منزله راسها
حمزه: الصبر الصبر مو احجي وياج كومي ازقنبي
افراح :هزت راسها بلا
حمزه: افرااااااح كومي
افراح :كمت كعدت يمه ومنزله راسي وهو ينطيني لفات صغار واني بلا اي ردة فعل
خلصنه اكل كمت سويت جاي لحمزه وغسلت المواعين
ضل حمزه جوه يشتغل بملف ماادري شنو اني نومت خالتي وصعدت
للغرفه بدلت ملابس النوم بس مااجاني النوم رحت اسلي نفسي بالملابس ارتب بيهن بالكنتور
شويه ودخل حمزه
حمزه: كملتي
افراح :هزيت راسي اي
حمزه :كومي وياي مشتاقلج
افراح بالاشاره: لا مااريد
حمزه: افراح شبيج اني زوجج صار 10 ايام مخليج على راحتج
شبيج اريد حقي فروحه يله كومي مشتاقلج
افراح :بلا رد
محسيت الا حمزه لزمني من ايدي واخذني للغرفه الخارجيه
وكالعاده نزعني وسوه الي يريده بكل همجيه احسه يتعامل وياي مو ك زوجه لا كأنو اني عدوته وبس يخلص يرجع طبيعي حتاريت وياه
محسيت عليه الا لمن فتح الحبل من اديه وحضني
ونمنه لصبح
حمزه: صباح العافيه يحلوه
افراح :لا رد
حمزه :يله تعاي نرجع للبيت امي اكيد كعدت
افراح :رجعنه للبيت سبحت ونزلت سويت ريوك لخالتي وبدلتلها وغسلتلها
وتريكنه حمزه عنده خفر اليوم
حمزه: يله فروحه اني رايح لدوام ديري بالج على امي وعلى نفسج
افراح :لا رد
حمزه : استغفر الله
يله في امان الله
افراح :راح حمزه واني رجعت نضفت وغسلت ملابس
شويه واجت خالتي ام علي
ام علي :هايمه فروحه اشلونج
افراح بأبتسامه :الحمد الله
راحت خالتي يم خالتي ام حمزه
واني رحت اسوي غدا
ضلت الاوضاع مثل ماهي بعد شهرين
جنت نايمه محسيت الا...
تولا العسكري