الضابط المستبد والخرساء

البارت الثاني والثلاثون

ليش تبچي....الناس اجو سألوني
جاوبتهم....هذا حظ اعيوني
گالو اضحك...
عوف دمعك...
حيل اضحك...
خل نسمعك...
توني اجيت اضحك..واجو بچوني؟؟

الكاتبه تولا العسكري
تفاعلو ياحلوين
حمزه :بعد مراحو الناس وابو الولد انطاني هديه ورفضتها بس عمو وائل قبلها واني حاير بزماني اشلون ازوجها واني مااريدها مستحيل ازوج على فروحه والله اذا سمعت تموت ونوب حامل دخيلك ياربي ساعدني هسه فوگ مااني متصاوب اجتني الهموم

افراح :بعد مسمعت كلام الزلم والهديه الي قبلها عمو وائل اشون بيه اكيد راح يزوجها حمزه والله اموت مااتحمل وحده تاخذه مني
رحت للغرفه كعدت وضليت ابجي
شويه واجت امي لكتني ابجي
ام اكرم :يمه سوده بوجهي شبيج يمه منو وياج
افراح بهستيريا :يمه حمزه راح يزوج عليه يمه
راح تاخذه غيري
ام اكرم :ياا ولج فروحه شتكولين انتي شنو يزوج منين هاي
افراح :يمه بالمشيه مال الزلم انطوهم هديه لان مقبل حمزه ياخذ فصل الدكتور وائل قبلها حمزه كلهم مااقبلها
ام اكرم :لاتخافين يمه رجلج يريدج اعذري يايمه الهديه ماترد وزحمه فشل من الوادم بنص الزلم ويرد بتهم المره ماترد الا اذا عايبه لو مابت بيت
اصبري يايمه اكيد الدكتور من قبل الهديه يعرف اشلون يحلها
افراح :نحجي اني وامي ودخل حمزه امي عافتنه وراحت
اجه يمي وكال
حمزه :ام حسون حبيبتي شبيج ليش تبجين
افراح بدموع: شنو تغشم نفسك
حمزه :والله رفضتها والله عمي قبلها ومااعرف اشلون اصرف هسه انتي تدرين بيه ياروحي مااكدر اتقبل مره غيرج والله والله لو تنكلب الدنيا مااتقرب على مره غيرج وروح امي الماكو اعز منها مستحيل تنام بحضني مره غيرج كل شي مااريد منج اريدج بس تثقين بيه وثقي بالله حتى لو ازوجتها غصب مراح اتباوع بوجها وادخل عليها
هاي مو مشكلتي هاي مشكلتها ومشكلة اهلها لان يشمرون بناتهم بهالطريقه
يابعد روحي لاتنقهرين موزين عليج وعلى ابني يله كومي ننزل خل نشوف عمو وائل شنو راح يصرف بنت الناس
افراح بحزن : ان شاء الله خير
نزلنه جوه لكينه ابويه ودكتور وائل يحجون سوه من شافونه كالو هله بيكم تعالو خل نحجي وياكم
حمزه: تفضلو فهموني لخاطر الله شراح نصرف بهالمشكله عمي والله اني مااريد ازوجها
ابو اكرم : اهدأ عمي هسه نفهمك ندري بيك متريدها وانت رفضتها كدام اهلها بس بعد
تدري متكدرون تردوها
دكتور وائل :شوف عمو ادري بيك تحب مرتك ومتريد اجيب عليها مره بس ياعمو مثل مگال ابو اكرم الهديه زحمه تنرد وخصوصا اذا كانت مره اذا رديناها بعد محد يزوجها ويكولون عليها معيوبه
حمزه :وهسه شنو اسوي
دكتور وائل : عمو لازم تزوجها فتره وطلگها
افراح :من سمعت كلام عمو وائل بدون ماانتبه عيوني ضلت اصب ادموع
تباوعلي حمزه ولزم ايدي وعصرها
حمزه :عمي اشلون ازوجها اني مااكدر اطخ مره غير مرتي حالف يمين
دكتور وائل : عمو منو گلك اطخها هي بس تعقد عليها عقد سيد وتعوفها شهرين وطلكها بس علمود الفشل وعلمود سمعة البنيه
حمزه: عمو ابو اكرم احجي شي شو ساكت مبين عاجبك الحجي
ابو اكرم : اي ابو حسن مثل مگال عمك ازوجها شهرين وطلگها
وانتي بابا فروحه لزعلين تره كلنه مجبورين وزوجج يحبج وماقبل الهديه بس كل هذا علمود البنت لاتنضر سمعتها وانتي اكيد متقبليها على وحده من خواتج
افراح بحزن ودموع : بكيفكم
دكتور وائل :بارك الله بيج بنيتي لاتخافين بس شهرين اصبري اخذي وعد مني
ابو اكرم :بابا اذا ماتتحملين تشوفينها اخذج وياي ومن يطلكها ابو حسن ارجعي
حمزه بصوت :لا عمي شنو تروح وياك اني هنا مااكدر بدونها وبدون حسن مراح يتغير شي اذا اجت البنت تبقى بغرفه جوه لمن تمر شهرين واطلگها
حياتنه عاديه مراح يتغير شي هذا بيت ام حسن شنو تطلع وتعوفه علمود هديه شجاي تگول عمي
ابو اكرم : والنعم منك ابو حسن ادري بيك كدها ومتنطي بنتي
دكتور وائل : هذا حمزه السبع مينطي براعية بيته
حمزه :رحم الله والديكم اريدكم فخر الي
ابو اكرم :تسلم وليدي
يله فروحه روحي كلي لأمج خل نروح
حمزه :بعد وكت عمي ملحكنه نشوفكم
ابو اكرم : لاعمي عندي دوام والله
افراح :رحت كلت لأمي بابا يكول يله خل نروح
حمزه :احس افراح مو على بعضها ادري بيها ضايجه بس شنو اسوي طاح الفاس بالراس
افراح :مرن 3 ايام كلهن هم وقهر باليوم الرابع اجه عمو وائل وياه سيد من شفتهم نكسر كلبي اكيد راح يجيبون الهديه ويعقد عليها حمزه ضلت دموعي تجري
شويه وندك الباب راح حمزه يفتحه واني اتباوعلهم من شباك المطبخ
فتح حمزه الباب دخل رجال وبعدين دخلت وراه بنيه يصير عمرها ب 30 وحلوه بيضه
اصخام بوجهج افراح اكيد هاي جبيره وتعرف كلشي وراح تكسب حمزه وهي قريبه على عمره اكيد ينجذب الها على يوم
ضليت احرك بروحي وميته من القهر
شويه وطلع السيد وابو البنيه وعمو وائل
سد الباب حمزه
واجه وطلعت وراه البنيه
حمزه :تفضلي
رفل :زاد فضلك
حمزه : شوفي يبنت الناس اني رفضتج من انطاج ابوج بس حفاظا على سمعتج عمي قبلج وازوجتج بس لمده محدده بس حتى محد يحجي عليج وعلى سمعة اهلج
وهاي زوجتي ام حسن احبها واموت عليها وحالف يمين مااطخ مره غيرها هي الاولى والاخيره من هذا كلامي افهمي انتي راح تبقين مثل اختي هنا لمن ارجعج لأهلج
رفل :شنووو انتم شجاي تحجون شنو مثل الاخوان اني زوجتك شنو فتره وطلگني

...... يتبع
الكاتبه تولا العسكري
تفاعلكم يهمني ❤️❤️