الضابط المستبد والخرساء

البارت الرابع والاربعون

أحبك مو لأن انت حلو لا لأن روحي التقت كبلي ولك بيك اذا إنت تمُّر ع الأعمى يصيح الله والأخرس لَّون حاچيته يحاچيك أذب كلبي على سهمك وآنه مجروح واكلك دير بالك أخاف أأذيك إجرَّحني ولك بس كون عالكيف لأن إنت ويَّه دمي وخاف أبديِّك إجرحني ولك بس كون ما موت حتى مِن يتهموَنك أبريّك
على المراية وكفت ما شفت وجهي وشفت وجهك طلعلي وكمت أحاچيك وثبت بمرايتي وجهك مرايات
وأباوع وجهها مرايتي بيك بكذلتك شِّد ركبتي وطلع الروح أريدنها بعد تتكرب عليك أنت بحضني واكول بعيد اريدن هيچ كون آنه انخبط بيك بيا شارع مشيت كبالي ألاكيك أفوت بغير شارع هم ألاكيك أرد للبيت كبلي الكاك بالباب اطب كبلي تطب وتكلي أتانيك بغيرك فكّرت كلت آنه أنساك طلع غيرك يشبهك وفكرِّت بيك طلع غيرك يشبهك وفكرِّت بيك

الكاتبه تولا العسكري
حمزه :بعد مرحت جبت فروحه من اهلها الحمد الله امورنا رجعت كما كانت جنا نايمين ونسولف اني وياها
فاتحتني بموضوع زينب بنت عمي وائل
تريدها لأخوها حسنين صراحه حسنين خوش ولد ومؤدب وشاغول ومثقف دارس ومتعلم ،،بنت عمي متلكه احسن منه بس يبقى الشور لأبوها ولأمها وللبنيه نفسها ،فكلتلها باجر افاتح عمي بالموضوع ،،وفعلا ثاني يوم رحتله للعياده وفاتحته بالموضوع صراحه حمد بالولد وكال ماعندي مانع بس خل اشوف البنيه والقرار الها
كتلها هاي هيه عمي من تفاتحها بالموضوع اتصل عليه وخبرني حتى ارجع خبر لجماعه ،،كال تمام
رجعت للبيت مرن يومين جنت راجع من الدوام لان قبلها جان عندي خفر فرجعت الصبح جبت وياي شغلات لحسون وجبت وياي سمج للغده
رجعت تلكتني ام حسن مثل النسمه تدخل بريتي تعلقت بيها هواي ماجنت متوقع فد يوم اصير انسان ثاني وافتح صفحه جديده وتصير عندي مره واطفال
بس الله دزالي قضية اخوها من السما
كأنو يكافئني بيها الحمد الله على الرغم من اني هواي ضلمت ناس بس لان ضروفي صعبه نفسيا بس كنت ملتزم دينيا ولا فد يوم تركت صلاه ولاصيام ولا شربت ولازنيت الحمد الله
المهم انطيت فروحه المسواك ودخلت تريكت اني وياها وحسون والجهال يمنه
بعدين كمت للغرفه ابدل وارتاح
بدلت ونمت محسيت الا على فروحه تكعدني على الغده
كعدت غسلت ونزلت تغدينه وبعدين شربت جاي شويه ودك التلفون رحت رديت
طلع عمي وائل سلمت عليه كالي
اني خابرتك ارجعلك جواب البنيه
كتله اي عمي شنو جوابها كال
وائل :موافقه بس هي لاشايفته ولاشايفها يجون هو واهله يشوفها وتشوفه اذا قتنعت او هو قتنع على بركة الله اما اذا لا فبعد هي قسمه
حمزه :خوش حجي عمي راح ارجعلهم خبر
وائل :ان شاء الله خير
حمزه :سديت التلفون ورجعت يم فروحه عيونها تسألني على الجواب
افراح: هاا ابو حسن بشر شنو كالك عمك
حمزه: كال البنيه موافقه بس تريد تشوفه اذا اقتنعو واحد بالاخر اتم الخطبه على بركة الله
افراح :الحمد الله الله يتمم على خير
حمزه: ان شاء الله
افراح :بس حمزه
حمزه: كولي يروحي
افراح:اخوي عنده شرط خاف متقبل بي زينب
حمزه: شنو هو
افراح :اخوي ايرد المره دائما بيتها ميريدها لاتدرس ولاتشتغل
حمزه: يمعوده اصلا هي متريد اداوم شكد لحو عليها عمي ومرته علمود تشتغل وي محامي صديق عمي بالمكتب ماقبلت تحب كعدة البيت
افراح :وانت شعرفك بهاي التفاصيل هاا
حمزه بأبتسامه :هاا شو جنها ام حسون غارت هههه يابويه كبري عقلج راح تصير مرت اخوج زنوبه مثل بنتي مو بت عمي عمري 18 سنه من اجت لدنيا لو مخلف واني 18 هسه ابني اكبر منج وبعدين لو اريدها جان خذتها قبل لاازوجج
افراح :اي عبالي ماعليه انت كتلي بس انتي راح تبقين بحياتي
حمزه: اي يبعد روحي اني بس الج
محد ياخذني منج
افراح :اموت عليك
حمزه:واني اموت عليج ينضر عيني
،،،،،،،😍😍😍😍
هسه نجي نعرفكم على زنوبه 🙂
اني زينب عمري 22 خريجة كلية قانون
طولي  167 شعري كيرلي وبشرتي حنطاويه وعيوني سود عندي حواجب ثخان وشفايف مليانات وزني 58
بابا دكتور وماما دكتوره اني ماعندي اخوان بس اخوات 2 واني الثالثه
اختي الاصغر مني زهراء كلية طب اسنان عايشه بيت خالي بغداد علمود الدراسه
عمرها 20 مرحله ثانيه
واختي الثالثه عذراء عمرها 18 سادس علمي
اني جنت اختلف عن خواتي مااحب الدراسه بالكوه نجحت من السادس
وقبل مو هالكد يحاسبون علمعدل فقدملي بابا كال شتردين كتله اريد اصير محاميه وفعلا نقبلت ودرست بلكوه خلصت وافتكيت احب الجهال هواي ودائما اتوسل بأمي تسوي طفل
بس هي تكول عندي دوام والحمل والولاده صعبات وانتن كبرتن صعبه مره شكبرني احبل
بس لمن زعلت عليها وضليت اسبوع مااحاجيها كللها بابا شبيها زنوبه مطنكره كلتله تريد اخو وهي عروس وراح تزوج ،،بابا من سمع هيج كيف
كللها اي نسوي طفل خل البنات يتونسن عليه ،،بهاي اللحظه امي ضلت تغلط عليه هههه تكلي خليتيها ابال ابوج راح يجلب بالسالفه وشيخلصني
وصدك بابا ضل يوميه يلح عليها يريد طفل لان صدك بابا هم من حقه يجيه ولد بلكي الله وفعلا ماما ملت وراحت
لصديقتها دكتوره انطتها منشطات وعلاجات مر 3 اشهر وحسيت ماما مو على بعضها لمن راحت حللت وطلعت حامل شكد فرحت طرت من الفرح خو بابا مامصدك كلش فرح بلكي الله يرزقنه بولد سند النه
بابا منع ماما من العياده لمن ترتاح
،،،،
عندي ابن ابن عم بابا عايش يمنه اني اكوله عمو حمزه بس هو ابن عمي
مره تعرض هو وزوجته لحادث ودخلو مستشفى ف بابا جاب ابنهم يمي اني متت عليه يخبل عيونه سود وخدوده تخبل تعلقت بيه بحيث من رجع لأهله
شكد ضجت بس اذكرت راح يجيني اخ بس حسن يخبل تعلقت بي
مرت الايام وجنت بالمطبخ اسوي داطلي وكيك رجع بابا من العياده
صاحاني كال
بابا عندي وياج موضوع
زينب :خير بابا
ابو زينب: صيحي امج وتعاي
زينب رحت صحت ماما واجيت
كعدنه
ام زينب :خير ابو زنوبه خو ماكو شي
ابو زينب :بس الخير ان شاء الله ،،
اليوم اجو ناس على زينب يردوها ش
ام زينب :منين هذوله نعرفهم لا
ابو زينب: اي نعرفهم يصيرون اهل افراح مرت حمزه يردوها لأبنهم حسنين
هو خوش ولد ومهندس وعنده بيته لوحده وماناقصه شي واهم شي مؤدب
وماشاء الله ترباتهم حلوه من مرت حمزه وانتي قيسي
ام زينب :لا والله خوش ناس والنعم منهم بس القرار لزنوبه بعد هي بكيفها
مو بعد يومين وكالت انتم جبرتوني خل
هي تقرر
زينب بخجل :بابا اريد افكر
ابو زينب :اي بابا من حقج انب كلت لحمزه يومين وارجعلك الجواب انتي بهاي الفتره فكري براحتج
زينب: ان شاء الله بابا ،،بعدين كمت للمطبخ خجلانه ،،
رحت اشتغل وافكر بعدين كلت ليش لا
دراسه وخلصت خل ازوج واسس بيت
واطفال ،،بس خل اشوفه بالاول خاف مايلائمني
ومن يجي هم اشرط عليه ماازوج لمن ماما اجيب وتكوم بالسلامه
بعد يومين اجه ابويه يريد ياخذ الجواب
اني استحيت فكلت ل ماما موافقه بس خل يجي اشوفه ويشوفني راحت ماما كلت ل بابا جوابي وهو اتصل على عمو حمزه وبلغه
❤️❤️❤️❤️❤️
افراح :بعد الموافقه الدزتها زنوبه رحت خابرت على اهلي طلعلي احسان سلمت عليه وكتله انطيني حسنين
شويه وانطانب حسنين
كتله بموافقة البنيه وكتله تريد تشوفك قبل كل شي
حسنين:ماشي باجر نجي اني وامي وابوي
كتله خوش بس تعالو الصبح غداكم هنا
يمي
حسنين :تمام متقصرين ام حسون
افراح :سديت التلفون وكلت لحمزه يخابر بيت عمه يكلهم باجر العصر يجونهم اهلي
هم كام حمزه خابرهم وكللهم
ثاني يوم الساعه ب 10 دخلو اهلي
سلمنا عليهم وقدمتلهم ضيافه
مرت الوقت وحضرتلهم الغدا جنت مسويتلهم دولمه وتشريب لحم ول امي
دجاج لان متاكل اللحم
بعدين سويتلهم جاي وشربو ضلو يسولفون همه وحمزه وامي ذبيت عليه الجهال
صارت الساعه ب 4 بدلنا كلنه وطلعنه لبيت دكتور وائل
استقبلونه ودخلنه احنه جوه بالاستقبال الداخلي تلكتنه دكتوره رنده خطيه بطنها كبرانه اني من اشوف مره حامل بطني اضل توجعني
المهم دخلنه جوه والزلم راحو بالاستقبال الخارجي شويه واجت زنوبه
شايله ضيافه مبين عليها كلش خجلانه
سلمت علينه وامي مكيفه بيها جانت لابسه نفنوف لون احمر بيه كرات اصغار ابيض نص ردن يخبل عليها ومخليه كحله بس ومسويه شعرها كعكه ونازلات منها خصل يخبلن ملتويات
بيني وبين نفسي كلت الله يقسمج لحسنين وتتهنون سوه
شويه ودخل ابو زينب سلم علينه وكال كومي بابا زنوبه البسي عبايتج شوفي الولد وخل يشوفج واحجو بينكم احنه راح نجي هنا وانتو هناك تناقشو بينكم هذا شرع الله
زينب :من كال بابا كومي شوفي الولد وخل يشوفج گلبي ضل يوجعني متوتره وارجف
رحت لبست حجابي وعبايتي
واخذني بابا لكيت عمو حمزه وابو الولد والولد
كتلهم السلام عليكم بصوت كوه يطلع
الكل :وعليكم السلام
ابو زينب :تعاي بابا هنا اكعدي هذا حسنين شوفي وخل يشوفج واسألي ويسألج وتفاهمو على كل شي من هسه
ابو اكرم :والنعم منك ابو زينب ان شاء الله يتمم على خير ومنرد منكم الا واحنه اهل وبالاصل احنه ان شاء الله سواء قبلت بنيتي اولا
ابو زينب :والنعم من اصلك ابو اكرم على راسي
ابو زينب :يله بابا اخدو راحتكم
زينب :طلعو كلهم ضليت بس اني وحسنين متت من الخوف كوه ابلع الريك
شويه وحجه صوته خشن
حسنين :شلونج زينب
زينب وهي ترجف :زينه الحمد الله
حسنين :ان شاء الله دائما زينه
زينب: شكرا
حسنين :شوفي زينب اني اريد استقر وصح اني لاشايفج ولااعرفج بس افراح حجتلي عنج والجابتني اخلاقج وسمعة اهلج ولمن شفتج ماشاء الله عليج جمال واخلاق بس يابنت الناس اني عندي شرط واتمنى مانختلف عليه
شرطي مااريدج تشتغلين او اداومين اريدج بس الي ولبيتج
زينب بخجل: اني صراحه مااحب اداوم شكد لحو عليه ماما وبابا بس مقبلت لان اني احب اكون بالبيت واهتم بتفاصيله
حسنين: الله يبشرج بالخير هو هذا الي اريده بس بقى هسه من تطلعين ويسألج على موضوع الدوم كليله مااريد اداوم وموافقه على شرطي
زينب :اي
حسنين :اي زنوبه احجي شنو تريدين تسألين تردين تشرطين اني جاهز
زينب :ماعندي شي بس اني اذا صارت الخطوبه مانزوج الا لمن تجيب ماما وتكوم بسلامه وبعد ولادتها بشهرين نزوج لان محد الها
حسنين :هاا ههههه مو خوش حجي يله يابه ولا يهمج بس مكتيلي شكد بعد وجيب امج ان شاء الله
زينب: هسه هي بالسادس بعد 3 اشهر ان شاء الله
حسنين :يله يابه لخاطر عيونج نصبر
زينب بخجل: شكرا
شويه وكمت كتله من رخصتك
حسنين:براحتج
زينب:طلعت صار بابا كبالي كال خير يابه كتله بابا الولد يكول مااريدج تداومين او تشتغلين يكول اريدج بس بالبيت
ابو زينب: اي بابا وانتي شنو ردج
زينب بخجل :موافقه بابا
ابو زينب :على بركة الله
شويه وطلعو اهل حسنين راحو
،،،،،
افراح :بعد مرحنه وتم كل شي قررو يوم الجمعه الجايه الخطوبه بس الزواج بعد 5اشهر بناء على طلب زينب علمود امها خطيه
جنت اغسل ملابس
وحمزه فوك بالغرفه يشتغل بأوراق
شويه محسيت الا على صياح حمزه
بأعلى صوته يصيح لاااا باااااباااا لالا

يتبع……
الكاتبه تولا العسكري