الضابط المستبد والخرساء

البارت الاربعون

فيما مضى وقتا جميلا وانقضى
واليوم اقضي ليلتي احصي بنجمات الفضى
ذاك الذي اسقيته من ماء عيني
مدتاً ماعاد يشعر بالرضا فوضت أمري للذي خلق المشاعر كلها
عبداً. ضعيفاً. تائهاً. متكاسلاً.متمارضا
مابيه حيل ارفع جفن
ذبلان جسمي من التعب
والدمع من كد ما نزل
ما خله لون برمشي

الكاتبه: تولا العسكري

حمزه :بعد الي صار الجهال كعدو يبجون وحسون يبجي من ضربت امهم من الصياح تخبلو كتلها روحي البسي حتى ادزج لبيت اهلج يربونج
شويه وطلعة رفل گبالي وتحاجت هي وخالتي كالت صدك راح اطلگني
كتلها لا وراح اتمم زواجي وياج اني كلت هيج بس ردت اكسر گلب افراح على عملتها انوب افراح رادت تاخذ الجهال مخليتها وكتلها بس انتي ترحين
جهالي يبقون عندي ويومين وادزلج ورقة طلاكج
جنت مااشوف كدامي من گد الخذلان والعصبيه بس لحد الان مامصدك افراح هيج كسرتني
شويه ونزلت افراح سحلتها من معصمها وشمرتها بالسياره لوره
ام علي: على كيفج وي البت ولك حمزه والله تاليتك تتندم ومحد اله غرض بيك اشلون تصدك بهاي الحيه مو بعيده هي الي مصخمه وجهك
،،،،،،
افراح :حمزه مخلاني اخذ جهالي وضربني هواي بحيث ماخلاني احس من كد الالم بعدين اخذني سحل شمرني بالمقعد الي وره وصعد وطلعنا لأهلي والطريق كله يغلط عليه وساعه يعاتبني
واني بس ابجي كلما اريد احجي يضل يصيح ويسكتني فرفحت من البجي وكل ساع ماد ايده وطاكني على حلكي
انتهيت
وصلنا لبيت اهلي واني كلبي نعصر اعرف بأهلي ميصدكون اني اسوي هيج
اهلي يثقون بيه مو مثل حمزه ولايثق بيه
كسرني وحرمني من اطفالي
وصلنا نزلني حمزه سحل وصلنا لباب البيت ضل يدك بالباب حيل شويه وطلع ابوي يلبس بدشداشته من كد ماحمزه دك الباب حيل مبين ابوي طاير گلبه عباله صاير شي طلع يلبس بدشداشته
ابو اكرم : بسم الله الرحمن الرحيم خير يابه شنو الصاير بنتي شبيها شبي وجها كله دم حمزه احجي ليش جايبه تسحل بيها
حمزه:هاي بنتك اخذها يمك ربيها من جديد وجهالي عندي ويومين وتوصل ورقة طلاقها
ابو اكرم :تخسا انت وامثالك بنتي متربايه احسن منك تاج راسك روح ربي روحك انت وصير رجال احسن مرايح والجاي يستغبيك وهاي بنتي تحلم تشوف خيالها بعد ازوجها تاج راسك ويجي يوم تجيني تتوسل بيه الا اراويك نجوم الظهر
افراح :ضل ابويه يغلط على حمزه وبعدين سحبني من حمزه ودفعه لبرهه
وسد الباب بوجهه
اني بس ابجي واملخ بروحي على جهالي شلون بيهم وهمه عمرهم شهرين الله لايوفقج رفل الله ياخذ حقي منج قاطعني صوت ابويه
ابو اكرم :فوتي بابا خيولي هو الخسرج
خلي النسوان تضحك علي ادري هاي سوالف هاي الهديه العنده بس ماراح يبقى شي مضموم لابد مايجي يوم ينكشف كل شي وبساعتها الا اذله مثل ماضربج وهان كرامتج وطعن بتربيتج
افراح بجي:بابا جهالي بعدهم صغار وحسون يتبهذل
ابو اكرم : افراح بابا مصيرهم يجونج
بس لمن ترجع كرامتج وبعدين همه مو عند غريب عند ابوهم ويخاف عليهم بكدج واكثر وام علي هناك لاتخافين بس هالفتره اتحملي فراگهم
افراح: بويه انت تصدك بيه
ابو اكرم :اي بابا اني اثق بيج انتي تربات ايدي لو اشوف شوف عيني مااصدك
ادخلي بابا دخلت تلكني البات زينب وايلاف واطياف حضنني وضليت ابجي كعدت بالاستقبال
زينب :شبيج فروحه منو مسوي بيج هيج
ابو اكرم :زينب بابا عوفي اختج ترتاح
افراح :جاا امي وين
زينب :راحت لبيت عمي غير اكرام بتها داخله مستشفى
افراح: اصخام جاا اختي مثل حضي هم مامرتاحه وبنيتها مريضه
زينب :اي خطيه وايوب واكرام مفرفحين عليها بس اليوم الدكتور طلعها
وكالهم الحمد الله صارت زينه
افراح :الحمد الله
ابو اكرم :يله بابا كومي ارتاحي حتى تحجيلي كل شي بالليل حتى اعرف اصرف
افراح :ان شاء الله بابا
بعدين كمت للغرفه ذبيت عبايتي وزينب جابتلي ملابس ورحت سبحت الدم لازك على جسمي ضليت ابجي واسبح بعدين طلعت نشفت شعري ونمت وبعد ماحسيت
،،،،،
حمزه: اخذت افراح وابوها ضل يغلط عليه ولا انطه بنته ثقته بيها عاليه
كلت معقوله افراح مضلومه بس اني شفت بعيني هي بمنضر مو حلو
رجعت للبيت تلكتني رفل
رفل :الله يساعدك ابو حسن
حمزه: شبيهم الجهال شنو هذا البجي خالتي وين ليش الجهال يبجون هااا
رفل :خالتك رادت تاخذهم واني منعتها
وتعاركت وياي وراحت
حمزه:بنت الكلب مخليتهم يفرفحون من البجي وانتي گاعده وبعدين بصفتج شنو تتعاركين وي خالتي اليوم انعل اهلج طحت على رفل دك موتتها ضرب
وعفتها وصعدت لكيت الجهال الصغار على الجربايه ميتين من البجي وحسن بسريره مفرفح من البجي
اخذت حسن اسكت بي ونزلت بي خليته بالسياره لكدام
ورحت لصغار خليت بالجنطه ملابس الهم ولحسن واخذت ثنين بيدي ونزلت
خليتهم لوره وبعدين صعدت جبت نرجوسه بنتي ياروح ابوج تبجين اروحلج فدوه شبيدي عليج يابابا
نزلت صعدت بالسياره وخليت نرجس بحضني ورحت لبيت خالتي ام علي
دكيت الباب طلعتلي خالتي دخلت وهي دخلت الجهال وياي
ام علي :خير شبيهم الجهال مفرفحين
كله منك تمشي بحجي هذيج الحيه وطردت مرتك وطشرت جهالك
حمزه: خاله رحمه لأهلج شلون ترديني اشوفها بهذا المنضر وابقى ساكت
ام علي :بكيفك بس راح تتندم والله
حمزه: خليت وطلعت لدوام واني حاير شنو اسوي
وصلت كعدت كله شغل بشغل شويه ودخل عليه العسكري
سيدي هذا طرد 📦 الك جاباه واحد
كال سلمه لرائد حمزه
حمزه: جيبه ،،اخذته وكتلها شكرا شوف شغلك
بعدين فتحت الضرف وياريتني مافاتحه
رساله او وياها ملابس افراح الداخليه
متت من الحركه
فتحت الرساله قريتها جان مكتوب بيها
(هاي مخلفات احلى لحظه وي مرتك هنيالك على هيج مره )
ضليت اكسر بغراض المكتب متت حسيت شي نزل من خشمي خليت ايدي لكيته دم شلت ملابس افراح وضميتهن بالعلاكه شويه ودخلو عليه
الجنود ،،سيدي بيك شي شنو هذا الدم
حمزه: ماكو شي بس جيبلي ثلج
راح العسكري جابلي ثلج اكلته
شويه ونكطع الدم خليت وطلعت من المركز رجعت للبيت فتحت الباب ودخلت
البيت هدوء بسبب منو هذا الشي
الله اكبر على الي كان السبب
كمت للغرفه اريد ارتاح صعدت على الدرج انتبهت باب البيتونه مفتوح رحت اريد اسده هذا منو فاتحه
رحت يم الباب واسمع حجي ضليت امشي على كيفي شويه وشفت رفل وياها واحد يحجون ختلت وره حديده تصير قريبه عليهم واسمع حجيهم
رفل :هاا كلشي تمام مرتضى لا تورطني خو محد شافك
مرتضى :لا محد شافاني رحت للمركز ودزيت الضرف بيد رجال من المراجعين للعسكري وتأكدت وصل لحمزه وشافاه
لان المركز نخبص وكلهم ركضو لغرفة حمزه
رفل: اي مابقى بس يخلصني ويطلگها
حمزه :اني سمعت حجيهم وفار دمي
رأستا سحبت اقسام المسدس وطلعتلهم
هذا منو الي متفقين عليه ياكلاب ولج هذا كله يطلع منج واني لفيتج ياكح ..
ولج شراح اسوي بيج اليوم
رفل :ابو حسن وال….
حمزه :بعدها مامكمله ضربتها بالمسدس على حلكها تكسرت سنونها وضل حلگها يصب دم وهذا الي وياها شرد يريد يطفر من البيتونه
صوبته برجله ورحت سحلته سحل
نزلتهم ثنينهم وحبستهم بالمخزن
يله ياكوا…  غردو اشلون تآمرتو على مرتي
انت الي نمت وي مرتي مو انت
مرتضى :والله راح احجي والله مرتك محد نام وياها والله ولاشفت خيالها والله العظيم كل الي صار رفل سوته اني بس رحت دزيت الضرف للمركز والباقي ماادري بي والله
حمزه: يله ياست رفل احجي اشلون خططتي ونفذتي
رفل :ابوس ايدك لاتكتلني والله ردتك الي
حمزه: اححححجي بنت الكلب احجي كل شي بالتفصيل
رفل: اي راح احجي والله
حمزه: اسمعج احجي
رفل ....

يتبع……
الكاتبه تولا العسكري