الضابط المستبد والخرساء

البارت السابع والعشرون

كالشتــاء انـت .. انتظرُك عاماً كاملاً
وفي النهـاية امرضُ بكَ🙂

الكاتبه :تولا العسكري
افراح :بعد مرحت لبيت خالتي ام علي استقبلتني سلوى واني ابجي
سلوى :حبيبتي شبيج والله حمزه يحبج ومايكدر على فراكج انتي وحسن والله تغير علمودكم حبيبتي لاتعوفين كلشي وراج وتخلينها تنفذ خططها
افراح :سلوى هو جذب عليه تدرين اله عين وجرأه يزوجها كدام عيني واني مثل الاطرش بالزفه لاراعه مشاعري لاحجالي لافهمني  استغباني
اعرف بي مستصغرني لان كلما يسوي،بيه شي اسكت مااحجي ليش هيج ليش
بس لا مراح اكعد عنده بعد خل يطلگني وخل اروح لأهلي وابويه وبيته موجودين اربي ابني بيت ابوي مامحتاجته بشي
سلوى :ولج ياغبره تعوفين الرجال على كيفه يضل يدور غيرج وانتي مرته ويحبج ليش تعوفين بيتج
ام علي :تعاي يمه فروحه خل احجي وياج
افراح :اي خاله
ام علي :اسمعي يمه حمزه من ازوج هاي الحيه تره مو لان يريدها ومو لان يريد يقهرج لو مايحبج والله هو ازوجها لان صخمت وجهه يم الناس والجيران تدرين بيها من شردت رايحه على سيد الجامع وعلى ناس جوارينه وكايلتلهم حمزه يضربني واغتصبني وانتي تعرفين يايمه البت عدكم يعني اكيد الناس تصدكها وتصير وياها لأنها حرمه يايمه وصدگيني وحق معزة علي وجهاله حمزه يكرها هي واهلها لو يريدها جان اخذها وصارت مرته من ازوجها غصب عنه اكو سالفه وعداوه بين اهل سعاد وحمزه هسه مااكدر اكلج بيها هو يحجيها الج اذا رجعتي لعگلج ولرجلج
فروحه يايمه لاتيهين رجلج وابنج صغير يحتاج ابوه
افراح :خاله لو جان گايلي منقهرت هالشكل بس والله كسرني يزوج ويضم السالفه واني نفس البيت وياه مثل الغبيه شنو ماالي احترام لو ما سعاد معترفه جاا هسه اني ماادري هيج رجال مايناسبني تدرين بي شنو سوه بيه كله واني ساكته بس مال يزوج عليه لا ليش شنو ناقصني واذا هو يريد بت عمه ليش ازوجني وخلاني اخلف منه طفل ليش
خاله فدوه اروحلج خليني اخابر على اهلي يجون ياخذوني
ام علي :يمه عليج ابا الفضل العباس انطي فرصه هاي المره هو گال مااجي لمن اكون حال السالفه وهو يايمه جان يريد يزوجها كم يوم ويطلكها بس حتى مايتفشل وضم عليج بس لان هو يخاف يقهرج ويضوجج
افراح :خاله فدوه مااكدر ابقى افهميني
ام علي :لخاطري يايمه بس هالمره انطي مجال
افراح : .......
الكاتبه :تولا العسكري
،،،،
حمزه: بعد مطلگت سعاد الله لايرضى عليها خربت بيتي
رحت على بيت خالتي ام علي طلعلي علي كعدت شويه واجت خالتي گالت
ام علي :هله بيك يمه هاا بشر شنو سويت
حمزه :الحمد الله خاله خلصت السالفه وافتكيت منها رجعتها لزوجها
ام علي :الله يبشرك بالخير يمه
حمزه: خاله فدوه افراح وين خو ماراحت
ام علي :لا يمه ماخليتها لاتخابر اهلها ولا تطلع وقنعتها الك بس هاي اخر مره بعد تنتهي بينكم
شوف يمه كلشي سوي بس لاتدخل المشاكل بزواجك
وانت صار عندك وليد جنه ورده
حمزه: فدوه اروحلج خاله ماقصرتي والله بعد مااغلط وياها بس تعرفين نحطيت بموقف بس الحمد الله خلصت
ام علي :الحمد الله
حمزه : خلي اشوف افراح اريد احجي وياها
ام علي :يله يمه تعال هي بالغرفه
،،،،
الكاتبه تولا العسكري
افراح جنت كاعده اني وسلوى نحجي
سلوى :اكلج فروحه ماتكلين لحمزه يغير البيت هو مو عنده بيوت غير هذا اكو بشارعنه هم بيت لحمزه غيره هذاك البيت والله يافروحه خالتي ام علي سولفتلي سوالف متتصورينها صارت بي احسه نحس ومابي راحه
احسه مسكون
شوفي گلي لحمزه ارجع وياك بس بشرط ننتقل من هذاك البيت وهو اكيد مراح يخليج بعيده عن خالتي ام علي
افراح :اي صح كلامج اني اول مااجيت لهذاك البيت ماارتاحيت شفت الويل وفوك كل هذا خالتي الله يرحمها ماتت
اذا يريد يرجعني يجيبني هنا يمكم عتبت هذاك البيت مو حلوه عليه
سلوى :اي لان من ازوجتو لهسه بس يوميه حمزه مسوي شغله عيشو حياتكم وي ابنكم بلا مشاكل شنو ذنبه هالطفل بس المشاكل فوك راسه خطيه تفاهمو بينكم ولا تخربون زواجكم وعيشو تره العمر جاي يمشي وخطيه حمزه توه يله عرف الحياه لمن اجيتي انتي على حياته وخليتي يصير اب ولج فروحه اربطي بالجهال مو بس حسن احبلي بأسرع وقت
افراح :ياا حسن بعده صغير حتى مصار سنه
سلوى: ميخالف حبيبه جيبيهم وبعدين ربيهم سوه
افراح :خايفه خاف ميقبل ننتقل لبيت ثاني
سلوى :جربي وخلي شرط من شروط رجعتج
افراح :ان شاء الله
سلوى: يله اخذي راحتج
الكاتبه تولا العسكري
افراح :طلعت سلوى واني افكر بكلامها شويه ودخلت خالتي ام علي محسيت الا حمزه دخل وراها
ام علي :يمه فروحه هذا رجلج اكعدو وتفاهمو وفكرو بهالطفل هذا
افراح :طلعت خالتي واني متباوعت لحمزه سويت نفسي انوم بحسن
حمزه :فروحه بعد گلبي لاتزعلين مني والله مجبور گلتلج خالتي الي صار فروحه حبيبتي فكري بحسن وارجعي وياي
كل الي صار مراح ينعاد راح نعيش بدون مشاكل اعرف ظلمتج وياي بس والله مااكدر اعيش حياتي وانتي ماموجوده بيها احبج
والله رزقني طفل منج يسوى الدنيا كلها
افراح :تباوعت بيه وعيوني كلها دموع
رأستا اجه حضني ويبوس براسي
وخرت عنه وكتله ارجع بس عندي شرط
حمزه: تأمرين ام حسون
افراح :حمزه اريد نعيش بيت غير هذاك البيت والله عتبته مو حلوه وخالتي ماتت بي وجان بيت عمك وخالتي گلتلي هواي احداث مو زينه
صارت بهذاك البيت
حمزه بغضب :افراح ليش شبي هذاك البيت هناك كل ذكريات امي
هذاك بيت ابوي مو بيت عمي والله افهميني
افراح :بكيفك حمزه اذا مموافق على شرطي اتصل على اهلي خل ياخذوني اني بصراحه اختنك من هذاك البيت هواي مصايب صارت وياي بيه اخذ وقتك حمزه وفكر وباجر رجعلي خبر
واذا مموافق اخلي علي ياخذني لأهلي
حمزه بصياح: شنوووو تروحين لأهلج ولج ليش هيج تسوين بيه
ولج ابني وانتي مااكدر بدونكم
افراح :حمزه والله هذاك البيت فاله مو حلو والله حتى انت ترتاح اذا انتقلنه فدوه اروحلك وافق
حمزه :ماشي ماشي تدللين يله حضري حسن خل نرجع تعبان والله وماماكل لكمه
افراح :بعد عمري جاهزه ماعندي شي يله حتى اسويلك عشا
حمزه بفرح :بعد عمري ام حسون
افراح :جهزت نفسي وحسن وطلعنه اني وحمزه مقبلت خالتي ام علي
نطلع الا نتعشه مقبل حمزه وطلعنه ركبنه السياره
وشويه وصلنه للبيت بعد مداخلين محسينه الا صوت الرمي والرصاص على السياره
محسيت الا حراره بجسمي

يتبع…….
الكاتبه :تولا العسكري
تفاعلو وصوتو ياحلوين