الضابط المستبد والخرساء

البارت الثاني والعشرون

انته ابالي احسك وين مااروح
واذا وياي تمشي اشلون تبعد؟
شما تلتفت عيني الگاك موجود
ويتراوالي وجهك وين مااصد
اغمض والگه ضلك يمشي بالعين
بحيث من ارد اجيك برمشي تلبد
وانوط عن خيالك واقترب ليك
وتتلاحگك روحي اتصيرلك سد
حيره وماعرفت اشلون وياك؟
تصفه ويمشن احساسين بالضد

الكاتبه :تولا العسكري
حمزه :من راحت افراح لليوم ماعفتها كل فتره ادز عليهم ناس حتى ترجع بس ابوها ميقبل دزيت خالد وخالتي ام علي وعلي ماكو مقبل ورحت علي اخر مره وتعاركنه ومقبل يرجعها وياي
واني كل هاي الفتره مختنك وعايش بصراع وي نفسي
ضليت اراقب بيتهم كل فتره وهم ماشفتها
اخر مره اجت خالتي كالت افراح زينه وبطنها كبرانه
اني من كلتلي هيج ماادري شنو صار بيه صارت عندي لهفه اشوفها
ضليت اراقب ايام
الا فد يوم جنت اراقب بيتهم وموكف السياره براس شارعهم
شويه ونفتح بابهم وطلعت هي وامها
تباوعتلها صايره تخبل وبطنها كدامها نعصر گلبي وذكرت ابنها المات
هي لتفتت شافتني
حسيت ملامحها تغيرت وخافت مني
اجرن سياره هي وامها وراحن
اني راقبتهن لحد موصلن ليم عيادة دكتوره نزلن ودخلن
انتضرتهن مخليتهن يشوفني
مرت فتره وطلعن من الدكتوره لصيدليه ورجعن بعدين اجرن سياره وراحن
اني رحت لعيادة الدكتوره
استفسر منها دخلت
حمزه :السلام عليكم
الدكتوره :وعليكم السلام
حمزه: دكتوره اني اجيت اعرف وضع زوجتي منج انتي دكتورتها الي تراجع عدها واريد اعرف وضعها و وضع الطفل
الدكتوره: شنو اسمها زوجتك
حمزه: افراح جاسم
الدكتوره: اي اعرفها بس منو يكول انت زوجها وبعدين مااكدر انطيك معلومات المرضى
حمزه :دكتوره هاي الجنسيه اقري اسمها بجنسيتي اني مكدرت اجي وياها لان احنه منفصلين وهي عند اهلها واني من حقي اطمن عليها وعلى ابني
الدكتوره: تمام انطيني الجنسيه
حمزه: تفضلي هاي الجنسيه
الدكتوره :تمام راح اخبرك بوضعها شوف افراح صحتها الحمد الله زينه
وطفلها كولش زين وهي بشهرها بعد كم يوم وجيب
وحامل بولد ان شاء الله وطفلها صحته ماشاء الله كولش زينه وحجمه جبير يتربى بعزكم ان شاء الله
حمزه بأبتسامه: الله يخليج دكتوره شكرا جزيلا
الدكتوره :عفوا هذا واجبي
حمزه: طلعت من الدكتوره ركبت سيارتي واني احس بفرح مااعرف ليش
لان كلتلي الدكتوره على ابني
شجاك حمزه انت مو متريد الاطفال مو انت الي كتلت ابنك بيدك
استغفر الله العظيم
رجعت للبيت وقررت اتصرف غير تصرف وي افراح وارجعها
رحت اتصلت على بيت جوارينهم بيت ابو محمد
رد عليه الرجال ابو محمد
كتله عمي رايد احجي وي افراح بلكي ادز عليها تجي بس لاتكلها زوجج كلها سلوى جنة ام علي
عمي اني بنفسي ارجع زوجتي واهلها مقابلين سويلي هالمعروف ولاتكلها عليه كلها سلوى تريدج
ابو محمد: ان شاء الله عمي الله يسهللكم
حمزه :تسلم عمي ممنون منك
ضليت شويه كاعد ورن التلفون
رديت محد حجه عرفت هاي افراح
كتلها راح اجي باجر اخذج واذا مرجعتي وياي اسجن اخوانج واعدمهم
وهددتها بأخوها اكرم وقضيته اني ماجان نيتي اسوي هيج ابد بس ردت اخوفها
بعدين سديت التلفون ورحت بدلت ونمت مرتاح
،،،،،
افراح :ندك الباب راح ابويه فتحه تباوعت من شباك المطبخ شفت حمزه دخل
سلم على بابا ودخلو للأستقبال
اجه ابويه اخذ ضيافه
شويه واجه بابا ضايج كال
ابو اكرم :افراح تعاي زوجج يريد يحجي وياج
افراح بالاشاره :اي
رحت وي ابويه دخلت للأستقبال وشفت حمزه كاعد رفع راسه تباوعلي وعيونه ضلت تلمع حسيته مو نفسه حمزه الي اعرفه
رحت كعدت يم بابا
شويه وحجى حمزه
حمزه :اشلونج افراح
افراح بالاشاره :زينه
ابو اكرم :فروحه بابا حمزه يريد ياخذ موافقتج بخصوص رجعتج توافين لو لا
افراح بحزن :اي
ابو اكرم بتفاجئ :فكري بابا زين هذا بيت ابوج ومحد طاردج
وبعدين اشلون ترجعين وهو سوه بيج المصايب كلها عملية كبد وموت ابنج بيده وخلاج تجيني دمج بطولج
اشلون ا أمن عليج عنده وانتي حامل منو يكول ميموتج ويموت ابنج
حمزه: عمي رجاءا بلا تجريح شنو شايفني مجرم بعدين كل رجال يصير عصبي ويفقد اعصابه واني مو معصوم
بعدين عمي اذا مقبلت ترجعلي مرتي تره بعد كم يوم اجيب واجي اخذ ابني
ابو اكرم :مو من حقك هذا هم ابنها
حمزه :هذا ميمشي الحجي الشرع والقانون يكول الطفل ينسب للأب
افراح :يحجون واني اتباوع وعيوني مليانه دموع بس من گال حمزه تجيب واخذ ابني متت من خوفي كلت اكيد ياخذه يسوي بي شي
طفرت لزمت ايد ابويه وكتله بالاشاره
اريد ارجع وي حمزه اريد ابني يبقى بحضني
ابو اكرم :بابا لاتسرعين وابنج عندج لاتخافين
افراح :لا بابا اريد ارجع
ابو اكرم :بكيفج بابا الي تردي
بس شو ياحمزه اذا صار بتي شي متلوم الا نفسك فاهم
حمزه :يصير خير عمي لاتخاف عليها هاي مرتي وكولشي يصير بن المزوجين متنعاد ان شاء الله
ابو اكرم :يله بابا روحي لمي ملابس
افراح بدموع :اي
،،،،،
حمزه :انتضرت افراح تلم ملابسها
شويه واجت
سلمت على ابوها وطلعنا
ركبنا بالسياره ورجعنا للبيت
افراح :طلعنه اني وحمزه والطريق كله ساكت محجى كلت شلون بيه خاف من نوصل يضربني لو يكلي اخذي حبوب ويموت ابني
فكرت كلت اذا كال اشربي حبوب
اشرد لبيت خالد وهو يتصرف
انتبهت على السياره دخلت للبيت ونزلت
وهو نزل وكال
حمزه: نورتي بيتج ام حسن
افراح :تفاجئت من گلي نورتي بيتج ام حسن يعني شنو حمزه يريد الطفل ومختارله اسم ومراح يضربني لان رحت بدون علمه
حمزه: شبيج صافنه ادخلي الجو بارد مو زين عليج تتمرضين وانتي حامل افراح بتفاجئ من اسلوب حمزه: اي
دخلت للبيت لكيته نضيف اكيد خالتي وسلوى ينضفنه
بعدين لزم ايدي حمزه وصعدني للغرفه
دخلت يا الله شكد اشتاقيت لغرفتي
كعدت على الجربايه نزعت عبايتي وفتحت حجابي انتبهت على حمزه يتباوعلي
حمزه :هم يتحرك بطنج
افراح بخوف: اي
حمزه :خايفه مني خاف اموته مثل اخو
افراح :كمت مرعوبه
حمزه: شبيج مااسوي شي صح انتي حبلتي بس مو ذنبج هذا ابني
اتقرب مني حمزه واني ارجع لوره
حمزه: صايره تخبلين سمنانه
افراح بخوف وخجل: اني بس ارجف
حمزه: تدرين شكد مشتاقلج صار 7 اشهر مو يمي انتي
افراح بخجل :اي،
حمزه: اريدج اليوم عروس
افراح :يحجي واني وجهي صار مثل الطماطه من الخجل
حمزه :هههه شنو هذا المستحى شحال اذا ماحبلانه مني مرتين وابني بطنج هسه 
افراح: عززا هذا شيحجي ولايستحي
حمزه: يله ارتاحي راح ابدل واطلع اجيب عشا من برا لاتسوين شي
افراح :اي
(الكاتبه تولا العسكري )
حمزه :بدلت وطلعت واني فرحان اول مره احس نفسي عندي مسؤوليه
وعندي عائله صح غلطت هواي وي افراح بس الماضي مسيطر عليه مو بيدي تجيني اوقات اتخبل عليها واحملها ذنب هي مامسويته
تحملتني هواي وادري بيها تحبني
واني هم احبها وتعلقت بيها لان هي اول مره تدخل حياتي واول مره المسها واول وحده تتحملتني بكل عصبيتي وتصرفاتي
رحت للمطعم جبت عشا ورجعت
لكيتها توها طالعه من الحمام تنشف بشعرها
حمزه: خليت الاكل بالمطبخ من تنزلين سوي
افراح بالاشاره :اي
حمزه :هي تمشط ولابسه ملابس خفيفه واني ميت عليها مشتاقلها
الحمل لايكلها طفله وحامل بطفل هههه والله بلوه
بعدين نزلت للمطبخ واني اخذت الملابس ورحت اسبح
كملت ونزلت لكيتها محضره العشا
تعشينه وصبتلي جاي
ضلينه كاعدين على التلفزيون
تباوعت عليها لكيتها نايمه على وجها
ركضت الها
حمزه :فروحه اكعدي عدلي نفسج ولج موزين تنامين على بطنج
الطفل اختنك خرب ابليسج
افراح :همم
حمزه :اكعدي صار 7 اشهر لوحدي وهسه تعوفيني وتنامين
افراح بعيون نعسانه كوه تفتحهن :لا
حمزه: تعاي خل اشيلج
افراح :شالني حمزه واني مجلبه بركبته وهو كوه شايلني ثكيله
عبالي راح يصعدني للغرفه لان يريد حقه
اشو فتحت عيوني لكيته ماخذني للغرفه الخلفيه
گلبي ضل يوجعني شوكت اخلص من كابوس هاي الغرفه
نزلني بالكاع واجه عليه يريد ينزعني
افراح بالاشاره :لا هناك مو هنا
حمزه: لا هنا ارتاح يله فروحه لاتعبيني اني زوجج وانتي المفروض،تهمج راحتي واني هنا ارتاح
افراح: هزيت راسي ب اي غصبا عليه بس ماردت مشاكل واخاف خاف يتعصب ويأذيني ويأذي ابني
نمنه سوه وكالعاده بقساوه يعاملني ويلفظ كلمات مااعرف شنو بس احسه جاي يتخيل حادثه او يريد ينتقم
اذاني ونسى اني حامل
ضليت ادفع بي واشر على بطني شويه وانتبه على بطني ابتعد شويه وباس بطني
وكال
حمزه :هههه نسيت انتي حامل جنت متلهف عليج
افراح :بتسمتله حضني ونمنه لصبح كعدني حمزه كال يله البسي خلي ندخل للبيت
لبست ورحت سبحت ونزلت سويتله ريوك اليوم عنده خفر
نزل مبدل ملابسه العسكريه
اجه كعد كرصني من خدي وسحب خشمي
حمزه: فروحه راح اروح اطلب اجازه واجيج
افراح بأبتسامه :اي
حمزه :يله الحمد الله سدي الباب وراي وماتفتحين الباب لأي واحد ولا اطلعين لو تموتين مطلعين
افراح بالاشاره :اي
طلع حمزه لدوام ونفس الروتين مرت 8 ايام صادف
اليوم خفر حمزه
اجت خالتي ام علي من الصبح گالت اني اليوم راح اروح لنجف ازور
وهم اروح لگبر ام حمزه
حمزه: توصلين بالسلامه خاله
ام علي :بعد گلبي دير بالك على مريتك
حمزه :بعيوني خاله
افراح: راحت خالتي ام علي وحمزه كال
حمزه :فروحه اني بالليل افرغ نفسي وامر عليج ابات هنا
انتي اقفلي البوب وراي ومثل موصيتج ماتتقربين لبره ولاتفتحين الباب لأي احد
افراح بالاشاره :اي
راح حمزه (الكاتبه :تولا العسكري )
رحت اني نظفت وغسلت الملابس احس الم قوي يجي ويروح
ضليت بحدود الساعه هذا الالم يزيد
خفت كلت خاف تصير عندي ولاده ومحد يمي اشلون بيه
ضليت على هذا الوضع ساعتين واني متت كعدت بالباب مال الاستقبال من كد الالم بعد مااكدر كلت خلي ابقى لمن يجي حمزه بالليل وياخذني للمستشفى
ضليت اتألم محسيت الا شي وكع بين رجليه شفت ماي وكع عليه
اني تخبلت لااكدر اكوم. لااكدر اتصرف ضليت لازمه الفراش مال الصاله واعض بي متت
ضليت ب 4 ساعات اني اطلك حسيت اخر لحظات حياتي هاي راح اموت ومحد يمي
شويه وحسيت اكو شي طلع مني تباوعت شفت راس الطفل ضليت ابجي اذكر مره بيبي ام عماد ولدت مرت عمي خلتلها فراش
ضليت ازحف سحبت البطانيه الي على القنفه
وفرشتها بالگاع وضليت اطلك محسيت الا صوتي طلع وصحت ياالله
بعد محسيت الا الطفل وكع مني او وكعت وياه مااعرف شنو واني فقدت الوعي

...........يتبع ✍️

الكاتبه :تولا العسكري ✍️

✨️✨

تفاعلكم يسعدنيً ❤