الضابط المستبد والخرساء

البارت الثامن والثلاثون

رمّاي من انيشن حته اجيس الصوت
ما لعّبته مره وخاب سرگيها
ساتر ما احط الستر للنســـــــــــوان
گصتي استنكف الساتر يغطيها
اعوج بس كلامه معــــــدّل الشاجور
اكو حچايات محد غيره يحچيها
آخذ چيله وحده وياي وكت الصــــيد
خاطر جوع اموتن لمن اخطيها

*****
الكاتبه تولا العسكري
حمزه: بعد مطلعت فروحه من المستشفى سويت عزيمه لأهلي واصدقائي واهل فروحه وذبحت ذبايح على عدد الجهال وعزمت الكل
فرح جوه هي والجهال صار وقت الغدا والكل تغدو وخالتي ام علي وسلوى ماقصرن بالبيت وبأفراح شويه وكالو جماعتي جيبنه الجهال نشوفهم
رحت اني وعمو ابو اكرم وحسنين اخو فروحه اخذنا الجهال والكل باركولي وانطوهم فلوس يسموها (دلاعه بغير محافظات شنو يسموها مااعرف بعد)
رجعت الجهال يم امهم والكل سلمو وطلعو بقو بس عمي وائل واهل افراح وبيت خالتي ام علي
جنا كاعدين ونسولف ودك التلفون الارضي رحت جاوبت اجاني صوت بنيه كتلها تفضلي خويه منو انتي
زينب :خويه ابو حسن اني زينب اخت افراح انطيني امي لو ابوي اذا يمك
حمزه: هله بيج خويه انتضري خلي اصيح عمي ابو اكرم
حمزه: رحت لعمي ابو اكرم صحته
راح رد عليها شويه واجه كال يله حسنين احنه خل نروح
حمزه: هاا عمي خو ماكو شي صاير شي زينب شكلتلك
ابو اكرم :لاعمي ماكو شي والله بس بنتي الجبيره الماخذه ابن عمها صارت عدها ولاده ومتعسره وهسه وضعها مو تمام خل نروح احنه وان شاء الله هم نمرلكم ،بس كل لخالتك ام اكرم تجهز نفسها
حمزه: صار عمي بس اني اروح وياكم خاف تحتاجون شي
ابو اكرم :لاعمي اشون تعوف مرتك وحدها وهي توه طلعت من العمليه
ضل بيتك واني عود اذا صار شي احاجيك
حمزه :عود خابرونا تره افراح يضل بالها
ابو اكرم :ان شاء الله ابني
حمزه: تقريبا نص ساعه وطلعو بيت عمي ابو اكرم
وعمي وائل وبيت خالتي ام علي راحو
دخلت للبيت
صعدت للغرفه لكيت فروحه نايمه
حبيبتي تعبانه يساعدها الله صار 9 اشهر كوه تتنفس من الثكل
تباوعت الجهال مسطرين واحد يم الثاني بكاروكاتهم وحسون نايم بسريره
رحت بست حسون ابو خدود اول ماشاف اخوانه تنحس يغار منهم ومجلب بيه يريد خواره الهتلي
الله يحفظهم الي ،،شلون نومه نايمين ترد الروح
رحت لجربايه تمددت يم فروحه
شميتها اوف ياعطرج يرد الروح
خليت راسي برگبتها ونمت مشتاقلها هواي ،،حسيتها گعدت
افراح :هاا حبيبي اجيت
حمزه :اي ياروح روحي اشلون صرتي خو مامتأذيه
افراح :اي اكو عندي الم بس الدكتوره كالت طبيعي
حمزه :بيه ولابيج
افراح بضحكه :شنو تسوي عملية ولاده
حمزه بأبتسامه: نجبي ولج ادبسز
اقصد ع الالم ،،واحسبي حسابج اريد جهال بعد
افراح :يااا والله مااحبل بعد حمزه تعبانه
الحمل والولاده يتعبون
حمزه :ماعليه بس اطيبين تنسين الالم
جاا اذا انتي مرتي متحبلين منو يحبل
حبيبي فدوه تحجي صدك مو عدنه
3 ولد وبنيه نعمه من الله
حمزه: الحمد الله على نعمته بس اني اريد جهال بعد اريد بعد 4 حتى يصيرون 8 واني وياج نصير 10 حتى ابني بيت كل واحد اسويله شقه
افراح :حمزه تحجي صدك لو تشاقه
حمزه: والله احجي صدك شنو مشاقي قبل اني
افراح :واني مافكرت بيه ماكلت اشلون اتحمل اجيب بعد واني مريضه بيه عمليات 3
حمزه: حبيبتي بعدج صغيره واني اريد منج جهال تدرين بيه وحيد واريد خلفه
،،،
افراح بدموع:جاا كون تريد جهال ليش موتت اول واحد بيدك
حمزه بغضب :سدي حلكج ادبسز
لاترجعين دفاتر قديمه غلطت والله حاسبني على غلطي
صح اني ازوجتج لان جنت محتاج مره بحياتي وامي هم تحتاج مداره واهتمام
وماجنت اتمنى تصير عندي اطفال لان ماردتهم يعيشون مثل الي عشته بس من جبتي حسون على الدنيا فرحتي بي نستني كل همومي ومن اشوفه يوم بعد يوم يكبر كدامي ومن كلي اول مره كلمة بابا تمنيت مامنزل اخو بس شنو اسوي غلطت
وهسه من جبتي هذوله الثلاثه احس نفسي ملكت كل شي
افراح :ضليت ابجي ودرت وجهي هو هم حقه وحيد ويريد جهال بس هذوله كافي مو 8 شنو السالفه اني مره لو بزونه
حمزه: هاا ام حسون طنگرتي
تعاي بحضني ولج مشتاقلج شبيج متبشرين بخير
هسه اني كتلج احبلي هسه هاذا الحجي من يكبرون جهالج شويه
يله تعاي ديري خل احضنج
افراح بزعل :مااريد
حمزه: هاا ماتردين كون خوش يابه تقبلين اروح ازوج وانوم وحده بحضني وهم اجيبلي جهال مو 4 بعد لا احتمال اجيبلي اكثر
افراح :ياا بس لاصدك يسويها صخام
درت اله وحضنته وكتله لالا لاتزوج غيري والله اموت مو قصدي اضوجك بس خل اطيب اجيبلك جهال هواي والله
حمزه: هههه ياابويه اروحلج فدوه جاا همه الجهال اذا مو منج مااريدهم لو اضل بلا خلفه طول العمر وانتي ام حسون مقصرتي بحبالتين جبتيلي 4 وردات
ياروحي يالغاليه والله شوكت متشوفين نفسج تردين جهال كليلي تره مااقصر اني 😉
افراح بخجل: حممممززه استحي شبيك اني اريد لو انت
حمزه: هههه يابويه شوف الخدود صارن جمر ولج تستحين مني جاا وهذوله الاربعه النايمين منين جبتيهم
افراح : جبتهم منك بس اسكت والله اخجل شبيك
حمزه: هههه يله بويه سكتت بس مو تنسين بعد اربعه اريد
افراح :هههه ماناسيه
حضني ونمنا للمغرب يله كعدنا
راح هو غسل وبدل وكال
حمزه: حبيبتي راح اخذ حسون واطلع اجيب عشا من برا مو تتحركين موزين عليج
افراح :ماشي ،بس جيبلي حسن ابدله
حمزه: لاعوفي خاف ايأذيج اني ابدله
افراح: فدوه لكلبك ابو حسون تعبتك يروحي
حمزه :تدللين يروح الروح
حمزه :صدك من ارجع اتصل على اهلج انشوف اختج شصار وياها خطيه
افراح: اي سوده عليه من حبلت لهسه بالطبيب مدري شبيها ربي احميها وكومها بالسلامه هي وطفلتها
ههههه هسه جاي اتخيل حال ايوب يمها شيسوي
حمزه: ليش شيسوي مرته وجيب اكيد يتوتر
افراح :يضل يصيح يخفاف عليها ويحبها كلش
حمزه: هااا يعني اني مااحبج لان ماصيحت مو
افراح: هههه ليش هو اكو مثلك انت جاا غير ابو بيتي هادء اكيد خفت عليه
وتحبني بس ايوب انفعالي يحتار شيسوي وخصوصا اذا شي خاص بأكرام يحبها
حمزه: الله يحفظهم ويحفظ بنتهم
،،كليلهم بتكم محجوزه لواحد من الولد
افراح: اي اريده لعلوش
حمزه: لا بويه علوش نحجز لبت خالد يگول لان عيونه خضر اريد اغير الانتاج
افراح: هههه جاا ناخذها لحسن هم تطلع عيونها خضر لان ابوها وامها عيونهم ملونه
حمزه: اي احجزيها من هسه
افراح: ان شاء الله
،،طلعو حمزه وحسون يجيبون عشا واني رحت بدلت لجهال ورضعتهم
مرت 7 ايام عاديه حمزه يداوم ويرجع بس مايقبل ياخذ خفر يكلهم اطفالي وحدهم وزوجتي تعبانه ويخلونه بس بالنهار
واني تجي يمي سلوى وخالتي ام علي
وهم خابرت على اهلي وكالو اكرام جابت بنيه كلش حلوه تشبه ايوب
عيونها خضر وكتلهم حمزه يكول حاجزينها لحسن
كالت اكرام هيه الكم هههه
،،،
رفل من جبت لهسه مااجت اكيد خافت خاف حمزه يخليها تخدمني واني مامرتاحه ادري بيها وره هاي غيبتها مصيبه
مره جنا كاعدين تونه اجينه من الدكتور غير الحليب للأطفال لان مر على الولاده 10 ايام
وكلت باجر اروح افتح الخياطات
رن التلفون رد حمزه
شويه واجه گال
حمزه :زوجة خالد جابت بنيه يعني زوجة علوش اجت لدنيا
هههه كوم بابا علوش خل نروح نخطب
افراح: ههه فدوه الله يحفظها لأهلها وتتربه بوجودهم
حمزه: امين
اني باجر اروحلهم
افراح: سلملي عليهم وتعذرلي مايصير نفاس على نفاس
حمزه: اكيد معذوره حبيبتي
افراح:مر يومين صادف حمزه بالدوام واني قبل يوم فاتحه الخياطات وروحي رايحه مدري شبيه ندك الباب
خالتي ام علي راحت فتحت الباب شويه ودخلت رفل
كلت بكلبي دخيلك ربي شجابها هاي شيخلصنه خل يجي حمزه وخل يطلكها
خل نفتك شنو جلبت خو ماجلبت
دخلت عاوجه حلكها سلمت من وره خشمها
وكعدت
رفل :حمزه وين
افراح بغضب وغيره: بالدوام
رفل :شعجب عايفج وانتي مصار 10 ايام جايبه
افراح :خو ميعوف شغله ويكابلني حبيبي ابو حسون ممقصر حول دوامه كله بالنهار علمودي
رفل وهي عاوجه حلكها: هاي خالتج تبقى يوميه يمج
افراح :اي تبقى للعصر وتروح ليكون ماعاجبج
رفل: دخيل الله واني شعليه بيكم
افراح: شبعت قهر من حجبها بعدين خلت وراحت لغرفتها كلت خل يجي حمزه خل يطلكها مبين هاي لعبه مال ابن عمها جذبت علينه بس تريد تبقى على ذمة حمزه
صار العصر
خالتي ام علي راحت
شويه واجه حمزه
ماحسيت الا رفل طلعت من غرفتها وشبكت على حمزه وحضنته
اني بسرعه نزلن دموعي وهو ضل متفاجء وخايف من ردة فعلي گال
حمزه :فروحه والله

يتبع.........
الكاتبه تولا العسكري