اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تولا العسكري افراح : بعد منزل حمزه من الغرفه سلم على خالتي ام علي انوب خالتي ام علي كلتله ام علي :بالمبارك يمه يتربى بعزك الوليد ان شاء الله حمزه :شنوووو خاله ياوليد ام علي : يااا ولج فروحه مابشرتي رجلج افراح بأبتسامه :لا حمزه وهو يخزر بأفراح :شنو السالفه فهموني ام علي :جاا غير البارحه مريتك تخربطت واخذتها سلوى لدكتوره وطلعت حامل والطفل بعده صغير اسابيع عمره وتحتاج راحه ورجعو لدكتوره بعد جم يوم تشوف نبض الطفل حمزه بغضب :ان شاء الله خير خاله ام علي :اي يمه دير بالك عليها لاتتكربلها تره الوليد بعده مثابت وهي هالتشوفها ضعفانه وعدها عمليه افراح :بعد محجت خالتي وي حمزه حسيته غيم والشر يطاير من عيونه شنو الصاير اكو واحد ميفرح لان راح يجي طفل ضلت كسره بگلبي حمزه بسرعه طلع من البيت ام علي :يله يمه ديري بالج على بنيج وعلى نفسج ولاتشيلين ثگل افراح بالاشاره :اي بعدين راحت خالتي ام علي صار وقت الغدا رحت خليت غدا لخالتي وغديتها ونطيتها دواها ونامت وحمزه ماكو رحت صليت ونتضرته هم ماكو صارت العصر وهو ماكو واني مااكلت كلت انتضره حسيت نفسي ميته من الجوع ونوب اكو طفل بطني ويحتاج تغذيه رحت للمطبخ خليت اكل الي وكعدت اكل شويه ودخل حمزه وجهه ميتفسر والي يصير گباله يذبحه كعد گبالي وكال حمزه شكد صارلج حامل افراح بخوف وبالاشاره : شهر حمزه :اني مااريد اطفال والسبب بيه المفروض اخذ حذري من تقربتلج افراح بحزن ودموعها تنزل على خدها :ليش 😢 حمزه :كتلج مااريد اطفال ولاتناقشيني ولان الصوج مني اني راح اصرف دير بالج اجيبين طاري لأحد انهيج والله افراح بدموع: اي ،،، حمزه :بعد منزلت من الدوام سلمت على امي وافراح كالعاده افراح تتلكاني بالابتسامه الطفوليه وعيونها الحلوات اصعد الكاها محضرتلي كولشي فسبحت ونمت تعبان شويه وفزيت نزلت لكيت خالتي ام علي عدنا سلمت عليها شويه وكالتلي مبروك على الولد ويتربى بعزك اني تفاجأت كتلها ياولد تباوعت لأفراح وكلتلها مكلتي لرجلج بعدين كالت خالتي مرتك حامل وبعده الطفل عمره شهر وتحتاج مراجعه اني فار دمي منين طلعتلي هاي السالفه اشون ماانتبهت من اتقرب ل افراح حرت شكول ماكلت بس غير كلمة ان شاء الله خاله ورحت طلعت بسيارتي افتر مااعرف شسوي اني مااريد اطفال ااخ يا افراح وكتج هسه تحبلين بس هي شنو ذنبها فكرت كلت خلي اكولها اني مااريد الطفل حتى ماتتعلق بي رحت صعدت السياره ورجعت للبيت دخلت لكيتها تاكل بالمطبخ بيني وبين نفسي اشلون راح اكلها وهي الفرحه مبينه على وجها اشرتلي على الغدا كتله متغدي واني جذب مااكلت شي بعدين اجرأت وكتلها اني مااريد الطفل وقسيت وياها بالكلام وهي بس الدموع تنزل وتكولي ليش نترت بيها كتلها مااريده وخلص وحذرتها اجيب طاري لأحد وكمت رحت للغرفه بدلت والتفكير سطرني سطر كلت ملازم احد يعرف اذا عرفو اهلها او عرف خالد لو امي وخالتي ام علي ميسكتون وميخلوها هنا بعدين محسيت ونمت افراح :بعد مكالي حمزه هو ميريد الطفل متت من البجي ليش ميريد مني طفل لان اني خرسه خاف يريدني بس للبيت ولخالتي وبعدين يزوج او احتمال يخاف خاف يطلع ابني اخرس بس والله اني مجنت خرسه اتمرضت ونعكد الساني دخيلك ياربي شنو اسوي تعبت من كولشي من مرضي من الضرب من الاهانه من السكوت الي اني بي ،،، حمزه كعدت من النوم بدلت وطلعت رحت يم الجامع صادف وقت الصلاه صليت ونتضرت سيد مال الجامع شويه وطلعت الناس اجه السيد حمزه :السلام عليكم مولاي السيد :وعليكم السلام ورحمة الله وبركاته ابني تفضل حمزه :مولاي ردت استفسر بشغله هل هي حرام او حلال السيد: كول ابني حمزه: سيد زوجتي حامل والطفل بعده مبي نبض واني مااريده يصير اخليها تجهض الطفل السيد: استغفر الله ابني احمد ربك هاي نعمه اشلون تريد تكتل ابنك بطن امه حمزه :سيد مو اني اريد اطلك زوجتي ومااريد هالطفل يتشتت بيني وبين امه السيد: شوف ابني اولا الاجهاض حرام الا بحاله وحده انو يكون الطفل غير سليم وراح يتعب بحياته يعني بي عوق ويكون الاجهاض بهاي الحاله قبل ليكون بالطفل نبض ثانيا بالنسبه الك تكول اريد اطلك زوجتي فهذا لايجوز ياابني لان ابغض الحلال الطلاق فكر ياابني حمزه: تسلم سيد تعبتك يله في امان الله السيد: مع السلامه ابني حمزه :رجعت واني افكر بعدين اذكرت شي حسب كلام السيد يجوز افراح تجهض الطفل
افراح: حمزه ناادري شبي مطايقني وكل ساعه يطلع من البيت رحت صليت وسويت عشا لخالتي وعشيتها اني مااكلت لان العصر تغديت خالتي اخذت العلاج ونامت واني ضليت كاعده بغرفتها صفنه تاخذني وصفنه اجيبني وگلبي معصور خايفه على ابني وعلى نفسي ومااكدر اشوف حمزه ضايج محسيت لمن غفيت بالكاع بغرفة خالتي فزيت على ايد حمزه على راسي فتحت عيوني لكيته كبالي حمزه :ليش نايمه هنا افراح بالاشاره:… ☺️ اخليلك عشا حمزه :لا تعشيت بيت خالد يله كومي وياي افراح :صعدنه اني وحمزه لغرفتنه هو بدل لبس تراك واني رحت اخذت اتك ستن خفيف بدلت بالحمام ورجعت لكيته متمدد على الجربايه من دخلت للغرفه كعد كالي تعاي رحت يمه كعدت لزم اديه ثنينهن ويعصر بيهن بحنيه حمزه: شوفي افراح ادري بيج تريدين هذا الطفل بس اني مااريده اني مااريد اصير اب لهواي اسباب لهذا اني اريدج اجهضين هذا الطفل افراح بدموع وهي تبوس بأدين حمزه :لا لا خلي اذا متريده اخذه واروح لبيت اهلي فدوه حمزه بعصبيه :افراااااح شنو تروحين لبيت اهلج انتي مرتي ومكانج هنا لاتخافين اذا وكع هذا الطفل مااخليج تحبلين بعد افراح ودموعها تنزل :لالا حمزه: لاتعصبيني افراح البيه يكفيني اني زوجج وشنو اكلج تنفذين شوفي هذا حبوب اخذيهن راح يوكع الطفل لان بعده صغير افراح وهي منهاره :لالا مااريد وكامت تريد تطلع محست الا حمزه سحبها حمزه :اششش مااريدلج نفس هذا الطفل ابني واني مااريده يله هاج هاي الحبوب اخذي منها 2 هاج هذا الماي افراح بالاشاره :لا حمزه :اشششش يله افراح اشربي افراح: متت الف موته من يكلي اشربي ضليت لا اخذ ولاانطي وهو يمي احس گلبي يريد يطلع من كد ماقهرني بعدين جاب الحبوب وخلاهن يم حلكي وكلي يله اشربي تحطمت بلحظتها بلعت الحبوب وشربت وراهن مي واني احس نص عمري نهدم ضليت جامده مثل الجماد وبس دموعي تجري محسيت لمن حمزه حضني وباس راسي وجراني لحضنه واني لاصوت ولا حول ولاقوه عندي وكل شويه يتباوعلي ويمسح بدموعي ويبوس راسي واني احس بنفسي بلا اي مشاعر مثل الجثه اشون شربت الحبوب اني راح اصير مثل حمزه اني وياه كتلنه ابنا محسيت الا الصبح على الم قوي كطع احشائي فزيت مثل المخبله لكيت حمزه حاضني ونايم واني كعدت شلت الغطا اريد انزل لتواليت شفت الجربايه كلها دم وحتى حمزه رجلي مليانه دم هو فز مرعوب حمزه :هااا شنو شبيج شنو هذا الدم افراح بس تبجي حمزه :اششش ماكو شي ان شاء الله لاتخافين هذا الطفل وكع اصبري ماكو شي اتحملي ح اخذج للمستشفى بس خلي ابدل واجيبلج ملابس نزلت خابرت على بيت خالتي ام علي وكتلها تجي يم امي صعدت بدلت واخذت افراح للحمام غسلتلها وبدلتلها وشلتها ونزلت بيها لسياره وهي تنزف وملابسها نملت دم حسيت بيها فقدت بحضني متت من الخوف عليها خطيه شنو ذنبها شنو ياحمزه مناوي تعوف البنيه بحالها صار شهرين يمي راويتها الويل عمليات وجهاض شيصير بيها بعد اخذتها ورحت للمستشفى خلوها على السديه واخذوها مني … .. تولا العسكري
فدوات تابعو حسابي عيوني انتو حتى لما اكتب شي على القصه على المنصه يوصل الكـــم
