الضابط المستبد والخرساء

البارت السادس والعشرون

ازرع سالفه
الوادم سمعها ثگيل
الميت  ينسي  من  اطيح  فاتحته
الكاتبه :تولا العسكري
افراح :بعد متريك حمزه وطلع علمود العزيمه مال صديقه
صعدت نومت حسن وخليته بفراشه ورحت اغسل ملابس
محسيت الا على صوت حمزه رج البيت
يصيح لسعاد
اني خفت نزلت ركض لكيته بالاستقبال شويه واجت سعاد مااشوف الا حمزه سحبها ونزع حزامه وموتها من الكتل ملخها راشيات ودفرات
وبعدين ضل يغلط عليها ويفشر على امها
واني ادفع بي عنها وهو ولا يهمه انوب محسيت الا اجاني حزام على بطني واني شاغت روحي لان عندي عمليه مال الكبد
فرفحت من الوجع
حمزه اجه گومني ومرتبك وصيح
حمزه: ولج ليش تجين يمها فروحه حبيبتي بيج شي والله ماادري بالغلط ضربتج
افراح: حححممزه لاتخاف مممبيه ششي
حمزه :يله حبيبتي كومي ادزج لدكتور
افراح :لالا والله ممممابيه ششي
بس عوف سعاد ليش ضربتها
ضل يتباوع لسعاد ويخزر بيها
حمزه :ولج هاي الحيوانه خزتني مسويه علاقه وي رجال مزوج واجه ابو يشتكي منها شايفها نايمه وياه العار اليوم ماتبقى بيتي تروح ختولي تتوسل برجلها يرجعها حتى لو خدامه لمرته
سعاد :والله مااروح وابقى هنا ماكو الله افضحك
حمزه: بنت الك…. انتي ساق… شخليتي بعد
اني اعلمج
افراح :محسيت الا حمزه اخذ سعاد سحل للغرفه الخارجيه
الي جنا قبل نروح الها
رحت وراهم اسمعه يكلها تذكرين هاي الغرفه
ودخلها موتها من الضرب بس صياحها اسمعه شويه وطلع گال هاي الك… تبقى هنا متتقربين عليها لمن اجي
واحنه نحجي يم باب الغرفه محسينه الا سعاد طالعه تركض لشارع
طلع حمزه وراها
شويه ولاكتها خالتي ام علي كضتها بالباب انطتها عبايتها وكلتلها استري روحج لابارك الله بيجن اركدن تحوسن لمن تخربن عيشجن
طلعت سعاد وحمزه فاير دمه يكول تريد تفضحني لااني متخلص منها ولا واحد جاي مزوجها وفاكني
ضلينه اني وخالتي ام علي نهدي بي
شويه وندك الباب
طلع حمزه
رحنه من شباك المطبخ اني وخالتي ام علي نتباوع ونسمع الحجي
شفنه سعاد وياها زلم 3 واحد يمكن سيد جماغه اخضر وزلم 2 بعد واحد معكل واحد لا
دخلو للأستقبال الخارجي بعد مسمعنه شي طبعا سعاد دخلت وياهم
سوينا جاي وماي اجه حمزه اخذاه بس عيونه تجدح نار من العصبيه
اخذ الجاي والماي وراح ضلو جوه تقريبا ساعه طلع حمزه وسعاد يحجون سكته همه ميشوفوني من وره البرده اتباوع مسمعت من حجيهم شي بس اخر كلمه من حمزه اسمعه كلها بكيفج هذا شرطي
سعاد كلتله موافقه (الكاتبه :تولا العسكري )
اني ضليت احوس شيخططون وشنو هو الحجي الصار ومنو ذوله الناس
دخلو هو وسعاد واني ضليت احرك بروحي
ام علي :هاا خاله شصار منو هذوله
افراح :ممماااادرري خخخاله ششو ططولو وححمممزه وسسعاد ططلعو واتفقو ممماااادري على شششنو ورررجععو لججووه
ام علي :خاله فروحه دير بالج على رجلج هاي حيه ماتعرفين امها قبل شسوت بأختي ام حمزه الله ينتقم منهن
افراح بخوف: شششسووي خخخااله
ام علي :لاتخلينها لوحدها يم رجلج خاف تذب عليه بليه هاي اذا ماذابه عليه بليه لهسه
افراح بحزن :اي
شويه وطلعو الزلم وراحو وسعاد دخلت للأستقبال تبتسم بمكر
دخل وراها حمزه ضايج
ضل يتباوعلي وعيونه حزينه بهاي الساعه گلبي لجمني حسيت اكو شي صار (الكاتبه :تولا العسكري )
شويه واجه يمي حضني وباس راسي كدامهن وكلي
حمزه :وروح امي الماكو اعز منها وعافية حسن الي طالع من ضهري وداعة هاي العيون الحلوه حمزه مايحضن مره غيرج
افراح :اني تفاجئت ليش حمزه يحجي هيج شنو مناسبة هذا الكلام وليش سعاد تضحك محسيت الا دموعي نزلن مااعرف ليش بجيت بس اعتقد گلبي حس على شي
حمزه :ليش تبجين يبعد اهلي
افراح بجي :حححححممممزه ااانننت ممضااام عععليه ششي
حمزه بقهر وهو يمسح بوجهه: يعمري انتي ام حسون متثقين بيه
افراح بدموع :ااي اااثثق ببيك ااكثر ممن نننفسي
حمزه :يابعد روحي يله اسكتي لاتبجين
وحضري نفسج باجر طالب اجازه اخذج لزياره انتي وخالتي وسلوى
اريد حسون يزور
افراح بأبتسامه :اي
باساني براسي وكعدنه يم خالتي على القنفه
شويه وكال حمزه
حمزه :شنو الناس تشتغل عندج كومي سوي غدا بسرعه
سعاد :تأمر ياحزام ضهري
افراح :من كالها حمزه كومي سوي غدا تعجبت اشلون كلتله تأمر ياحزام ضهري وهي تضحك بخبث وتتباوعله ولا جنها اليوم نكتلت
حسيت اكو شي بينها وبين حمزه النار تاكل بيه
بعدين صار الغدا وتغدينه وسعاد اجت حشرت روحها يم حمزه وهو يرزل بيها تغدينه واني النار مشتعله بيه
شويه وراحت خالتي ام علي (الكاتبه :تولا العسكري )
حمزه :خاله مو تنسين باجر نروح لزياره كولي ل علي وسلوى
ام علي :اي يمه ان شاء الله
افراح :اني صعدت انوم حسن شويه ضليت يمه ونزلت
واني على الدرج اسمع حجي بهمس
نزلت درجتين بدون مينتبهون عليه لكيت سعاد يم حمزه لازمه ايده وشكلها تتوسل بي وهو داير وجهه اسمعه يكلها الي تريدينه ميصير وكومي انقلعي لاتفضحيني وبساعتها ماارحمج
ضليت مصدومه
نزلت هو بس شافاني كمز من يم سعاد اجاني يركض
حمزه بأرتباك :هاا يبعدروحي بعدج منايمه تعاي خلي نام اني نعسان حسن وين نومتي لو بعده
افراح :حمزه يحجي ومبين عليه يغطي سالفته عباله مشفتهم
هو يحجي واني مااجاوب مصدومه من منضرهم وشنو اصاير بينهم
صعدت نمنه واني التفكر ياكل براسي
ثاني يوم رحنه لزياره وزرنا وبتنا يووم ورجعنا طبعا سعاد ماخلاها حمزه تجي توسلت بي يكلها تخربين الزياره
وهي فارت روحها
اني بدني من المنضر الشفته اتعامل وي حمزه ابرود من يريد يلمسني ابتعد عنه هو حس عليه
حمزه :فروحه شبيج وياي هالايام شو ضايجه ومطايقتني شبج يابعد عمري سامعه شي
فراح :اني من گال سامعه شي تباوعتله وخزرته وكتله
ممممثثل ششنو اااسسمع
حمزه بأرتباك:هاا لاحبيبتي عبالي مضوجج شي
افراح :عفته بالغرفه ونزلت
شويه ونزل هو عصبي وصيح ويغلط ويفشر ع سعاد
وخله وطلع (الكاتبه :تولا العسكري )
وسعاد ولا جنها يغلط عليها بس تتمضحك
وتذب عليه حجي
وتكول
سعاد :اوف منك حمزه كلما يشتاقلي يفشر ويغلط عليه يريدني ارضي بطريقتي
افراح :اني سمعت هيج كلامها واني متت من القهر
افراح :ششششنوو للللييش ااانتي شششعلللييج ببححححمممززه حححتئ
تتتراضينه بطططرريققتج
سعاد بمكر :بعدين تفهمين حبيبه
افراح :عافتني وراحت رحت اشوفها حتى تفهمني
لكيتها بالاستقبال تتباوع للحياطين والقنفات
سعاد :البيت لونه معاجبني واريد اغير بي هواي اشياء
افراح :طكت روحي من حجيها محسيت بروحي الا احجي بطلاقه
،،انتي بصفتج منو تغيرين بيتي بكيفج
سعاد: ههههه بيتج شنو حبيبتي هذا اولا بيت ابويه قبل وهسه بيت ابن عمي وثالثا احجي بصفتي حالي حالج مو بس انتي زوجة حمزه
واني هم زوجته يعني حالي حالج
افراح :مثل الحديده واحس احد ضربني من الصدمه كتلها شنووو
حمزه طلكج قبل وانتي ازوجتي ابن خالج وهسه خلاج هنا بس حتى متفضحينه ويخاف من العيب لان انتي تبقين بنت عمه
سعاد :لا حبيبه اني صح اطلقت من ابن خالي بس جنت منتضره العده تخلص ونرجع اني وحمزه سوه وانتي ماالج دور بعد
تعرفين ليش ضربني حمزه هذاك اليوم لان يغار عليه ولان يريد نزوج بسرعه واني جنت مأجله الموضوع
لهذا سويتله مفاجأه وجبت السيد وشهود وعقدنه وانتي جنتي حاضره بس متعرفين يامسكينه اذا عندج كرامه اخذي ابنج وروحي
افراح :اني اسمعها واحس روحي مسلوبه معقوله حمزه غدرني معقوله انتقم مني لان رحت لأهلي بدون علمه لالا ميسويها هو حلفلي كلي مااحضن مره غيرج وانتي اول وحده واخر وحده
بعدين تجمعت الافكار ورجعت للخلف بالتفكير تهيألي كلام سعاد صح
هي بت عمه ومن عرف بيها طالعه غار عليها ومن كملت عدتها ازوجها
جااا اني شنو ليش هييج يسوي بيه لييييش شنوووو ذنبيييي ضليت املخ بشعري واصلخ بخدودي كمت اكسر بالغراض مال الغرفه
وحسن اختلس ويبجي
محسيت الا حمزه داخل للغرفه (الكاتبه :تولا العسكري )
حمزه :ياروحي فروحه شبيج شنو الصاير فهميني ولج اسكتي الولد تخبل من صياحج حبيبتي اهدئي وفهميني شصاير
افراح بصياح :حمزه طلگني مااريدك بعد الله ياخذك ليش تزوج عليه وتخدعني ليش شنو سويتلك ولك حتى عافيتي خسرتها بسببك وحتى ابني موته بسببك ماقصرت وياك وجبتلك ولد ليش هيج حمزه ليش
حمزه :يابعد اهلي والله هسه افهمج وروح امي مجبور الناس تاكل وجهي فروحه فدوه اروحلج ببس اسمعيي
افراح بصياح وبجي :مااااارررد اسمع منك شي ودينني لااأهلي مااريدك
الله ينتقم منكم ضحكتو عليه الله اكبر عليك
حمزه: بمعزة حسن اسمعني فدوه اروح لعيونج
افراح :شويه ودخلت خالتي ام علي مرعوبه شافت وجهي مجروح وشعري منفوش وحسن مفرفح بجي وحمزه لازم ادي خاف اصلخ وجهي
كمت ركض لخالتي ام علي
كتلها خاله فدوه اخذيني وياج خل علي يخابر اهلي يجون ياخذوني فدوه ام علي :يمه اسم الله عليكم. شصار. بيكم جنتو شحلاتكم
افراح :خاله حمزه ازوج سعاد عليه
ام علي :عمت عينكاحمزه تزوج هاي الحيه وتكسر بمتك وعائلتك نسيت السونه با امك نسيت كومي يمه لمي غريضاتج وجيبي ابنج وتعاي وياي
حمزه :خاله فدوه لاتعقدين الامور فدوه بس شويه احجي وياج بره
ام علي :احجي شتريد تكول بعد هذا الصخام المسوي
حمزه: خاله اخذيها يمج ولاتتصلين على اهلها ولاتخلينها تتصل ولاتطلع واني اصرف ارجعها والله
خاله والله نجبرت الناس تاكل وجهي هاي السا… طه
راحت جابت ناس عليه تكلهم اغتصبني وضربني شسوي بهاي الحاله مو يروح كل شي مني وانتي تدرين الناس تعرف بيها عندي بالبيت اكيد يصدكونها
ام علي :شجابك ييمه لهلبلاوي هاي
حمزه: خاله بس بقي افراح عندج واقنعيها واني اصرف بسعاد اليوم بس لاتخلين افراح تروح
والله ابوها اخر مره كال اذا اجتني زعلانه بعد ماارجعها الك لو تذبحني
ام علي :ان شاء الله خير  يمه بس انت حلها وطلك هالجلبه هاي
حمزه :اي خاله اليوم كل شي يرجع مثل مكان
ام علي :يله يمه فروحه تعاي
افراح :طلعنه اني وخالتي ام علي وهي شايله حسن اخذه منها حمزه يبوس بي وبعدين رحنه لبيت خالتي ام علي
حمزه :طلعت فروحه زعلانه واني مثل السجينه ودخلت بگلبي واني اشوفها دمعتها على خدها من حركة روحي دخلت بالبيت صحت
على سعاد بكل صوتي
نزلت ترجف تكول
سعاد: والله زلة السان مدري شلون طلعت مني
حمزه :تعاي يا كح…. اني اعلمج
حمزه :كعدت وهديت شويه وكمت كتلها انتي طالق وكتلها يله روحي البسي عبايتج اخذتها لسيد وجبرتها تحجي كلشي لسيد حتى ميتهموني بيها وبعدين طلگتها عند السيد وبما انو اني ماداخل بيها فما عليها عده
اخذتها بطريقي شمرتها على بيت ابن خالها وكتله اني متبري منها ورجعها على ذمتك
كال ابن خالها (الكاتبه :تولا العسكري )
يوسف( ابن خال سعاد):عمي هو ياهو الطاردها كل مافي الامر رجال ومن حقي اشوف بزري وردت اطفال كتلها ازوج وخليج معززه مكرمه هيه تسودنت عليه الا اطلكني وطلكتها
حمزه: مارايد منك خويه شي بس ترجعها لذمتك وتكسر ضهرها ولاتخليها تطلع
يوسف :والله كتلها يابنت الناس اني احبج بس افهميني اني اريد خلفه
لاتخاف اني مااضحي بسعاد وارجعها على ذمتي ومرتي فقيره والله متحجي شي
سعاد: يوسف خل ندخل لاتبرر لهيج شخص
حمزه: يله مع السلامه
يوسف :  الله وياك لاتخاف سعاد بعيوني
حمزه: مشكور متقصر

يتبع …......✍️

الكاتبه ✍:تولا العسكري

تفاعلو ياشراين قلبي 🙂