الضابط المستبد والخرساء

البارت الخامس عشر

وضحيت عله مودك بس كلت كلمه
اليحب لازم يضحي ويوصل القسمه
مو زلمه اليخون ولا بنيت بيت
التواعد الزلمه وتنطي بالزلمه

تولا العسكري

حمزه: بدلت ورحت لبيت خالد
دخلت سلمت وكعدت بعدين
كتله اريد اشوف افراح
خالد كالد خلي اشوفها
طبعا تفاجأت شنو صاير
شويه ورجع خالد
خالد :حمزه اني اعتذر بس افراح متريد اشوفك 
حمزه :خالد شكاعد تكول شنو متريد تشوفني البارحه مبيها شي واستقبلتني بوجه يضحك
خالد: مثل مكتلك مااكدر اجبر البنيه
حمزه: خالد سويلي طريق خلي احجي وياها
خالد: لا تلح البنيه كالت مااريد اشوفه واخذت علاجها ونامت
حمزه: ماشي براحتها يله اني اترخص
خالد: وين رايح اكعد اشرب شي
حمزه :لاتعبان هسه راجع من الخفر اريد اروح انام
يله مع السلامه
خالد :الله وياك حمزاوي
،،،
افراح :بعد مأجيت لبيت خالد داروني واهتمو بيه بالليل مر عليه حمزه وكعد يحجي وياي شويه خطيه لام ملابسي وجايبهن الي
اجن بوكتهن جنت محتاجه ابدل
بعدين راح رحت طلعت ملابس حتى ابدل لكيت بالجنطه فلوس
عرفته منطانياهن خاف اخجل
كل يوم اتعلق بي اكثر على الرغم من اسلوبه القاسي بس احن اله وماازعل من تصرفاته ابد
اجت هدى سبحتني وخلتلي نايلون على العمليه وسبحتني وبدلت ورحت تمددت وغفيت
حمزه اليوم مااجه خفر
ثاني يوم ينزل للبيت ويجيني لان هو كال يوميه اجيج جنت منتضرته بفارغ الصبر تعودت عليه
)اني مثل كل بنيه عراقيه مامرتبطه بحياتها ويجي شخص يخطبها ويزوجها تتعلق بي بسرعه وتحبه لان هو اول رجال بحياتها تحس بنفسها مراهقه وتحب اول مره لهذا تعلقت بحمزه وحبيته)
ثاني يوم نتضرت حمزه
بعدين غفيت
كعدت اشو حمزه ماجايني
سألت هدى عليه
كالت اجه لكاج نايمه وراح
،،،،
حمزه من رحت ورفضت تشوفني كأنو نار واشتعلت بيه اشون تردني
صح اذيتها بس هي مجانت هالشكل من طلعت من المستشفى ولا من اجيتها اول مره
ليش هيج سوت معقوله تريد تروح لأهلها
لامستحيل مااخليها تروح
اني اعلمها حسابها بعدين انطيتها مجال زياده
اني الج افراح
رجعت للبيت افكر وضايج بعدين نمت
افراح: شكد ضجت لان اجه ومشفته

،،،
هدى: خالد ليش سويت هيج ليش كلت لحمزه افراح متريد تشوفك ومنعته يشوفها
خالد: اني اعرف اصرف اريد اخلي حمزه يغير طبعه ويحتوي مرته ويسويلها اعتبار شنو بس يضرب بيها وبعدين اني تهمني مصلحة حمزه
واريده يعيش بسعاده وي زوجته ولازم تصير عنده اطفال وعائله متكامله شنو بس كاضيها نوم ودوام
هدى: خالد بس افراح تحبه لحمزه واحتمال تزعل اذا عرفت انت تصرفت هيج
خالد: مالج علاقه اني اصرف هذا لمصلحتهم
هدى: بكيفك انت اعرف بصديقك
خالد: موتكولين ل افراح على خطتي
هدى: لا مااكول لاتخاف
حمزه: مرت 15 يوم عفت افراح بس كوه صابر عليها خابر خالد كال فتحت خياطات العمليه قبل 5 ايام كتله اي تكوم بالسلامه بعد متهمني هي مدام رفضتني من اجيتها والا اكسر خشمها قررت اعوفها على راحتها
انوب خالتي تعبت وي امي وعايفه بيتها وهي مريضه
كتلها خاله روحي اني طلبت اجازه راح ابقى يم امي ومعليج اجيب اكل جاهز روحي ارتاحي
ام علي :خاله جاا ليش مجيب مريتك صح هي مريضه بس يمه لا على غفله يجون الها اهلها ومايلكونها
حمزه :خاله جاا شنو اسوي متقبل عوفيها على راحتها
ام علي :يله يمه دير بالك على امك رايحه اني
حمزه :الله وياج خاله
رحت يم امي شفتها تعبانه ومرتفعه حرارتها وهاي كل فتره ترتفع حرارتها والا ابره رحت جبتلها ابره من الصيدليه لان اعرفها ع الوصفه
ورحت لبنيه جوارينا اجت ضربتها
ضليت يمها اسويلها كمادات وعشيتها ونامت
سمعت التلفون يرن
رحت جاوبت طلع خالد
خالد: هاا اشلونك
حمزه : هله بيك شخبارك افراح اشلونها
زينه الحمد الله رجعت لوضعها وحالتها ممتازه
كتله ان شاء الله خير
خالد: شو كطعت صار 15 يوم ماجيت
حمزه: شنو اسوي جايكم مرتي وانت اخذتها ومتقبل تشوفني شسويلها
يعني
خالد: لازم تطمن عليها غير
حمزه: امي مريضه واني طالب اجازه علمودها لان خالتي تعبت وياها لهذا مااكدر اعوفها بوحدها
وافراح عوفها ترتاح مني مو هو هذا الي تريده هي
خالد :خير شبيها خالتي
حمزه: مرتفعه حرارتها وضربت ابر
خالد :اني باجر امر عليك
حمزه :هله بيك
خالد: يله في امان الله
حمزه: الله وياك
،،،،
افراح :مرت 15 يوم واني فتحت خياطات العمليه وصرت زينه وحمزه ولا شفته بعد گلبي نار عليه وعلى خالتي شلون بيها منو الهم
ادري خالتي ام علي متقصر بس هي هم مره جبيره ومريضه ومتكدر
كلما اسأل خالد وهدى على حمزه يسكتون يكولون عنده شغل
يربي بس لاصاير شي عليهم
كعدت الصبح غسلت وبدلت
ورحت يم هدى اساعدها بالمطبخ
كتلها صباح الخير
هدى: صباح النور حبيبتي
شويه ودخل خالد يتريك
كال هدى حضري نفسج بالليل من ارجع من الدوام نروح لخالتي ام حمزه مريضه وامي تريد تروح ويانه
افراح: بس سمعت خالتي مريضه طفرت من مكاني اشرت لخالد كتله اخذوني وياكم
خالد: لا افراح من نرجع اني اخذج لوحدج بالليل زوجج محتاجج
واني منعته منج علمود تتعدل تصرفاته وياج بس خطيه طالب اجازه
وحاير بأمه
افراح: 😭
صارت صلاة العشاء
اجه خالد تعشه وراحو هو وهدى وام خالد
اني ضليت يم الجهال دمعت عيوني
رجع عليه خالد كال لاتبجين هسه بس نرجع اخذج لبيتج وسوي لحمزه مفاجأه
هزيت راسي ب اي
حمزه: عشيت امي ونطيتها العلاج ونامت
كعدت بالاستقبال شويه وندك الباب
رحت فتحت لكيت خالد وزوجته وخالتي ام خالد
ادور على افراح بينهم ماكو
ضجت وكلت بداخلي هين ياافراح ضلي على عنادج
دخلتهم وكعدو راحت هدى سوت جاي وشربنه ودخلو اطمنو على امي ضلينه نسولف شويه
وبعدين ترخصو وراحو
ضليت يم امي شويه وبعدين نعست صعدت لغرفتي بدلت ونمت
افراح :رجعو خالد وخالتي وهدى طمنوني على خالتي وشويه كعدو سولفو
بعدين كال خالد حضري اغراضج اوديج لبيتج
كمت بفرحه لميت هدومي ولبست ملابسي ولبست شالي وعبايتي
وطلعت
خالد: ههههه هاا شو فرحانه
افراح: متت من الخجل نزلت راسي
خالد: يله بابا خلي نمشي
افراح: ركبنا السياره ورحنا
وصلنه لكينا الباب مسدود
خالد: هسه اشلون ندخل اكيد حمزه نايم وزحمه ندك الباب
لحظه خلي اطفر من السياج
افراح :طفر خالد وفتح الباب وكال يله ادخلي جوه وكلي لحمزه اني طفرت فتحتلج الباب
افراح: اي
راح خالد واني دخلت للبيت ضلمه رحت فتحت غرفة خالتي ام حمزه
وشفتها نايمه وبستها ورحت صعدت لغرفتي
فتحت الباب على كيف لكيت حمزه نايم بس بالشورت
رحت خليت غراضي واخذت ثوب قصير بدون ردن
رحت سبحت ورحت للغرفه
تغطيت وي حمزه وصرت وراه
حمزه: واني نايم حسيت على حركه بالجربايه اني جنت بلا ملابس بس بالشورت
حسيت بظهري بشي رطب ونقط مال ماي
درت وجهي ونصدمت بأفراح نايمه يمي وسبحانه وشعلها بي مي
تباوعتلها ابتسمت بوجهي
جريتها من خصرها منو جابج
تأشرلي خالد
شكد مشتاقلها وهي بس توزع ابتسامات خرب بليسج
شكد ترفه
تعاي ولج زعلانه عليه لان ضربتج
افراح :لا
حمزه :خو متوجعج العمليه
افراح: لا
حمزه :هاا هم زين خو منعسانه
افراح :لا
حمزه :يله تعاي وياي
افراح: بعد مشافني حمزه وسحبني من خصري وسألني منو جابج وسألني على العمليه وبعدين كال خو منعسانه كتله لا ادري بي يريد حقه
شو شويه وكال يله كومي وياي
لزمت ايده اشرتله وين
كال للغرفه الخلفيه الي اخذتج بيها
اشرتله لا
كال افراح اريد حقي
كتله بالاشاره هنا ليش هناك اخاف من هذاك المكان
اشو عاط بيه كال لا مو هنا اريد هناك
واخذني سحل طلعنه من الاستقبال للحديقه ورحنه للغرفه الخلفيه
فتح الباب
وكال يله افراح انزعي ملابسج
اتباوعله عيونه حمر
ضليت ابجي واشرله اكله لا ابوس ايدك
كال شبيج اني زوجج يله انزعي
اجه بأتجاهي مسح دموعي وضل ينزعني واني لازمه ايده
نزعني ضليت بلا ملابس وضليت من الخجل استر بجسمي بأديه
ضل ينزع بملابسه واجه لزمني من ايدي نومني على الفراش وسحب اديه وربطني بالحبل مثل المره السابقه واني اتحرك وابجي
اجه نام عليه وضربني راشدي كال لاتتحركين تره اذيج
اني متت بجي
انوب ضل يبوس بيه كأنو يريد ينتقم مني
بعدين اغتصبني بوحشيه اكثر من مره
شكد كرهته ياريت مارجعت هذا مراح يتغير
حتى العلاقه يريدها بغصب وبطريقه وصخه
مينام وياي بالغرفه مالتنه الا بهالغرفه الوصخه شنو سر هالغرفه وليش يربطني يله ياخذ حقه
بعدين نمت وهو يمي ولا حسيت الا واني بالغرفه مالتنه
كعد لكيته يمي ويشرب جكاير ويتباوع بيه
تباوعتله ونزلن دموعي
باسني براسي وكال يله كومي اسبحي وخل نتريك وروحي شوفي امي
هزيت راسي ب اي واني گلبي مكسور منه
رحت سبحت وبدلت ونزلت
لخالتي غسلتلها وبدلتلها
ورحت كعدتها بالاستقبال ورحت سويت ريوك
ريكت خالتي وانطيتها علاج
شويه ونزل حمزه كعد بالمطبخ وصبيتله الريوك
ردت اكوم
لزمني من ايدي وكعدني يمه وكال يله تريكي وياي واخذي علاجج
هزيت راسي ب اي
اكلت لكمتين وهو بس يتباوعلي ويبتسم وكل ساع لو بايسني براسي لو كارصني بخدي لو ساحب خشمي
كلت شبي حمزه من يريد حقه يصير ضالم وبغير وقت
ماكو احسن منه
دخت شويه وكام بدل وكال افراح مطلعين لطارمه ولاتفتحين الباب لو يذبحونج  ودير بالج تشيلين شي ثكيل موزين على عمليتج
هزيت راسي ب اي
طلع ورحت نضفت البيت وغسلت ملابس وسويت غدا
وكعدت بغرفة خالتي يمها ارتب بملابسها واتباوع على التلفزيون
شويه وندك الباب
خفت افتح الباب كلت خاف يموتني حمزه اذا فتحت الباب
ضل يندك الباب وعمتي تتباوعلي
تأشرلي افتح الباب
كتلها خاله حمزه ميقبل
ضليت 5 دقايق ونفتح باب البيت

تولا العسكري