الله مايهديج وتحبيني أستحي من الشيب خليتني من أشم عطرج عشر مرات أموت عالجمر مشلول مشيتيني الله ميهديج وتحبيني
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
الكاتبه تولا العسكري حمزه: جابو البنيه جابها ابوها وعمو وائل جاب السيد عقدنه وبعدين راحو دخلتها لبيت ولا رفعت وجهي عليها وتباوعتلها ابد مستحيل اتقبل مره غير فروحه دخلت كتلها تفضلي شفت افراح وجها حزين فعرفتها على افراح و وضحتلها اني مارايدها وحالف مااطخ مره غيرها اشو هاي عاطت ورفضت كل كلامي افراح :تره احنه قبلناج بس علمود سمعتج وسمعة اهلج راح تبقين معززه مكرمه هنا رفل: شنو جاي اجدي منج اني هذا بيتي مثل ماهو بيتج وهذا رجلي مثلج تماما سواء قبلتي او لا مابقى عليه بس زعطوطه تعلمني شنو اسوي حمزه: اكلي تبن بنت الك ... السانج اكصه اذا سمعتلج صوت فوك مااهلج ذبوج براسي واخوج العار كل الي سواه وهم كملتها اخته السانها بطول النع... تبقين هنا لمن تخلص المده وتولين لأهلج واي تصرف غلط منج احسب الله ماخلقج رفل :... 😏 حمزه :روحي يله لهذيج الغرفه الجوه الج رفل بداخلها :بسيطه اني اعلمكم اني الج ياافراح اذا مخليته يشمرج على اهلج بسواد الوجه مااطلع رفل مسوين عليه فضل مو اني الكم بس اصبرولي افراح :شنو هاي من بنيه شيطانه وتخوف لسانها شطوله لمن رزلها حمزه يله سكتت بصراحه خفت خاف تسويله لعبه لو تاخذ حمزه الها لو تذب عليه سالفه الله يستر منها شيخلص الشهرين وافتك منها انوب حملي مضوجني هالمره وبطني كلش جبيره واني وحتى لدكتوره مرحت كلت اكل لحمزه اليوم ياخذني لان بطني مو طبيعيه جبيره كلش احسها نازله كلش كلت اكيد الطفل جبير مثل حسن بس بطني اكبر من ماجانت بطني بحبالة حسن حمزه :شبيج يعمري افراح :حمزه فدوه اخذني لدكتوره مااكدر اتحمل بعد ثگلت بطني حمزه :ماشي يروحي ارتاحي لاتتحركين لمن اروح اخذ اجازه واجي اخذج لدكتوره افراح :ان شاء الله خير حمزه :ان شاء الله ياغاليه ،،يله اني راح ابدل واروح لدوام ولاتنزلين موزين عليج ودير بالج من هاي الحيه الي جوه ودير بالج على حسون هسه امر على خالتي ام علي تجي يمج لمن ارجع افراح :حبيبي ماكو داعي خاف خالتي تعبانه حمزه: لاالها داعي هاي الحيه الي جوه تخوف افراح :بكيفك ابو حسون حمزه :يله الله وياج مثل ماوصيتج دير بالج افراح :ان شاء الله الله وياك ،، راح حمزه لظهر رجع من الدوام طالب اجازه كال حمزه :خالتي رايحه لزياره ملكيتها افراح :الله يرجعها بالسلامه ،يله اسبح خل احضرلك الغدا حمزه : حضري نفسج ب 4 نروح لدكتوره زوجة عمو وائل خابرت دكتوره صديقتها اول منروح ندخل افراح :الله ينطيها العافيه نزلت سويتله غدا لكيت رفل متغديه وكاعده على التلفزيون شلت الصينيه اصعدها لحمزه مريت من يمها گالت رفل : كون من الله وتزلكين وتموتين انتي والي بطنج افراح :حسبي الله ونعم الوكيل شرايده انتي هاي فوك ممكعدينج بيتنه ومعاملينج بتقدير واحترام رفل :اصبري عليه يالزعطوطه الا اهجم بيتج فوك راسج اني انرفض بسيطه افراح :سكتت ومشيت شحجي وياها هاي شوكت يخلصن الشهرين ونفتك منها تغده حمزه وصارت ب4 كعدته من النوم غسل وبدل اني جنت مبدله بس بدلت لحسون وبعدين طلعنه لكينه رفل لابسه كالت رفل اخاف وحدي حمزه وديني لبيت اهلي لمن ترجعون حمزه بتأفف :يله امشي افراح :رحنه لسياره محسيت الا رفل فتحت الباب اليم حمزه كلت خل تولي ميخالف اصعد ليوره رحت ردت اصعد وعاط حمزه على رفل حمزه: هوب هوب وين موليه انتي روحي لوره تعاي انتي اصعدي يمي جيبي حسن بحضني افراح: رحت صعدت يمه ورفل راحت وره اتباوعلها عيونها حمر وتخزر بيه وتأشر بأيدها عود بسيطه تجاهلتها ولااهتميت رحنا وصلناها يم اهلها ورحنه لدكتوره اول مرحنا دخلنا دخل حمزه وياي سلمنا على الدكتوره الدكتوره: اهلا وسهلا بيكم تفضل استاذ حمزه گومي ماما اصعدي على السديه افراح : صعدت ضلت الدكتوره تفحص بيه بعدين شفتها بتسمت حمزه :دكتوره بشري خو ماكو شي موزين لاسامح الله الدكتوره :لا ماكو شي مبروك راح يصيرون عدكم 3 اطفال اذا الله راد افراح:كمت متفاجئه شنو دكتوره 3 حمزه : دكتوره بشريني الدكتوره :زوجتك حامل ب 3 اطفال توأم الف مبروك الله يگومها بالسلامه بس واحد من الاطفال شويه تعبان راح ننطيج علاج ولاتعبين نفسج حمزه بفرح :الحمد الله والشكر على نعمتك ياالاهي افراح :فرحانه بخبر حملي ب 3 لان احنه عائلتنه بيها هواي توائم طلعت على امي وبيبي وعماتي كتبتلنه الدكتوره العلاج وطلعنه راح حمزه اشتراه ورجعنه للبيت دخلنه بفرع البيت وحمزه صارت عيونه بگصته من كد العصبيه لتفتت لباب البيت ولان اشوف
......... يتبع الكاتبه تولا العسكري حبيباتي مبقى شي وتنتهي القصه ليش ماكو تفاعل وتصويت حتى مالي واهس اكتب 😔
