الضابط المستبد والخرساء

البارت الثاني والاربعون

يآ رآحتي وريحة هلي
و يالمايشبهك أحد
مرآت آحيرن من صدگ
ليش إني احبكَ هالگد

الكاتبه تولا العسكري
حمزه: بعد مرجعت من اهل افراح رحت للواجب اهم شي عندي دزيت الجهال يم امهم واطمنت عليهم
رحت للواجب وافكر شراح اسوي الظاهر ابو اكرم مراح يقتنع يرجعلي افراح ،،،
مر يوم كامل من التفكير والتعب من الشغل ثاني يوم رحت لبيت خالتي ام علي اخذتها وياي حتى بلكي نروح نرجع افراح رحنا
وصلنالهم دكيت الباب طلع احسان
دخلنا وخالتي راحت يم النسوان
ضلينه كاعدين اني واحسان نسولف
احسان :اي ابو حسن شلونه الدوام
حمزه: والله يخوي تعب كلش بس شنو اسوي
احسان: اكلك ابو حسن شنو اخبار قضية اخوي اكرم
حمزه: والله يخوي يكولون بالاستخبارات لازمين جماعه الهم علاقه بالحادث الي اتهمو بيه اكرم واذا اعترفو يطلع اخوك براءه
احسان: ان شاء الله خير
قبل اسبوع اجانه خبر انو اخوي اكرم ماخذ زوجته وبنته ومسافر من ايران لألمانيا ولاكي واحد عراقي هناك ومشغله وياه
حمزه: اي والله احسن اله من ايران
خلي يكون نفسه وان شاء الله يطلع براءه
احسان :ان شاء الله
حمزه: صدك حسون شو مااله حس
احسان :اوو ابنك هجم البيت بالوكاحه وهسه تعب ونام هسه يكعد واجيبه
خلي اروح اجيبلك الصغار من امهم
حمزه: امهم شلونها
احسان :بخير زينه خل يجي الوالد من الدوام ويصير خير تنحل يخوي
حمزه: والنعم منك معدل
،،،،
طلع احسان يجيب الجهال
شويه اكو امل لان احسان بجانبي لان اكيد خله نفسه بمكاني الغيره تعمي العيون والله
شويه واجه احسان
احسان :وهاي جبنالك اميرتك الصغيره نرجوسه
حمزه: فدوه رحتلج بابا اميرة ابوج
اوف ياريحتج ترد الروح كبرانه ولج
احسان: هاا يابه تره بعد اثنين هاي الوكحه مبينه ماخذه المعزه
حمزه: هاي بنتي الوحيده الها معزه خاصه
احسان :يله خل نجيب علوش وحسين واجي
حمزه: ضليت ابوس بنرجوسه وجاب احسان الجهال وشميتهم وابوس بيهم
مشتاقلهم كلش جاي نحجي
ودخل عمي ابو اكرم
ابو اكرم :السلام عليكم
حمزه: وعليكم السلام عمي شلونك شخبارك
ابو اكرم :الحمد الله بخير
بابا احسان غداكم بساع
احسان :صار يابه اليوم جاي على وقت
ابو اكرم :طلبت اجازه عندي صديق عمه متوفي ورحت اقرأ فاتحه الهم
احسان :الله يرحمه
ابو اكرم :رايح ابدل واغسل من رخصتك ابو حسن
حمزه: مرخوص عمي اخذ راحتك
👑👑👑👑👑👑
افراح :الصبح جنت اغسل ملابس الجهال وامي كاعده يم الجهال وحسون
نومته زينب
شويه وسمعت الباب اندك راح احسان يفتح الباب
شويه ودخلت خالتي ام علي شكد فرحت بجيتها مشتاقتلها هواي
ام اكرم :هله وكل الهلا بيج خيه زارتنه البركه
ام علي :بعد كلبي ام اكرم شلونج شخبارج
ام اكرم :بخير خيه تفضلي
افراح: هله بيج خاله اشلونج مشتاقتلج والله
ام علي :بعد گلبي يمه اشلونج سامحينا يايمه كل الصار سوء فهم واني تدرين رجلج عصبي لاتاخذين بخاطرج منه واله يحبج ويريد رضاج وصارله يومين مانايم خطيه نلعب بحاله لعب
افراح:...
ام اكرم :ادخلي خيه يصير خير ان شاء الله تنحل مايضل خاطر احد مكدر
ام علي :ان شاء الله خيه
افراح: دخلت خالتي شويه واجه احسان اخذ نرجوسه ابوهها يريد يشوفهم
شكد جنت مشتاقه لحمزه رغم كل الي سواه بيه وماصدكني بس مشتاقتله
يبقى اول رجال دخل حياتي وابو جهالي
صح عصبي ويضرب بوحشيه بس من اشوفه گبالي انسه كل هم وحزن
،،،،
كمنا اني وزينب سوينه الغدا وكملناه
شويه واجه ابوي دخل يم حمزه شويه وراح يبدل اليوم جاي على وقت
اجانه احسان للمطبخ گال ابوي يگول جهزو الغدا
افراح :صار هسه اصب
احسان بشقه: هاا ام حسون صاير عندج واهس اليوم شكو خاف لان ابو حسون هنا 😉
افراح :احسسسااان استحي شبيك
اصلا اني زعلانه منه جاا غير هو ضربني وجاباني شمرني عليكم
احسان :هههه يابه الرجال حقه اني لو بمكانه اسوي اكثر بعدين هو ندمان
لاتصرفين بطيش فروحه عندج منه اربع اطفال وصغار لاتهجمين بيتج
افراح :الله كريم
،،،
صبينا الغدا الهم واجه احسان نگله للاستقبال الخارجي
وصبيت لخالتي وامي يتغدن
شويه واجه احسان جايب الجهال
اخذتهم غسلتلهم وبدلتلهم ورضعتهم نامو
زينب سوت جاي واني نيمت الجهال ونزلت
تغدينه اني وزينب لان منتضرتني خطيه
غسلت المواعين
وهمه شربو جاي
شويه ودز عليه ابوي يريدني
رحت للغرفه غسلت وبدلت
ودخلت لكيت حمزه يحجي وي ابوي
من دخلت التفتلي وكام
ابو اكرم :تعاي بابا اكعدي عندي حجي وياج
افراح :صار يابه
حمزه: اشلونج ام حسن شخبارج
افراح بحزن :الحمد الله بخير
ابو اكرم :بابا فروحه هذا زوجج يريد يرجعج صح هو غلط وياج وماثق بيج بس يبقى ابو اطفالج بس يا بابا عين لأجل عين تكرمو
لازم تفكرين بأطفالج وهذا هو كدامج
شتريدين اطلبين منه كولي
حمزه: اني حاضر عمي بلي تريده والله متندم
ابو اكرم :هسه بابا شكلتي
افراح بخجل: اي بابا اني اريد ارجع
بس عندي شرط
ابو اكرم :شنو شرطج بابا
افراح :يجيب القرأن هسه ويحلف مايزوج عليه مره ثانيه لان تدري انت كل المشاكل من النسوان الي يجيبهن للبيت مره سعاد ومره رفل والله اعلم منو بعد
اذا يريدني ارجع خل يحلف انو مايزوج عليه الا اذا اني غلطت بحقه او قصرت وياه واذا لاسامح الله غلطت اني وياه اكيد راح يبطل الحلفان
ابو اكرم :هاا ابو حسن شكلت بشرط
حمزه: اي عمي اني مستعد احلف
واصلا اني حالف من قبل لاتكلي افراح اول ماحبلت بحسن حلفت يمين مااطخ مره غيرها
لهذا اني مستعد
افراح :كام ابوي جاب القرءان خلاه
كدام حمزه
راد حمزه يحلف سحبت القرءان من يمه واخذته رجعته
ابو اكرم :ليش بابا مو هذا شرطج
افراح بدموع :لا يابه الا اليمين حتى لو هو مثق بيه بس اني اثق بيه وكلامه اعتبره عهد اني مو انانيه احرمه من الزواج خاف فد يوم اقصر وياه خاف فد يوم اتمرض اموت مااريده يلتزم بيمين ويحطم حياته
وضليت ابجي
محسيت الا حمزه حاضني ويبوس بيه كدام ابوي شكد استحيت
ردت اشوف ابوي تباوعت لكيته طالع
حمزه :اروحلج فدوه شنو سويت بحياتي حتى الله قاسمج الي
اروح فدوه لعيونج ولحلك ولوجهج الحلو ولطولج وعطرج يله حضري روحج خلي نرجع مشتاقلج هواي ولج صار يومين لاليلي ليل ولانهاري نهار
افراح: حمزه
حمزه: كولي يبعد اهلي
افراح :خليني هذا الاسبوع عند اهلي
يوم الخميس هذا تزوج اختي زينب واليوم راح تجي اختي اكرام والله مشتاقتلها وخوالي واخوي حسنيين هم راح يجون فدوه شكلت
حمزه: فروحه شيصبرني اسبوع والله نشتاقلكم البيت اضلم بدونج وبدون الجهال هنه يومين كوه تحملتهن
افراح: فدوه اروحلك بس 3 ايام هنه اصبر الجمعه العصر تعال اخذني
حمزه: ماشي يعمري بس بشرط يوميه اخابرج وتحجين وياي
افراح :اي حبيبي اتصل علينه راح اجيبلك الرقم من احسان بابا شد خط تلفون لبيتنه لاتتصل على بيت ابو محمد
حمزه: اي هم زين حتى يوميه اخابرج
افراح :اي من عيوني
حمزه: تسلملي العيون الخضر
يله خلي اراضيج گالو زعلانه
افراح: هاا لالا مزعلانه شتراضيني هناا
خل نرجع للبيت وراضيني
حمزه: هههه اي تدللين كم ام حسون عندي اني اوف ياعطرج يرد الروح
افراح: خل اروحاجيبلك حسون هسه اكيد كعد
حمزه: اي ولج طاك كلبي عليه
مشتاقله
افراح :طلعت جبت حسن يم ابوه
ضل عنده شويه وكال اريد اروح كلي لخالتي ام علي يله
رحت كلت لخالتي ورادو يطلعون سلم على ابوي واشكر منه وعلى احسان
رحت اخذ حسون منه مقبل يجيني ويبجي يريد ابوه حاولنه وياه بكل الطرق ميقبل هههه يمكن اشتاق للخواره وي ابوه
الوكح ضام راسه برگبة ابوه ومجلب بقميصه اسحل بي مايقبل
بعدين مقبل يجي
حمزه: عوفي راح اخذه وياي حضري ملابسه وحليبه والممه راح اطلب اجازه علموده وابقى يمه ادري بي يريد يطلع
يتونس مو بابا
حسن :اباه
حمزه: هههه لاتخاف راح اشبعج خواره
افراح 'حضرت ملابس حسن واخذاه حمزه وطلعو
العصر اجت اكرام هي وايوب زوجها
اكرام :هله ولج يمصخمه لاتجيني لاتكولين عندي اخت بنتي وصلت الموت
افراح: بعد كلبي والله ملتهيه متشوفيني
عندي اربعه ومربطين اديه ورجليه
هسه ماعلينه جبي هاي جنتي مرت حسون
اكرام :هههه اي هاي جنتكم جا وين رجلها
افراح: رجلها طنگر الا يروح وي ابوه
اكرام :هههه يله تكفلي بيها اريد اشوف هالحلوين الثلاثه
ولج فروحه كافي اني وحده ومرمرتني
وانتي ابنج بعده توه سنه وجبتي فوكاه تلاثه
افراح: خايبه اسكتي جا هي بكيفي
غير حمزه يريد جهال ويريد 8 يعني احسبي احسابج كل سنه تلكيني حامل
اكرام :هههه خرب بليسكم شنو ولكم بزازين
زينب :هاا ولجن شسولفن
اكرام :هله بالعروس هله تعاي نعلمج
بلكي تصيرين مثل اختج بزونه
افراح: ههههه اسكتي ولج لاتخوفين البت
زينب: لامشكورات مااريد منجن شي
اصلا باقر يگول اريد بس اربعه وكافي
اكرام :فلك طركم جاا هي بكيفكم هذا رزق من الله
زينب :المهم شسويله هو باقر ميتحاجه كال اربعه يعني اربعه 😄
افراح: هههه الله يسعدكم
اكرام وزينب :اللهم امين
افراح :مر يوم طبيعي وضلينه نجهز بجهاز زينب لان هي مجهزه نفسها من زمان بس رتبنه جنطها
ثاني يوم اجو خوالي واجه وياهم حسنين يا الله شكد مشتاقتله فدوه رحتله صاير يخبل عيني بارده عليه
شخصيه فدوه تروحلك اختك
ركضت عليه اجاني حضني وباسني براسي
حسنين :ولج ميت على شوفتج صار سنه ماشايفج
افراح بدموع :جا غير انت تشتغل بغير محافضه يم خوالي ولاتذكرني وتمر عليه
حسنين :يبعد اخوج ادري مقصر وياج بس والله جاي اكون نفسي
افراح :الله يرزقك ويوفقك خويه شنو مناوي تفرحنه بيك نريد نشوفك عريش
حسنين :ههههه والله ياخويه مااكول لا
اني جهزت اموري الحمد الله اشتريت بيت يم اهلي وتعينت وعندي راتب وسيارتي جوه ايدي بقت بس المره
هاا ام حسون شنو عندج بنيه حلوه الي
افراح: تدلل غير ضامتلك وحده تخبل
تلوك لأحلى واحسن مهندس
حسنين :هههه بعد روحي العزيزه
منو هاي العروسه
افراح: بعدين اكلك
حسنين :ان شاء الله خير يالغاليه
ام اكرم :هاا فروحه منو هاي تريدينها لحسنين
افراح :يمه انتي تعرفيها وشايفتها بنيه مثقفه وحلوه وتلوك لحسنين
ام اكرم :فضيها يايمه منو هيه
افراح :...

يتبع......
الكاتبه تولا العسكري