ياريتك تجي وتشوف الجروح
تلكاهن خطيه يسولفن بيك
حبيتك حب طفل عايش وياي
ياعشگ الطفوله شلون أأذيك
سامرتك ليالي وگلبي مذبوح
مثل نجم السعد بحضاني الوليك
الكاتبه :تولا العسكري
افراح :ضلت الاوضاع مثل ماهي بعد شهرين
جنت نايمه محسيت الا على صياح گلب البيت گلاب
نزلت اركض على الدرج محسيت الا رجلي نلوت ومتت من الالم ازحلكت اخر 3 بايات وطحت بالكاع متت من الوجع شويه واجت سلوى
وهي تبجي شالتني وكعدتني
اشرتلها شنو هالصياح
سلوى بحزن وبجي :خالتي ام حمزه ماتت
افراح: متت بجي بهذيج اللحظه خالتي ام حمزه خطيه مرتاحت بحياتها وبعدين ماتت
وخلتني وحدي شراح يسوي بيه حمزه اكيد يحملني المسؤوليه لان مجنت يمها اشون بيه
شويه ورجع حمزه عيونه حمر مبين جان يبجي ومنتهي تعبان اجه اخذ جنسيتها وباقي الاوراق
نزل شافني ابجي اجه هد عليه وسلوى صارت كدامه
حمزه :ولج مطموره وامي تعالج بالمنيه وحدها
اني اعلمج بنت الك...
الااربيج ياحيوانه
خله وطلع اني متت من خوفي
سلوى: شبي حمزه ليش انتي شعليج هذا يومها خالتي وهي من زمان مريضه انتي شنو ذنبج
افراح :😭
سلوى :كومي وياي ارتاحي لمن يرجعون من الدفنه والله كريم ربج يحلها
افراح :هزيت راسي ب اي
مر وقت من الصبح لليل الساعه ب 1 الصبح رجعو من الدفن
خطيه دخلت خالتي ام علي تملخ بروحها وتبجي
وام خالد همين واجه خالد وزوجته وعلي واخوان خالد
دخل حمزه للبيت اول مشافني يكول شاف كتال اهله هجم عليه
كطعني تكطع وهذاك الغلط والدفرات واني روحي شاغت
اجن يركضن خالتي ام علي وام خالد وسلوى وزوجة خالد فرغني منه وهو يتهادد يكول بسببج ماتت امي
ام علي :ولك انت شو ماتستحي شنو بسببها هي شعليها امك مريضه من زمان وكلنه نعرف لو بس تريدلك واحد تفرغ بي حقدك
ادري بيك مقهور على امك بس يايمه هالفقيره شنو ذنبها
افراح: اني بس حاضنه سلوى وابجي
شويه وطلع حمزه وركع الباب
ثاني يوم صارت الفاتحه وناس رايحه وناس جايه ومن بين هاي الناس اجت سعاد زوجة حمزه السابقه
وجابت امها تدفع بيها بعربانه جانت حالتها مثل حالة خالتي الله يرحمها بس الفرق ام سعاد تحجي وحجيها مو مفهوم
سعاد بس شافت وجهي ازرك من الضرب تبتسم بخباثه وتهمس يمي تكول شجابج لضيم يحظي هذا انسان مريض شورطج وياه
كلت بيني وبين نفسي اي صدك مريض اني شورطني بس المشكله اني الغبيه حبيته وشمايسوي بيه متحملته
شويه وشفت ام سعاد تتباوعلي بنضره كأنو تكلي حالج بعدين مثل حالي لان اني اعرف حمزه هو الي راميها ومخليها مقعده
مرن ايام الفاتحه وخلصن واني ماشفت حمزه كله ينام بالاستقبال الخارجي
كلها الناس طشت لبيوتها
ضلت بس خالتي ام علي وياي
رابع يوم الفاتحه جنت نايمه لان جسمي احسه مكسر واحس نفسي مو طبيعيه والفاتحه تعبت بيها غير الضرب مال حمزه
كنت نايمه فزيت على سحله بشعري
كعدت مخترعه شفت حمزه سحلني وشبعني راشديات وكفخات
حمزه: ولج حيوانه نايمه ومرتاحه وامي جوه التراب
افراح: بس تبجي
حمزه :ولج مااستبعد انتي الي موتي امي حتى يخلالج البيت
بنت الك .....
ضل يشمر عليه بغراض الغرفه ويضرب بيه بالتحفيات
شويه ودخلت خالتي ام علي
ام علي :فلك فلكك ولك شتريد من بنت الطوايف ولك تخبلت انت
عوفها عوفها
افراح :حضنته خالتي ام علي وهو يتهادد عليه جان لازم بيده طفايه مال جكاير
محسيت الا شمرني بيها
اجت بكصتي مشفت الا وجهي نترس دم واحس بطعم الدم دخل بحلكي وخشمي
ضليت مثل المخبله بس احرك بيدي اتباوع لحمزه مصدوم وفتح حلكه
اني غوشت عيوني وطحت بالكاع
محسيت الا واني بالمستشفى فتحت عيوني
لكيت خالتي ام علي يمي
ام علي :يايمه بعد گلبي الحمد الله على سلامتج
سوده عليه شوف شسوه بيج هذا المخبل المايخاف الله
وداعتج طردته ماخليته يشوفج
كتله اشتكي عليك بس تتكرب يمها
افراح: اني بس دموعي تنزل
شويه واجت الدكتوره
كالت الحمد الله على السلامه ماما
احجيلي منو منسوي بيج هيج
هزيت راسي واشرتلها يعني وكعت
الدكتوره :شبيها متحجي البنيه حجيه
ام علي :خاله البنيه خرسه
وجاي تكلج وكعت
الدكتوره: اي احنه شبعنه من سالفة وكعت النسوان تنضرب ومن يجن للمستشفى يكولن وكعنه ماادري هو خوف ماادري هو حب مااعرف
المهم حبيبتي وضعج كولش تعبان ولازم تنامين على ضهرج وتاخذين هذني المثبتات لان وضع الطفل كولش تعبان
ام علي :ياا فروحه حامل دكتوره
الدكتوره: اي حامل بس الطفل مهدد بالاسقاط
ام علي :ياا اصخام
افراح :من كالت الدكتوره حامل گلبي وجعني كلت اشلون بيه بس يدري حمزه يخليني اسقط
اشرت لدكتوره وخالتي ام علي كتلهن مااريد حمزه يعرف
ام علي :ليش خاله بلكي يفرح وهو حزين على امه
افراح بالاشاره :لالا خاله فدوه حمزه ميريد اطفال
الدكتوره: مثل متردين ماما ان شاء الله خير
ام علي :بكيفج يمه
افراح: طلعت الدكتوره
واني نمت كعدت على ايد على راسي فتحت عيوني مخترعه من الخوف اكول خاف عرف حامل واجه ينطيني حبوب يموت ابني
رأستا كعدت ونزلت من الجربايه اجتني دوخه قويه لزمت الحايط اجاني واني ابعد بأديه وابجي
حمزه :فروحه شبيج والله مراح اضربج والله
لحظه بس اسمعيني والله جنت مقهور على امي وذبيت قهري بيج
والله مو قصدي
افراح :اني مدري شنو صارلي هو يحجي واني تخبلت كرهته كولش اذكرت كل الي سواه بيه واني اضرب بصدره وادفع بي
شويه ودخلت خالتي ام علي
ام علي :ياا فلك ولك حمزه شسوي يم البت وخر عنها شتريد منها
حمزه: خاله والله ممسوي شي جاي اكلها اني جنت مقهور وهي تهسترت
ام علي :روح سوي خروج راح نطلع واخذها وياي للبيت مااخليها يمك والله تموتها انت مخبل
حمزه: خاله شنو تاخذينها وياج هو منو بقى بالبيت امي وراحت وتريدين تاخذين افراح همين
ام علي :من ايدك من جبتها من اهلها لهسه تعذب وتضرب بيها ولك ليش لو السانها طويل وترادد جان كلنه حقك بس ولك حتى صوت ماالها خاف ربك بيها والله اذا عرفو اهلها مايخلوها عندك
يله روح سوي اوراق الخروج وجيب العلاج راح اخذها كم يوم ترتاح
وبعدين ترجع.
افراح بعدين راح حمزه سوه اوراق الخروج وجاب العلاج
طلعنه ركبنه بالسياره اخذنا حمزه لبيت خالتي ام علي
دخلت وسلوى تلكتني وخطيه حضرتلي غرفه ونمت رأستا لان دايخه
حمزه دخل يم علي
وضل وضعي يم بيت خالتي ام علي هكذا تحسنت الحمد الله
لمن مره سمعت سلوى كالت حمزه اجه يم خالتي يحجون بس صوته عالي وكال بالليل اجي اخذها وطلع
افراح :رحت يم خالتي ام علي اشرتلها ليش ضايجه وليش حمزه اجه وصوته عالي
ام علي بحزن: يمه حمزه عرف بيج حامل وضل يصيح يكول اشلون افراح اضم عليه حملها واني موكايلها مااريد اطفال
افراح :خالتي تحجي واني وجهي ضل ينطي اللوان اكيد بالليل يرجعني
هم يخليني اشرب حبوب ويموت ابني واني مريضه بعدني مو مال الم واسقاط ومستحيل اخلي يموت ابني
رحت ركض جبت ورقه وقلم
كتبت بيها رساله لحمزه كولشي،بگلبي وكولشي يقهرني حجيته وجبت ورقه ثانيه كتبت عنوان اهلي
لان قررت اروح لأهلي واني خرسه اشلون اكول لسايق العنوان عاد انطي الورقه وهو يوصلني
لبست عبايتي وحجابي وطلعت من الغرفه
جان الدفتر والقلم والرساله بيدي لاكتني سلوى
سلوى :ها فروحه وين لابسه عباتج
افراح: سألتني سلوى لزمت الدفتر وكتبتلها
رايحه لبيت اهلي بعد ماارجع لحمزه لان عرف بيه حامل وراح يخليني اسقط الطفل لان مايريد اطفال وابني الاول هو شربني حبوب حتى اسقط واكيد بس يرجعني راح يموت ابني هذا هاي رساله انطيها لحمزه من يجيكم كليله من افراح
بس انطيني كروه سلوى لان فلوسي بالبيت
سلوى: فروحه انتضري وين ترحين لوحدج خلي خالتي ترجع من السوك وتوديج منطقتكم بعيده انتم بقضاء بعيد عن القضاء مالنه وانتي حامل صعبه افراح :كتبتلها لا سلوى اذا اجت خالتي متخليني اروح وهي متعرف بنوايا حمزه فدوه اريد احافظ على ابني
سلوى :ماشي فروحه اوكفي خل اجيبلج فلوس ومن توصلين اتصلي من جيرانكم على تلفونه وهذا الرقم ضمي حتى نتأكد انتي وصلتي
افراح بالاشاره :اي
اخذت الفلوس من سلوى وطلعت امشي واتلفت لمن وصلت لشارع الرئيسي
شفت سياره بيها رجال جبير لابس عگال وجفيه كلت خلي اجره لان اخاف من السواق الشباب
واني هاي اول مره بحياتي اطلع لوحدي
اشرت لسياره وكفت
السايق :تفضلي بويه وين تردين
افراح انطيته الورقه
السائق :اي بويه بس منطقتم بقضاء....
بعيده شويه كروتها هالكد
افراح بالاشاره :اي
صعدت ومشينه ساعه كامله تمشي السياره لمن وصلني لشارع البي الفرع مال بيتنه انطيت الرجال الكروه ونزلت
مشيت بالفرع لمن وصلت لباب بيتنه واني اكول اشون اكل لأهلي ومن راح يشوفون وضعي واثار الضرب وراسي ملفوف ومخيط شيكولون
نزلت دمعتي مسحتها ودكيت الباب
شويه ونفتح الباب
...........يتبع ✍️
الكاتبه ✍:تولا العسكري
❤️تفاعلكم سر النجاح دائماً ❤️
VOUS LISEZ
الضابط المستبد والخرساء
Roman d'amourفتاة خرساء عانت معاناة اليمه بسبب الاستبداد وخسرت اخاها ضلما ويقوم بأنقاذها ضابط وتشاء الاقدار وتتغير حياتها لاتعرف ماذا يخبئ لها القدر
