الضابط المستبد والخرساء

البارت العشرون

مثل خيط الجرح ملگاك
تلجم بس تداويني

الكاتبه :تولا العسكري
افراح :بعد موصلت لبيت اهلي دكيت الباب شويه وطلعلي ابويه
ابو اكرم :هله بابا هله فروحه زارتنا البركه اشلونج ياغاليه
شنو منو جابج شو لوحدج جا حمزه وين
افراح :ابويه يحجي واني كوه مصبره نفسي شويه وكال جا حمزه وين اني بعد ماتحملت نزلن دموعي وضليت ابجي ونهاريت واذكرت كل الي سواه بيه حمزه من ازوجته لحد هذا الوقت
حضني بابا وضل يمسح على راسي مبين علي عرف اني زعلانه
ابو اكرم :ياروح ابوج لاتبجين هذا بيتج واكسر رجلي الي يوصل يمج واعتبري كأنو مصار شي اني اصرف
افراح بالاشاره :اي
بعدين لتفتت لكيت امي تتباوعلي ودموعها على خدها رحتلها حظنتها وضليت ابجي سكتتني وكالت لاتبجين هو الخسرج
سلمت على البنات
شويه ونزل حسنين
اجاني حضني وكال
حسنين :هله بفروحه ولج مشتاقيلج رجعت لكيتج معرسه لاكلتي اخوي انتضره
شنو هاي الي بگصتج ولج منو ضاربج
شبي وجهج هذا رجلج ضاربج
افراح بالاشاره :لا
اشرتله وكعت من الدرج
اشو احسه مامقتنع حسنين يختلف عن اخواني شويه عصبي مايتحمل
بس سألني جا رجلج وين
افراح :رأستا ابويه جاوبه عنده شغل نزلها بالباب وراح
عرفت ابويه ميريد تصير مشاكل بين الولد وحمزه
رحت لغرفتنه شتاقيتلها اخذت ملابس ورحت سبحت ومشطت شعري ورحت للمطبخ يم امي
ام اكرم :عمت عيني عليج يمه ماتهنيتي تنكسر ايده الله يعثره شمسوي بيج
افراح :صح مقهوره من حمزه بس من دعت عليه امي ضجت
صح ضربني وعاملني بعنف بس والله مااعوفه واحبه بس من وصلت الشغله يموت ابني مكدرت ابقى عنده
،،،،،،،،،،،،
حمزه :بعد مخالتي اخذت افراح وياها للبيت مقبلت ترجعها وياي
تكول اخاف عليها منك واني صح ضلمتها وياي وضربتها وسقطت ابنها
وكل هذا وهي ساكته
بعدين وصلتهم لبيت خالتي ودخلت شويه يم علي ورجعت للبيت ارتاح
البيت صاير يخوف لا امي بي لا افراح اظلم احسه يخنگني
سبحت ونمت
ثاني يوم گلت خل اروح اشوف افراح
رحت اجت خالتي كعدت يمي سألتها على افراح گالت
ام علي :زينه بس تحتاج راحه تدري يايمه حامل والحباله صعبه
حمزه :شنو افراح حامل خاله
ام علي :ياا فلك منو گلك يمه
حمزه :خاله انتي هسه طلعت الحجايه منج بدون متنتبهين
ام علي :خاله اوكف على كيفك افراح خافت منك وكالت لاتكلوله
تكول هو ميريد اطفال ليش يايمه مخوف البنيه وهي حامل بأبنك
حمزه: ضليت اصيح اشون تضم عليه شنو اني مو بعينها اني اعلمها ردت اك. ملها وكفت بوجهي خالتي
ام علي :خاله شبيك استهدي بالرحمن خلها ترتاح ورجعها والله الصار وياها مو سهل ليش مخوف البنيه يايمه وليش ماتريد خلفه شكدك تصير. راح تدخل ل 40
حمزه: اني گايللها مااريد اشون تعاند
ام علي :شبيك وخبلت جاا غير هو منك ابنك هي شعليها
حمزه: شوفي خاله كليلها تحضر نفسها بالليل اجي اخذها مفهوم
رايح عندي دوام
ام علي :لاتعصب يمه دير بالك من تسوق
حمزه :ان شاء الله
طلعت رحت للمركز شغل بشغل بعدين ردت اطلب اجازه من الخفر حتى ارجع افراح بس بعدين كلت خليها ترتاح اليوم صح كلام خالتي الصار بيها مو شويه ضليت اشتغل
مر اليوم وصار ثاني يوم كعدت
طلعت للبيت بدلت ونزلت
رحت لبيت خالتي
دخلت واشوف خالتي كاعده وضايج خلكها سلمت عليها كامت
كتلها ها خاله شبيج مريضه شو وجهج مخطوف
ام علي :يمه مرتك راحت لأهلها الكاتبه :تولا العسكري
ولك يحمزه شردت منك خايفه على ابنها ولك ليش هيج وي البت ولك صدك جايبلها حبوب وموت الطفل بطنها ولك ليش هيج ياخاله
حقها لو هجك منك ولك رجال راح تدخل ل 40 تكتل ابنك بيدك ولك بنيه مثل الورد متحملتك وحبلتلك مو المفروض تبوس اديك وتشكر ربك على النعمه ولك هاي روح اشلون تكتلها
شوف الله حرمك من امك لان كتلت روح بعدها مشافت الدنيا
ولك ليش هيج ياخاله مو شلعت گلبي عوف ماضيك يايمه وانتبه على مريتك
هسه يشوفونها اهلها مفشخه ومكسره منو يردها الك
حمزه :خاله شنو راحت لأهلها اشون تعوفوها تروح
ام علي :ولك رحت لسوك واجيت كلتلي سلوى افراح راحت
حمزه :خويه ام رضا منو اخذها اشون راحت وهي حتى غراضها بالبيت
سلوى :خويه كتبتلك رساله وكالت انطيها لحمزه وطلبت مني فلوس كروه حتى تروح لأهلها
حمزه :خويه اشلون تنطيها صدك جذب هاي وين تعرف ادبرها وبعدين ماتحجي منو كلج ميجي ابن حرام يخطفها يسويلها شي
سلوى انطيتها رقم بيتنه گتلها اوصلي من جوارينكم اذا وصلتي حتى نطمن بس شو محد اتصل واني خايفه عليها لان حامل و وضعها تعبان
حمزه :دخيلك ياربي شنو اسوي منين اجتني هالبلوه هاي
ام علي :اصبر يمه ان شاء الله ماكو شي
حمزه :شصبر خاله البنيه ماتعرف شي ومطالعه قبل اشلون اصبر
مرتي طلعت لوحدها لأهلها اشون اصبر هسه ابوها شيكول عليه يكول تيه عرضي واني امنتك عليها
ام علي :كله منك انت الخوفت البت وشلعت گلبها
حمزه: خاله فدوه البيه مكفيني
خويه سلوى انطيني الرساله العندج
سلوى :اي خويه
حمزه :انطتني سلوى الرساله فتحتها
.................................
افراح :تغدينه ومر اليوم عادي اهلي محاجوني بالموضوع لان المكتوب مبين من عنوانه انو حمزه ضربني واجيت زعلانه بس ميدرون البلاوي الثانيه الي ضامتها بگلبي
قررت مااكول اي شي بيني وبين حمزه لان هاي حياتنه وخصوصياتنه
وجيتي لأهلي بس علمود احافظ على ابني مااريد اخسره مثل اخو
ثاني يوم كعدت تريكت ورحت يم امي كلت خلي اكلها اني حامل
ام اكرم :هله بفروحه تعاي بعد گلبي
افراح :رحت حضنتها بعدين لزمت ايدها وخليتها على بطني
ام اكرم بفرح :ولج فروحه حامل
افراح بابتسامه :اي
ام اكرم :الف مبروك يابعد گلبي تفرحين بي ان شاء الله
يمه فروحه راح اصيرين ام الحمد الله الي خلاني اشوف هذا اليوم
افراح: فرحت امي كولش ومخلت احد مكلتله وفرحولي كلهم بس اكو غصه بگلبي لان حمزه مايريده
بعدين اذكرت اني ماخابرت على بيت خالتي ام علي وطمنتهم اني وصلت والله فشله
رحت دزيت اطياف لبيت ابو محمد وكتبتلها الرقم وكتبتلها شتكلهم اذا ردو عليها
راحت بعد فتره رجعت كالت رد عليه رجال
گتله افراح وصلت من البارحه وهي زينه
افراح: عرفته علي الرد
هسه يكلهم
بعدين مر اليوم عادي ثاني يوم الصبح
قبل ليطلع ابويه لدوام
ندك الباب راح ابويه فتحه تباوعت من شباك المطبخ
شفت......

يتبع.........

قراءه ممتعه ارجو التفاعل والمتابعه للحساب والتصويت ❤️
الكاتبه :تولا العسكري