الضابط المستبد والخرساء

البارت السادس عشر

جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيرت وبروحي ما خليت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه
ما عندك قصد كل قصدك تغثني
مو صوجك ابد لا بيه كل الصوج
قلبي بهل المواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثلي يصير
واذا واحد يصح لك مثلي عاتبني

تولا العسكري

افراح: بعد مطلع حمزه وكملت شغل البيت كعدت بغرفة خالتي يمها ارتب بملابسها واتباوع على التلفزيون
شويه وندك الباب
خفت افتح الباب كلت خاف يموتني حمزه اذا فتحت الباب
ضل يندك الباب وعمتي تتباوعلي
تأشرلي افتح الباب
كتلها خاله حمزه ميقبل
ضليت 5 دقايق ونفتح باب البيت
دخل حمزه ودخل بعده ابوي وامي واخواتي التوأم ايلاف واطياف
اني كمت على حيلي ومن كد الفرحه ركضت مثل المخبله
رحت حضنت ابوي وضليت ابجي بحضنه ماادري ابجي بسبب الي سواه وياي حمزه ماادري بسبب اشتياقي الهم
ابو اكرم :هله ببنيتي هله راحة بالي اشلونج بابا ان شاء الله مرتاحه
افراح :بالاشاره الحمد الله
ركضت حضنت امي واخواتي
ام اكرم :شلونج يبعد گلبي ليش يمه وجهج اصفر وذبلانه
افراح وهي تتباوع لحمزه :بالاشاره ماكو شي اني زينه
حمزه: تفضلو عمي البيت بيتكم تفضلو
ابو اكرم :زاد فضلك وليدي
افراح: حمزه دخل ابوي للاستقبال الخارجي وامي وخواتي دخلن وياي للبيت
راحت امي سلمت على خالتي ام حمزه
وكعدت يمها واني اخذت البنات وياي للمطبخ
انطيتهن حلويات يا الله شكد مشتاقتلهن اني ربيتهن بيدي
رحت دزيت عصير لبابا وحمزه دخلت لكيتهم يسولفون
قدمت ل ابوي
ابو اكرم :تسلم ايدج فروحه بابا
افراح بأبتسامه :☺️
بعدين انطيت حمزه :اشو حمزه يخوزر بيه
كلت بداخلي شبي شنو سويت حتى هيج مراضي عليه
كلت خاف ميريد اهلي يجوني
بعدين طلعت اخذت لأمي وخالتي ام حمزه ضيافه وكعدت
ضلت امي تسألني شنو اخباري وليش هيج ضعفانه دخلتني تحقيق
واني كله زينه ومابيه شي
ماردت احجي اسراري اني وحمزه حتى لو جانت امي
هو هيج وحمزه مراويني الويل انوب اشكي منه غير يموتني
بعدين نومت خالتي ام حمزه وطلعنه اني وامي
صعدتهن لغرفتي
وضلينه نسولف
شويه وامي عاطت
ام اكرم :ولج افراح المن هذا العلاج
افراح بأرتباك :لخالتي جاباه حمزه ونسيته منزلته
ام اكرم بعدم اقتناع :هاا
افراح :اي
بعدين صارت صلاة الضهر رادو اهلي يروحون مقبل حمزه الا تبقون للغدا مقبلو كالهم حمزه ازعل عليكم وبعد حتى افراح امنعها من الجيه الكم
بالكوه يله بقو ع الغدا
جهزت الغدا الهم وفرشت السفره وكعدو يتغدون
اني اخذت صينيه ورحت اغدي خالتي ام حمزه
لان خطيه نشغلت وتأخرت بغداها
ابو اكرم وحمزه:افراح تعاي تغدي
افراح :بالاشاره اكلو انتم الف عافيه
اني راح اغدي خالتي واجي
ابو اكرم :اي بابا بارك الله بيج ديري بالج على خالتج ولاتقصرين عليها بشي اعتبريها امج
افراح باأبتسامه :اي
رحت غديت خالتي وانطيتها العلاج وتمددت نامت
رجعت كعدت وياهم على السفره واكلت شويه وبعدين الكل كامو رحت حضرت الجاي
ولميت السفره
صبيتلهم الجاي
وغسلت المواعين ونظفت المطبخ
ورحت كعدت يمهم شويه وبعدين ترخصو اهلي وطلعو
ابو اكرم :بابا حمزه مرو علينه انت وفروحه مشتاقيلها واخوانها وخواتها يردون يشوفونها
حمزه: صار عمي كم يوم واجيبها بس هاا ماتكدر تبات يمكم تدري امي ماالها احد
ابو اكرم :اي ميخالف جيبها الصبح وارجعو بالليل
حمزه: ان شاء الله عمي
افراح :راحو اهلي رحت لغرفتي اريد اسبح
جاي اطلع ملابس شويه ودخل حمزه
وجهزه مغيم معصب
حمزه: هاا شنو حجيتي لأمج كتيلها حمزه ضربني وسويت عملية كبد
احجي ليش امج توصي بيج وتكلي افراح جنها مريضه اكيد كتيلها
افراح بالاشاره :لا محجيت شي والله
حمزه: اذا ادري بيج حاجيه محد يخلصج مني
اذا نرجع للحقيقه انتي الغلطانه
افراح بحزن والعيون مليانه دموع :اي صار
طلعت ركض للحمام سديت الباب
وكعدت ابجي من كل گلبي ليش هيج يصرف وياي واني مااتجرأ اخالفه بأي شي واكول مي خالف زوجي ومصار هواي من ازوجنه ليش ياربي ليش والله ماسويت شي
معقوله اخذ عليه نقطه سوده من شاف ابن الجوارين يتباوعلي
الله اكبر ساعة السوده الي غسلت الطارمه بيها
المشكله هو هاي ثاني مره يشوفني بهذا المنضر
ليش ياربي والله مالي قصد بيها
(الي ناسي تذكرو من راح خالد وحمزه لبيت اهل افراح حتى يخطبونها من فتحت اختها الباب وافراح جانت تغسل ورافعه ملابسها هي هاي المره الاولى والمره الثانيه تعرفوها من شافها ابن الجوارين )
،،،،
حمزه :بعد مرجعت افراح للبيت وصار كل الصار حجته افراح
كعدت الصبح ضليت اتباوع على افراح وهي نايمه
شكد بريئه مااجاوز عمرها 17
ووجها على الرغم من الحزن بداخلها مايوم ضاجت بوجها دائما من تشوفني تبتسم بوجهي
احس گلبي يوجعني من اذكر رفضها ماتريد تروح وياي للغرفه الخلفيه
واني احجي بداخلي وادخن شويه وفتحت عيونها
كتلها صباح الخير
يله اكعدي اسبحي خلي نتريك وروحي شوفي امي
كعدت وهي مبينه حزنانه
بعدين نزلت اتريك بالمطبخ
لكيتها خلت الريوك ورادت تروح سحبتها وكعدتها يمي تتريك ادري بيها ضايجه جبرتها تاكل وضليت اشاقي بيها
بعدين وصيتها على امي وعلى نفسها ادري بيها اضل تشتغل وهي عدها عمليه
بعدين طلعت رحت لخالد جان عدنه شغل
طبعا اني وخالد شراكه بمعارض سيارات
وجايه سيارات جديده ولازم نچيك السيارات ونسجلهن ونوقع
رحت بس وقعت ورجعت
وصلت للبيت شفت اهل افراح واكفين بالباب نزلت سلمت عليهم
كلي ابو اكرم انو همه صار ساعه يدكون بالباب ومحد فتح
افراح وين
كتلهم اني منبه عليها متفتح الباب الا اني افتحه
دخلتهم مااشوف الا افراح اجت حضنت ابوها وسلمت على امها واخواتها
بعدين دخلناهم واجت افراح انطت ابوها العصير
واجت انطتني ضليت اخز بيها كلت بلكي تحسب حساب ومجيب طاري الصار ل امها
خافت وراحت
شويه ورادو اهلها يروحون مخليتهم يطلعون
وتغدو وبعدين راحو وكالو جيب افراح كتلهم ان شاء الله
امها احس بلسانها حجي كالت خاله افراح شبيها مريضه شو مو مثل قبل ذبلانه
كتلها لا خاله مابيها اي شي لاتخافين عليها
بعدين سكتت بس احسها مامقتنعه
ركبو سيارتهم وراحو
اني بسرعه صعدت لأفراح اشوف بشنو چفصت
لكيتها تريد تسبح
عطت بيها كتلها شكلتي لاأمج
هي كالت مكلت شي والله ومبين عليها الخوف مني
كتلها الغلط
رأسا نزلت دموعها
وراحت تركض للحمام
استغفر الله شبيه وي هالبنيه هي شمسويتلي
بس ماادري شنو الي يخليني استمتع بضعفها كدامي واحس بنفسي طاير من اشوف خوفها مني
،،،،
افراح :رحت للحمام بجيت لمن مليت على حضي
بعدين مسحت دموعي وكمت سبحت وطلعت رحت للغرفه
لكيته بس بالشورت متمدد
انتبهلي اني رحت على المرايه امشط بشعري
شويه وحسيته وراي
ارتبكت واصلا اني ضايجه وزعلانه منه منطيته اي ردة فعل
ضل يبوس بعدين ضل يحجي بأذني
حمزه: راح اطلع اتأخر شويه حضري نفسج من اجي اخذج للغرفه الخلفيه مشتاقلج
افراح بخوف :لا لا
حمزه وهو يلزم ايدها ويعصرها بقوه :اششششش مااريد جدال
واجبج اطيعين زوجج وتنطينه حقه
افراح :هنا وتأشر على الجربايه
حمزه :كم مره كتلج مااريد هنا احسبي حسابج شكو علاقه تصير بيناتنه
بالفراش اريدها هناك بهذيج الغرفه وبشرط تكون مثل مااريد
افراح :هزيت راسي ب اي لان الجدال وياه عقيم واني مااكدر اداهره لان مااكدر احجي بس والله مقهوره شنو ذنبي تكون علاقته .رغبته بهذيج الغرفه القذره
رجعت من تفكيري على حمزه يبوس بيه وبعدين اخذ ملابسه وراح يسبح اني نزلت يم خالتي
غيرت ملابسها وغسلتها وخليتها بكرسيها وطلعتها بالصاله
شويه ونزل حمزه باس امه وباسني وطلع
الدنيا صارت عصر رحت سويت عشا الي ولخالتي لان حمزه يتعشى بره
بعدين كعدت يم خالتي
شويه واذن المغرب رحت توضيت وصليت
ونزلت خليت عشا الي ولخالتي تعشينه وشربتها علاجها ورحت نومتها واني صعدت لغرفتي بدلت ملابسي لبست سيت نوم قصير لون ماروني هو مثل البدله القصيره بس هذا قصير كولش
خليت بس كحله وحمره
خليت عطر وفتحت شعري ورحت اخذت علاجي
ضليت كاعده عود انتضر حمزه كلت خاف بس يلكاني نايمه يموتني لان هو وصاني قبل ليروح
انتضرت شويه اشو العلاج سطرني سطر يدوخ
تمددت مكدرت افتح عيوني لمن غفيت
محسيت الا على حمزه وهو يمي بس بالشورت
كوه افتح عيوني من النعاس
دنك عليه حمزه كال مو كتلج تنتضريني
اشرتله نعسانه
حسيت عليه خله اديه جواي وشالني
اشرتله ينزلني
ماكو ولا اهتملي فتح الباب واخذاني للغرفه الخلفيه
واني كارهه نفسي
خلاني على الفراش ونزعني
وربط اديه بالحبل محسيت الا على راشدي نزيت فتحت عيوني
حمزه: شبيج نايمه اصحي
افراح :ضليت ابجي
وهو ولا يهمه سوه بيه الي يريده حسيت نفسي حيوانه
جواه وهو يهذي بكلام ماعرف شنو
كلمااريد اوخره برجليه يضربني
حمزه دمر نفسيتي ضليت اعاني وياه لمن كمل و وخر عني
جسمي يوجعني مابيه اي طاقه اتحرك كام لبس الشورت واجه شالني للغرفه اخذ ملابس الي واله واخذاني للحمام سبحني واني ابجي
محسيت الا عاط بيه اسكتي شبيج اكو مره تبجي لان زوجها تقربلها
افراح بخوف :لا
حمزه :يله اسكتي تتعودين
خلي نسبح
سبحنا ولبست ملابسي وهو لبس وطلعني للغرفه
نمت وهو نام وحضني وبعد محسيت الا وحمزه كاعد يصلي كعدت رحت توضيت وصليت يمه
خلصنه صلاه ورجعنا نمنه لصبح
،،،،
مر شهرين والوضع مثل ماهو
بس حمزه اخذني مره لأهلي الصبح ورجعنه العصر
ضليت اضم بحزني بگلبي
منا لمن مره كعدت الصبح حمزه اليوم الخفر مالته تريك وطلع
اني رتبت كل شي لخالتي ونضفت البيت بعدين اجت خالتي ام علي وسلوى
كعدنه شويه
واني كاعده يمهن محسيت الا الدنيا تفتر بيه وجسمي و وجهي عركان
ولما عيب منهن جان تقيئ يمهن
شفايفي صارن بيض ووجهي اصفر
انتبهت عليه سلوى
سلوى :شبيج فروحه
افراح:....
ام علي :يمه وجهج اصفر وعركه تاخذج وعركه اجيبج (يعني دايخه ومحتره 😄)
سلوى :فروحه خاف حامل
ام علي :يااا الله يسمع منج
افراح :من سمعت سلوى تكول حامل طرت من الفرح
شويه وكالت خالتي ام علي لسلوى
ام علي :يمه سلوى اخذيها لدكتوره حللن
سلوى: اي خاله يله فروحه روحي بدلي
افراح: بالاشاره :لالا حمزه مايقبل
ام علي :مالج غرض اني اكله اني جبرتها تروح يله روحي بدلي
افراح :رحت بدلت ونزلت ورحنا اني وسلوى لدكتوره
فحصتني وكلتلي شكد صار مجتج الشهريه اشرتلها على موعدها شهر
كالت روحي سوي تحليل
رحنا اني وسلوى سوينه تحليل سحبو دم وضلينه ساعه يله طلع التحليل
رجعنه لدكتوره تباوعت بالتحليل وكالت مبروك ماما انتي حامل بس بعده صغير حتى نبض مبي بعد شهر راجعيني اشوف وضعه وهاي علاج استمري عليه
سلوى: الف مبروك فروحه يتربه بعزكم
افراح بفرح وابتسامه :حضنت سلوى
افراح :من كلتلي الدكتوره حامل طرت من الفرح يعني راح اصير ام
الله يحفظه الي
اكيد حمزه بس اكله يفرح
رجعنه للبيت وبشرنه خالتي ام علي وخالتي ام حمزه وجها يضحك فرحانه
لان راح يجيها حفيد من ابنها الوحيد
ام علي :يمه فروحه الف مبروك ديري بالج على بنيج لاتشيلين ثكل
وحمزه لاتخلينه يتكربلج هواي اول اشهر موزين على الطفل خاله
افراح بأبتسامه :اي
بعدين راحن ام علي وسلوى
عطلتهن على الغدا مقبلن
رحت بدلت ونزلت خليت غدا الي ولخالتي
واخذنا العلاج
مر اليوم بس اني وخالتي
ثاني يوم الصبح كعدت صليت ونظفت وغسلت ملابس وسويت ريوك
ريكت خالتي وبدلتلها
شويه واجه حمزه بتسمت بوجهه بفرح
حمزه بأبتسامه :صباح العافيه
شلونج
افراح :الحمد الله
راح سلم على خالتي
ورجع
كعدنه تريكنه اني وياه
بعدين صعد سبح ونام
شويه واجت خالتي ام علي
سلمت ودخلت يم خالتي ام حمزه
سويت غدا وكتلها خاله متروحين الا تتغدين
هي مكالت شي
ام علي: اي يمه بعد گلبي اتغده عدكم بس لاتزعلين
افراح ابتسمت
شويه ونزل حمزه سلم على خالته
حمزه :شلونج يالغاليه
ام علي :هله بيك يبعد گلبي اشلونك انت
حمزه :الحمد الله بخير
ام علي :بالمبارك يمه يتربى بعزك الوليد ان شاء الله
حمزه :شنوووو خاله ياوليد

تولا العسكري