يآ رآحتي وريحة هلي و يالمايشبهك أحد ، مرآت آحيرن من صدگ ليش إني احبكَ هالگد💍🧿 افراح :بعد مرحت لبيت خالتي ام علي وفاتحت سلوى وإيثار بموضوع الخطوبه لعمي عماد بالنسبه ل إيثار كانت فرحانه احس من عيونها تكول اجاني الفرج وفعلا نفس مفكرت اني سلوى كانت تفكر بحيث من فتحت الموضوع سلوى ضاجت ومبين الحزن على وجها كلت معقوله متريدنا نخطبها ليش عمي مناقصه شي صح اكبر منها بهواي بس مامبين عليه لايكين على بعض هسه اني مو اخذت حمزه وعمري 16 وهو عمره 37 افراح: خير دادا ام رضا شو اشوفج ضجتي من طلبي شنو عمي بي شي يتعيب سلوى: لاام حسون والله عمج ذهب ووكل بنيه تتمنى تجيها قسمه مثله حتى اختي اتمناها اله بس يافروحه اني ادري بأختي فرحانه وموافقه اعرفها من قبل لااسألها وهو هذا الخايفه منه افراح :ليش خايفه اذا هي موافقه يعني انتي عاجبج محرومه من دراستها ويعاملونها بدون رحمه اهلج سلوى: مو اني خايفه خاف توافق علمود دراستها وعلمود تتخلص من اهلي وتالي مايتوالمون ونتفشل وياكم وانتو ناس خيره إيثار :لا والله ماراح اقصر وياه فدوه اروحلج لاتوكفين بقسمتي مراح اتندم والله وافرضي ماوافقت تره ابوي اوز واحد،يجيني ينطيني،حتى لو سكير حتى لو مجرم انتي الله لطف بيج واخذتي علي لان يحبج لو ماماخذج علي والله جان ذباج على واحد ردي بس الحمد الله سلوى: يابعد روحي ياداده اني ماواكفه بقسمتج بس انتي راح تفكرين بدراستج ومستقبلج وتهملين الرجال اكيد يجي يوم ويطگ گلبه ايثار: مراح يصير هيج والله هو مو دكتور جامعي اخلي يقدملي وياه وهو من يداوم اروح وياه بنفس الكليه مالته ومن ارجع وياه اكيد ماكو تقصير ولاتخافين على امه وابوه والله مااخليهم يحتاجون ابسط شي انتي تدرين بيه وبنفسيتي سلوى: ماشي دادا الله يتمملج على خير ويفرح كلبج وتنسعدين وتسعدين ابن الناس وياج ايثار :ان شاء الله افراح بأبتسامه :هااا هسه شنو نكول مبروك سلوى: اي خيه ان شاء الله خير بس خل علي يروح لبوي وخواني يفاتحهم بالموضوع افراح :ان شاء الله خير من يرجع منهم رجعولي الجواب حتى نحدد يوم الخطبه سلوى: ان شاء الله خيه ام علي :بالمبارك يمه ايثار الله يهنيكم ايثار: الله يبارك بيج عمه بس تتوقعين ابوي يقبل ام علي :يااا جاا ليش مايقبل عماد زلمه تتمناه كل النساوين ماعليج انه اروح وي علي العصر ونقنعه افراح :ان شاء الله يقتنع يله يحبيبات اني اروح هم يله سلوى :لاوالله متروحون شنو السالفه اكو واحد يطلع وكت الغدا ام علي :اي مايستحون جاين لبيت غريب شنو مطرودين افراح: هههه لا والله اني ماعندي اعتراض نتغده هنا حتى اشبع شوف من مرت عمي ايثار:بخجل: تسلمين ام حسين سلوى: اي خيه انتن راح تصيرن كرابه واني محد بحالي افراح: ههههه انتي الخير والبركه ام رضاوي خاله كلي لحمزه خل نبقى هنا خاف مايقبل ام علي :مالج غرض مو بكيفه يروح افراح :وفعلا بقينه على الغدا وتغدينه جانو مسوين سمج واشكال وياه وكمنا رحت رضعت الجهال وساعدتهن هنه غسلن المواعين ونضفن المطبخ واني سويت جاي واخذت الصينيه بيها القوري والشكر والاستكاين وصبيتلهم كاعدين نسولف ودخلت سلوى ونسمعها تقنع ب ايثار تدخل عرفتها تستحي من حمزه فحمزه سبقني وصاحلها حمزه: تعاي عمو ليش مستحيه محد غريب بعد كم يوم تصيرين من انسابتي فوتي اني مثل عمج لاتستحين افراح: شويه ودخلت ايثار سلمت على حمزه وهو سلم عليها وكله يكلها عمو مايريد يخجلها وفعلا حمزه اي بنيه بعدها بكدي يكلها عمو والجبيره يكلها خويه شويه ورجعنا اني وحمزه مر يوم عادي ثاني يوم الصبح اجت خالتي ام علي حمزه جان بالدوام طلع الصبح ام علي: هله يمه شلونج الفريخات شلونهم افراح: الحمد الله خاله كلنا بخير انتم شلونكم ام علي بخير وعافيه يمه جاا حمزه وين افراح :راح لدوام خاله ام علي: الله يكون بعونه ويحفظه افراح: اللهم امين خاله شنو رحتو لبيت اهل سلوى علمود سالفة عمي ام علي :اي يمه رحنا وفلك فلكه هالرجال هذا شيطان هو او ولده هسه نكول ولده تحش بروسهم النسوان انت شمالك يأبوها هاي بنتك انت شعندك غير هالثنين هذني افراح: ياا شنو ماوافق ام علي :لاجاا هي بكيفه مايوافق كوه عليه ضغط عليه علي كلش يله وافق بس هذوله اخوتها برد حيلهم تكولين عدوين الها مو جنها اختهم ربتلهم جهالهم ومداريتهم بس يخاله لو تشوفين نسوانهم تخبلن من درن بعمج دكتور ويريدها تكمل كليه فارت ارواحن من الحركه افراح: الله يكفينا شرهن ان شاء الله تمر الخطوبه على خير وبس يعقدون بعد شحده الي يضرها عمي يلعب بي لعب ام علي :الله يسعدهم يمه ويفرحهم بالخلفه الصالحه افراح :اللهم امين خاله يعني هسه ارجع خبر لبيت جدي يحددون يوم الخطبه ام علي: اي يمه خل يحددون يوم وكليلي حتى نكل لهل العروس افراح: ان شاء الله هسه اخابرهم انتي اليوم هنا تبقين يمي مسويه شلون دولمه وماكو اعتراض هسه يجي حمزه ب1ونتغده ام علي :هاا جاا دولمه ويم العزاز بعد اشلون ارفض افراح: هههه بعد كلبي خاله ام علي: وين حسون ولج شو ماهو اخذو مكانه هذوله المسربتين افراح: هههه نايم خاله كاعد وي ابوه بصلاة الفجر وهي صارت ب 10 داخ ونام ام علي :نوم العافيه خلي متعلم على ابوه انطيني نرجوسه خل اشوفها افراح: صار وهاي الوكحه كله من حمزه راح يطلع عينها ام علي: هههه جاا شمالج تغارين هي البت دوم عزيزة ابوها افراح: هههه اي نهار كله بحضنه حسون واخوانه ماخذين رجلي مني حمزه: هذا منو الماخذينه منج هاا ام علي: ههههه هله يمه تعال شوف مرتك تكول جهالي ماخذين ابوهم مني حمزه :يابويه فروحه اطالب بحقها الي سلبوه منها اربع كائنات مشاغبه اي حقها يابه غير رجلها وتريده ولايهمج ام حسون ابو حسون اليوم كله الج افراح بخجل :حمزه شنو هاي عيب من خالتي حمزه: شمسوي اني مسكين غير انتي تشكين وتبجين اريد رجلي اريد رجلي افراح: يع ولاتستحي خل اروح اصب الغدا حمزه: ههههه اشردي اشردي ام علي :الله يحفظكم يمه ويريح بالك انت ومرتك وفريخاتك حمزه: بعد كلبي يالحنينه بوجودج اكون مرتاح ام علي :ياروح خالتك ابني العزيز افراح: صبيت الغدا وكعدنه ناكل كلنا شويه واحس جسمي عرك وضل يصب ماي ضلت عرگه تاخذني وعرگه اجيبني شفايفي صارن بيض او وجهي اصفر شويه وانتبه عليه حمزه حمزه: شبيج يروحي شبي وجهج اصفر هاا افراح:بس اشرتله يعني مابيه شي حمزه: شلون مابيج شي جاا شبيج صرتي صفره هاج هذا عصير اشربي اكيد تعبانه من الفره بالبيت والجهال تعبوج تركضين من واحد لواحد افراح :حمزه مابيه شي تغده ام علي :خاله ياغده صار ساعه ناكل وانتي ولا لكمه كومي خل ناخذج لطبيب افراح: لا مابيه شي شويه وارتاح هسه اكوم اغسل وارجع حمزه :تعاي اني اكومج افراح :كوماني حمزه واخذني للمغسله غسل وجهي حسيت بدوخه قويه لزمت ايده حيل حمزه: تكول مابيه شي تعاي تعاي خل اجيبلج عبايتج خل نروح لدكتوره شوفي حالج كوه تمشين افراح: حمزه مايتناقش بالمرض اذا كال طبيب يعني طبيب حتى لو شي بسيط جابلي عبايتي وحجابي لبستهن بعدين اخذنه الجهال ل سلوى واحنه رحنا لطبيب اني وخالتي ام علي وصدك كشفت عليه الدكتوره وكالت سوي تحاليل رحنا سويناهن وجبناهن الها الدكتوره: ماما ليش هامله نفسج معقوله انتي اطفالج عمرهم 6اشهر وترضعينهم من صدرج لو كان واحد بيها وجهة نضر راوسي بين صدرج والحليب وانتي حتى اكلج مامنتبهتله شوفي مشكل عندج فقر دم حاد لازم اكل تاكلين وهاي ابر هي مقويات وهاي ابر مثبتات هاي عندي بالتحليل اكو حمل الطفل وضعه تعبان شدعوه ماما المن حبلتي ارتاحي شويه مو توج جبتي 3 وبعمليه مو زين عليج ام علي: يمه جاا هي شبيدها زلمتها يريد خلفه الدكتوره: اي بس خطيه بعدها عمرها صغير وجايبه 4 واخد فوك الخ خل ترتاح سنتين تلاثه شنو طايره الخلفه كولشي بيد الله ام علي: الله كريم يمه الدكتوره: هاي الابر مهمه الج ولجنين من تخلص اشتري غيرها منا لم ادخلين بالرابع هسه انتي الج شهرين افراح: ان شاء الله من كلتلي الدكتوره حامل ضجت اشلون بيه والجهال بعدهم صغار واني تعبت وجسمي ضعيف دخيلك ياربي ساعدني طلعنه اني وخالتي لاكانه حمزه ام علي :يمه مريتك تعبانه وعدها فقر دم حاد والدكتوره تكول حامل الها شهرين حمزه بفرح: صدك خاله حامل والله افراح: اي حامل خو اني شنو يصير بيه مايهمك اهم شي جهالك واني جسمي تعبان من الحباله والجياب حتى ماسألتني شلونج ماتحملت وضليت ابجي حمزه: لاتبجين ياروح حمزه هو اني شعندي غيرج والله الدنيا ارتاحيتلها من اخذتج وعد ياروح روحي مراح اخليج تحبلين بس هذا وكافي منا لمن ترتاحين 3سنوات 4 بكيفج يله كومي يبعد بيتي ام علي :مر جيبلها العلاج يمه حمزه: صار خاله افراح :راح حمزه جاب العلاج بعدين مر جابلي عصير زبيب ومعلاك ورجعنا للبيت لكينه الباب مفتوح تفاجأءنا ،،دخلنا للبيت ولكينه
صور شبيهه لعماد وإيثار هذا عماد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهاي إيثار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
