نكمل
فى أوضة العمليات الدكتور بيحاول ينعش قلب همس وبرا اوضة العمليات اسر قاعد فى الارض بيلمس السلسلة
اسر لنفسه:يا ترى انتى ليكي علاقة بيها ولا لأ حتى لو مكنتيش هي بس استحملى وفوقى ارجوكى .....
وكمل وهو رافع ايديه للسما :يارب ارجوك خليها تقوم اللهم لا اله الا انت سبحانك اني كنت من الظالمين يارب خليها تفوق ارجوك
وفى اوضة تانية كانت اسيا نايمة والدكتور بيحاول ينعش قلبها وأسد واقف بعيد شوية بيردد بهدوء:يارب يارب ملناش غيرك يارب
عند المجهول
كان جنب البنت بيضغط على قلبها بايديه
المجهول بدموع:يلا فوقى يلا فوقى ارجوكى فوقى
وفجأة وقف ورفع ايديه للسما
المجهول بصوت عالى ورجاء ودموعه بتنزل:يارب ارجوك بلاش دى ارجوك يارب
فى عالم بعيد
البنت:كفاية كدا لازم ترجعوا
همس:نرجع فين وليه انتى مش قولتى هنفضل هنا
البنت :ترجعوا فين هترجعوا عالم البشر اما ليه فعلشان فى ناس مستنياكم بس متنسونيش دوروا عليا انتوا دوايا هفضل مستنياكم
همس وآسيا :حاضر متقلقيش
وكلهم غمضوا عنيهم
فى اوضة العمليات رجع قلب همس ينبض
الدكتورة بتنهيدة:الحمد لله برافو عليكي افضلى متمسكة بالحياة
عند اسيا بردو قلبها رجع ينبض اما الدكتور اللى كان بينعشها قعد فى الارض براحة لانه بقاله فترة طويلة بيحاول معاها وقلبها واقف اما اسد اول ما سمع صوت جهاز القلب سحب نفس طويل وابتسم براحة وبعدها بدقيقة استوعب أنه بيبتسم هو تقريبا بقاله ٢٠سنة مبيضحكش غير مع اسر ودا فى حالة أن اسر تعبان أو زعلان استغرب من نفسه بس رجع ملامح الجمود تانى لوشه
عند المجهول سمع صوت جهاز الانذار وقف وجهاز النبض اشتغل قام بسرعه واتاكد أن البنت بتتنفس وقلبها بينبض واول ما اتاكد ابتسم جامد وسجد لربنا وفضله يشكره واول ما قام لقى البنت حاوطت نفسها بايديها تانى زى الاطفال
المجهول بحزن وفرحة فى نفس الوقت:رجعتى تانى....مش مهم المهم انك عايشة الحمد لله بس متقلقيش خلاص الوقت قرب هنتقملك وكمان هتقابليهم
وخرج برا وراح اوضة بعيدة شوية ومسك القناع بتاعه لقاه متقطع جامد فتح درج بس كان بيفتح بصعوبة وشكله بقاله كتير متفتحش وجوا الدرج اقنعه كتيرة بأشكال مختلفة بص للأقنعة دى ورجع تانى يبص للقناع بتاعه كان هياخد ماسك منهم بس أتراجع وقفل الدرج وقام جاب ادوات وقعد يصلح فى الماسك بتاعه واول ما خلص راح لاوضة البنت تانى وقعد على كرسي جنب سريرها
المجهول: ازيك ؟ عارف انك مش هتردى دلوقتى بس هفضل مستنيكى لحد ما تفوقى وتردى عليا بس انا متأكد ان الوقت دا قرب خلاص انا قربت اوصل وقررت انهى كل حاجه علشان لما تفوقى نبعد ونروح مكان نعرف نعيش فيه بحرية وقام طلع سلسلة من جيبه عبارة عن تلت حروف a h k بس حرفh كان بلون بنفسجى فاتح وقرب من البنت ولبسها السلسلة
المجهول: عارف انها مش بتاعتك بس يمكن تخليكى تحسي بأمان شوية وصدقينى قريب اوى هخليكوا تتقابلوا بس اخلص من المشاكل اللى حواليا انا وهما كمان تصبحى على خير
وخرج من الاوضة
فى المستشفى اسد راح لاسر اللى كان قاعد قدام اوضة العمليات بتاعت همس
اسر اول ما شافه قام راح ناحيته
اسر: انا عايز افهم ايه اللى حصل ومين الناس دول وازاى دا يحصل فى الفيلا بتاعتك
اسد : مش عارف بس اكيد هعرف انا شاكك فى اريا لان دا حصل بعد ما عرفت عن مكان الفيلا وانها بتاعتى محدش يعرف عن الفيلا دى غيرى انا وانت ومامت همس اللى فى اوضة العمليات واساسا معرفتش عن الفيلا غير من ساعتين وزياد ودا انا متأكد انه اكيد ملوش علاقة وهمس واسيا اللى حالتهم اسوء من بعض يبقى هى اريا
قاطعه اسر : دقيقة كدا مالها اسيا مش كانت كويسة
اسد :قلبها وقف من شوية
اسر : ليه هي اتصابت؟
اسر : لا خالص انا مفهمتش ايه اللى حصلها
اسر: تمام نبقى نسأل الدكتور بس انت نسيت الدكتورة قسم واللى نضفوا اوض الفيلا هما كمان عرفوا عن الفيلا وعن انها بتاعتك
اسد: قسم ملهاش فايدة فى كل دا وبعدين هى اجبن من كدا انت مشفتش شكلها قدام همس اما اللى نضفوا دول تبعى ومتأكد منهم صدقنى هى اريا
اسر: طب تعالى نروح نشوفها بتهبب ايه
وراحوا هما الاتنين يدوروا عليها وفى الاخر لقوها قدام اوضة العمليات اللى فيها كاميليا
اسر بصدمة: ايه دا اريا هانم قاعدة على الارض وبعدين مالها مبلمة كدا ليه
(منظر اريا كان كالآتى :قاعدة على الارض ماسكة السوار اللى كاميليا ادتهولها وايديها الاتنين كلهم دم ( الدم اللى كان نازل من دماغ كاميليا وكمان الشخص اللى حاول يقتل اسيا وهيا ضربته ) ونظرها كان ثابت على ايديها من غير ولا حرف هادية بطريقة غريبة كانها فى عالم تانى )
اسد: شكل فيها حاجه غلط انا لما دخلت الفيلا كانت شايلة مامت همس وبتسندها علشان متقعش من على السلم بس بردو كانت بالشكل دا ولما كنا فى العربية كانت كدا بردو وكانت بتعيط كمان
اسر : غريبة
وراحوا هما الاتنين ناحيتها
اسد : اريا
لا رد
فنزل لمستواها وحركها شوية واخيرا حركت عينها وبصتله
اسد: فى ايه يا اريا مالك وايه اللى حصل فى الفيلا
اريا وهى بتترعش كأن فى حد بيلاحقها وبكلام متقطع : دم انا مقتلتش لا انا قتلت بس مكنش قصدى هو اسيا كان بيحاول بس انا معرفتش اعمل ايه هو جه وحاول يمنعهم ومامت همس وقعت ودم اصل هو كان هيضربنى بس هيا بعدته بس وقعت
وبدأت تعيط جامد وتشهق وهى بتتكلم: هى قالتلى بنتى قالتلى اميرة بس انا سبتها انا مقصدتش
اسر: هى بتقول ايه
اسد : معرفش
وبعدها وجه كلامه لاريا : خلاص اهدى انتى كويسة وهما كويسين قومى اغسلى ايديك وغيري لبسك من الدم دا
اريا حاولت تقوم بس مجرد ما وقفت وقعت فى الارض واغمى عليها واول ما الممرضات شافوها جابوا ترولى وودوها اوضة والدكتور راح يكشف عليها
واسد واسر وقفوا برا
اسر: غالبا كدا اريا تطلع من كل الحسابات دى
اسد بتنهيدة:انا مش فاهم ايه اللى جرالها كل اللى فهمته من كلامها انها كان هيحصلها حاجه بس مامت همس ساعدتها بس وقعت واتصابت
اسر :خلينا مستنين لما حد منهم يفوق ويفهمنا بس انا عايز اعرف مين اللى ضرب الاشخاص اللى كانوا فى الفيلا
اسد: انا كلمت زياد وخليته يروح الفيلا هو وشوية حرس يشوفوا ايه اللى هناك
اسر :هو في فى الفيلا كاميرات مراقبة صح؟
اسد: اه فى كاميرتين فى الدور اللى تحت والدور اللى فوق فيه حوالى اربع كاميرات بس فى الطرقة مش بتجيب الاوضة كاملة
اسر : تمام تعالى نروح نشوفهم وراحوا هما الاتنين الفيلا واول ما دخلوا لقوا زياد والحراس جوا
اسد: ايه اللى حصل ل الملثمين اللى كانوا هنا
زياد : اول ما وصلنا كانوا منتحرين
اسر : منتحرين ليه
زياد شاور انه ميعرفش
اسد: تعالى نشوف الكاميرات وانت كمان يا زياد تعالى معانا وطلعوا فيديوهات كاميرات المراقبة وقعدوا يشوفوها سوا
اول حاجه حصلت كانت عبارة عن طلقات كتيرة مرة واحدة والباب اللى بيطلع على الجنينة اتكسر كله من الطلقات وبعد شوية تلت اشخاص ملثمين دخلوا الفيلا واستمروا فى ضرب النار وبعدها طلعوا الدور اللى فوق
فنقلوا على فيديوهات الدور اللى فوق لقوا كاميليا رايحة لاوضة اريا وبيتكلموا وكاميليا بتدى لاريا علبة وبعدها كاميليا جريت ناحية اوضة همس واريا قفلت الباب دقيقتين بالضبط وفى حد كسر باب اريا ودخل جوا وبعديها كاميليا رجعت ودخلت الاوضة واللى خرج من الاوضة كانت اريا لوحدها وشافوها بعدها نزلت لتحت ودخلت المطبخ وسحبت سكينة وكانت هتخرج من الفيلا بس لفت وراها واترددت شوية وبعدها رجعت
اسر : ايه اللى رجعها
اسد شغل كاميرات الطابق اللى فوق لقى شخص بيكسر باب اسيا وبيدخل واسيا مش باينه اوى فى الكاميرا بس كانت على الارض والشخص دا بيقرب منها بس لقوا اريا داخلة الاوضة وفى ايديها السكينة
اسر : هيا هتعمل ايه ينهار دى ضربت الراجل علشان كدا كانت خايفة وايديها فيها دم
وبعدها لقوا همس خارجه من اوضتها ومعاهم شخص لابس قناع
اسد:جه منين دا
اسر : بس شكل همس عارفاه لانها مش خايفة منه وبعدين شافوا باقى الفيديوهات لحد ما دخلوا الفيلا وشافوا المجهول وهو بينط من الشباك وشافوا نفسهم وهما خارجين وبعدها الملثمين بيحاولوا يتحركوا كان فى تلت اشخاص واحد منهم متخد وواقع واتنين المجهول كان ضربهم ومغمى عليهم
وبعدها بشوية بدأوا يفوقوا وفاقوا كلهم بس مكنوش قادرين يتحركوا وكانوا بيتكلموا
اسر:بيقولوا ايه دول
زياد: الاول بيقول المهمة فشلت وانا مش قادر اتحرك
اسر بصله باستغراب
زياد وهو بيبصله : بعرف اقرأ الشفايف كويس
اسد :كمل يا زياد
زياد: حاضر بس رجع الفديو
اسد : حاضر
زياد : التانى بيقول مفيش فايدة خلاص اكيد الشرطة هتيجى كمان شوية الاول رد قال انا هغادر
وبعدها لقوا الشخص دا مسك مسدس كان جنبه وحطه على دماغه وغمض عنيه وقال حاجه بسرعه
اسد: قال ايه دا يا زياد
زياد : معلش رجع الفديو وبطئه شوية
اسد : تمام
وبدأ زياد يركز
زياد : قال ا ل و ل ا ء
اسد واسر كملوا فى نفس الوقت بصدمة : للابد
زياد: اه قال كدا
وبعدها الاتنين الباقين واحد فيهم قدر يقوم وجه يمشي بس رجع تانى وبص للشخص اللى فاضل ووجه المسدس ناحيته وقال حاجه وبعدها ضرب نار عليه
زياد :قال الولاء للابد هو ايه الولاء للابد دا
اسد بحدة: اسر لازم نروح المستشفى حالا وانت كمان يا زياد خلص الفيلا انهى كل الادلة واقفل كل حاجه فيها تماما ولو ينفع تولع فيها وتعالى لنا على المستشفى
وقام راح ناحية اوضة معينه ودخل لوحده كانت الاوضة اللى مليانة صور راح ناحية حيطة معينة وداس على زرار مخفى فكل الصور اتقلبت وظهر مكانها رسومات عادية
وخرج لاسر وراحوا هما الاتنين المستشفى
عند همس فاقت لقت ممرضتين واقفين قدامها بيتكلموا
الممرضة 1: انا مش فاهمة ايه اللى حصل دا المستشفى كلها اتقلبت علشان البرنسيسات دول
الممرضة2:حرام عليكى دى الدكتورة همس دى صعبانه عليا جدا مشفتيش مامتها شكلها كدا مش هتستحمل وهتروح للى خلقها
هنا همس اتصدمت من الكلام وحاولت تقوم والممرضتين حاولوا يمنعوها بس بدأت تصرخ بهستيرية وفضلت تزق فى الممرضتين وقامت خرجت برا وبدأت تمشي بسرعه تدور على كاميليا
عند كاميليا اتنقلت اوضة عادية بس كانت لسه نايمة وبتحلم
-فلاش باك-
فى فيلا كاميليا بتدخل اوضة وبتروح ناحية سرير وترفع الغطا اللى تحتيه كان تلت بنات صغيرين نايمين وحاضنين بعض
كاميليا: يلا يا بنات اصحوا علشان المدرسة وفضلت تحاول تصحيهم لحد ما قاموا
كاميليا : يلا البسوا لبس المدرسة ومتنسوش تغسلوا وشكوا وسنانكوا
البنات مع بعض: حاضر مامى
ونزلت كاميليا على صوت رن الفيلا فتحت الباب
كاميليا : ادخلوا يلا وتعالى يا سلمى ساعدينى احط الفطار وايناس بليز شوفى البنات جهزوا ولا لأ
سلمى بضحك :انا قلت البت دى متنفعش فى الجواز بالذمة فى اليوم اللى البنات بيناموا عندى بقولك اعملى حاجه
كاميليا : يا ستى انا فاشلة واعترف يلا بقى اه صحيح ازيك يا يوسف
يوسف : ازيك يا كاميليا امال فين جمال وشريف
كاميليا : نايمين على الكنبة جوا مكان ما سبتهم امبارح يدوب انت مشيت والاتنين ناموا فى مكانهم ومتحركوش سنتيمتر واحد من امبارح ادخل شوفهم
دخلوا كلهم لقوا جمال وشريف نايمين بطريقة مضحكة جدا
يوسف راح يصحيهم
يوسف : جمال شريف قوموا يا جدعان فى ايه
جمال قام وهو بيهلوس : 5000 لا 20000 للشركة القديمة حسابات الدقيق
يوسف : دقيق ايه بس قوم يا عم
شريف قام وهو بيبص ليوسف : انت جاي فى احلامى سيبنى بقى عايز انام هو شغل فى الحقيقة وفى الحلم
سلمى بضحك وهى بتحط الاكل: انت عملت فيهم ايه حرام عليك تجننهم كدا
يوسف : انا دا انا غلبان وبعدين دا انا مشيت من هنا روحت كملت باقى الشغل فى الفيلا وصحيت من بدرى جهزت وفوقت اهو
جمال وشريف قاموا وهما مش شايفين قدامهم
جمال : يعم حرام عليك دا انا يدوبك نمت تلت ساعات
يوسف : انا بقى نمت ساعه واحدة
شريف: انت واحد مدمن شغل انا مالى
جمال : كان يوم اسود يوم ما قولت نتشارك
يوسف : انت هتعمل زى القطط تاكل وتنكر دا الشركة مكاسبها اتضاعفت خمس مرات وبقت شركتنا اكبر شركة
جمال : وانا بقيت زى الزومبي انا كان معايا شركتى الصغننة وعايش فى حالى بنام 9 ساعات على الاقل انا مش بتاع فرهدة ياعم
يوسف : طب يلا يا اخويا علشان نروح الشركة قوموا اجهزوا
شريف: شركة مين يا حج لا مفيش شركة انهاردة سيبنى انام
يوسف: لا طبعا لازم نروح الشركة علشان المناقصة
رن الجرس فى الوقت دا وكاميليا راحت فتحت
كاميليا :ازيك يا ع
قاطعها عبد القادر بنظرة جامدة: ها ع ايه
كاميليا بضحك :ازيك يا بابا
عبد القادر: الحمد لله ازيك يا كاميليا امال فين القرود الصغيرين
كاميليا : ايناس راحت تساعدهم وهينزلوا دلوقتى
يوسف راح وباس ايد عبدالقادر
يوسف: ازيك يا عمى
عبد القادر: بت يا سلمى تعالى شوفى العيال دى قولتلهم ميت مرة انا اسمى بابا مش عمو
يوسف بود: هو انا اطول دا انت اغلى من ابويا
عبدالقادر ابتسم له بحنان وبعدها بص ناحية جمال وشريف
عبد القادر باستغراب: مالهم دول
يوسف وهو بيرفع ايديه علامة انه ميعرفش: اشتغلنا شوية امبارح بس فيصوا منى بدرى
عبدالقادر: اه قولتلى انت شوية كاميليا هو انتى مش خايفة على جوزك يا بنتى صدقينى يوسف هيجيب اجلهم هما الاتنين
كاميليا :ايوا يا يوسف خف عليهم شوية
ايناس: هما مش بيستحملوا كويس خف شوية
يوسف : انتوا هتتجمعوا عليا ماشي خلاص انا بعترف اهو انا غلطان ومفيش شركة انهاردة بس كاميليا معلش بقى الرحلة بتاعت هاواى هتتلغى لانها كانت المفروض بفلوس المنافصة وايناس المكتب اللى كان الباشا هيشتريهولك مع الاسف هيتأخر سنة سنتين لانه بردوا كان من مكاسب المناقصة
كاميليا : ايه لا طبعا يقوموا يشتغوا الرحلة دى انا بقالى سنة مستنياها
ايناس : ايوا يلا قوموا بسرعه اجهزوا
جمال : ما شاء الله بعتونا بالسرعه دى
شريف بتمثيل : كل حلفائك خانوك
عبد القادر بضحك: خلاص يخربيتكوا هيجرالى حاجه يلا علشان كل واحد يروح فى طريقه علشان عايز كاميليا وايناس وسلمى فى موضوع
قاموا كلهم وراحوا جهزوا وقعدوا فطروا وبعدين راح جمال وشريف ويوسف على الشركة وايناس وسلمى وكاميليا اخدوا البنات وراحوا على المدرسة
اول ما وصلوا المدرسة كل بنت باست ايناس وكاميليا وسلمى وقالو سوا : باي مامى
فى الوقت دا كان فى تلاته من الامهات واقفين قريب شوية منهم
الام1: انا مش فاهمة ليه التلت بنات بيقولوهم يا ماما هما ولاد مين فيهم
الام2: تصدقينى لو قولتلك بتلغبط بصى هو اسيا بنت كاميليا باين
قاطعتها الام3:لا يا بنتى اسيا بنت سلمى
الام2: امال قمر بنت مين
الام3:مش فاكرة بقى بصي هو كل واحدة فيهم خلفت بنت بس التلت بنات بيعتبروهم امهم
الام2: اه انا ابنى بيقول انهم مش بيسيبوا بعض خالص اول ما وقت البريك يجى يجروا على المكتبة يقعدوا سوا
الام1: هما مش قد بعض ؟
الام2: لا فى فرق سنة ما بين كل واحدة والتانية واسيا الصغيرة وباين همس الاكبر
الام3: ايوا بس بصراحة شبه الملايكة طيبين ومش بيأذوا حد اقوى واحدة فيهم هى همس اللى بيقرب من قمر او اسيا بتكون مستعدة تاكلوا اما قمر فدى شبه البسكوتة وقلبها حنين جدا اسيا بقى دى الطف واحدة دايما بتضحك بس عمرى ما انسى جميلهم عليا ابدا
الام1: جميل ايه
الام3: فى يوم بنتى تعبت جامد هيا مع قمر فى نفس الفصل بس المشكلة ان انا كنت رحت ازور مامى بس بيتها بعيد جدا وجوزى كان فى اجتماع مهم ومسافر التلت بنات اتصلوا بامهاتهم وفضلوا جنب بنتى ووصلوها لحد البيت وجابولها دكتور وفضلوا جنبها لحد ما بقت احسن وانا رجعت وكمان اسيا وهمس وقمر جم يزوروها وقعدوا يذاكرولها لانها فضلت فى البيت فترة ومكنتش بتستوعب كويس من الدروس الخاصة
الام2: ولا امهاتهم دول دايما سوا يا بنتى ويتحطوا على الجرح يطيب اما ابهاتهم فبيشتغلوا سوا فى شركة كبيرة متشاركين فيها
الام1: للحظة حسيتكوا بتتكلموا عن اسطورة او حكاية خيالية هو لسه فى ناس كدا فى الزمن دا
-عودة-
فى الحقيقة كانت همس رايحة تدور على كاميليا لحد ما سمعت صوت جهاز قلب بيعلن عن وقوفه ودكاترة فى اوضة بيحاولوا ينقذوا الشخص دا همس دخلت الاوضة واول ما شافت الشخص اللى على السرير واللى كان كاميليا اتصدمت ووقعت وقعدت تصوت وفى نفس الوقت اريا جت ودخلت الاوضة شافت همس وشافت كاميليا دموعها فضلت تنزل بسرعه على وشها وحست ان الدنيا بتلف وهمس مستمرة فى الصريخ بهستيرية شديدة كأن الحياة بتنهار حواليها وفى الوقت دا اسر واسد وصلوا المستشفى وسمعوا صوت الصريخ وراحوا حاولوا يطلعوا اريا وهمس من الاوضة بالنسبة لاريا كانت مصدومة من اللى بيحصل وبتعيط جامد وبتشهق وسط عياطها اما همس فبتصوت وبتنادى على مامتها وقلب كاميليا بيعلن عن رفضه للرجوع
استوب
ياترى ايه اللى هيحصل لكاميليا ؟
ايه سر كلمة الولاء للابد؟
ليه الشخص الملثم انتحر؟ وليه الشخص التانى قتل اللى كان معاهم؟
ايه سر الماضى وايه اللى حصل لسلمى ويوسف خلى اسيا تعيش مع ابراهيم وعيلته؟
مين البنت اللى مع المجهول؟
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
ملحوظة: اولا البارت 2496 كلمة واكتر طويل اهو
ثانيا الالغاز هتبدأ تنفك فى الحلقات اللى جايه
ثالثا : اسفة على التأخير بس كنت تعبانه