اسفة على التأخير يا حلوين
نكمل
اسد كان نازل وعينيه حمرا من الغضب
همس اول ما شافته بالشكل دا سحبت اسيا وراحت وقفت ورا اسر اللى بصلها بضحك على منظرها وهى مرعوبة
اما اسد قرب من اريا اللى كانت بتحاول تبان ثابته على عكس الرعب اللى جواها
اسد:انتى بتعملى ايه هنا مش قولتلك مليون مرة متجيش الفيلا دى ابدا
اريا : يعنى انت مش عايزنى انا ادخل الفيلا ومدخل الاشكال المتوحشة دى هنا بص المتوحشة دى عملت ايه فى دراعى
اسد : اولا صوتك ميعلاش ثانيا هنشوف دلوقتى ايه اللى حصل
ووجه كلامه لأسر : اسر ايه اللى حصل
اسر وهو بيحاول يقلدهم : بص اريا جت خبطت ورنت فهمس راحت فتحت لها فراحت دى اريا قالت ازاى اسد يدخل الاشكال البيئة دى هنا قامت همس قالتلها بيئة مين ما تبصي لشكلك فى المرايا شوية دا انتى وشك بيستنجد من كمية المكياج اللى عليه فراحت اريا متعصبة وقالت ايه البيئة دى لكن قبل ما تكمل طلعت اسيا وقامت عضتها جامد وقالتلها متزعقيش لهمس ف اريا قالت انا معرفش ازاى اسر دخل الأشكال دى البيت اساسا وسألتنى مين دول وبعدين همس سألتني مين السحلية دى
واخيرا احب اقولك انى اقسم باللى خلقنى ما نطقت حرف من ساعة ما انت طلعت لحد ما نزلت دلوقتى وسألتنى على اللى حصل انا لسه خارج من المستشفى ومش ناقص
همس بصوت واطي: جبان
اسر بصوت واطى زيها : ورينى شجاعتك قدام الأسد يا ختى ما انتى جاية واقفة ورايا زى الكتكوت المبلول
اسد بحدة: خلاص اسكتوا انا مش قلت عايز اتزفت انام
اسيا بطفولية: انت مقولتليش حاجه
اسد بصلها باستغراب وغضب وبعدين فهم : لى لى والله مهى ناقصكى انا مش طايق نفسي
اريا : لا والله لى لى انت بتدلعها ومراتك واقفة قدامك
اسد : اريا انتى بالذات مسمعش نفسك انتى عارفة كويس انتى عاملة ايه عارفة دى مين ؟
دى اللى فى بطنها ابنى دلوقتى بسبب غبائك يا هانم فتخرسي وتشوفيلك جنب تقعدى فيه تقعدوا كلكوا هنا مسمعش نفس من حد فيكوا وفعلا كلهم راحوا قعدوا أما هو راح بعيد شوية واتصل برئيس الحراس (زياد)
زياد : الو يا باشا
اسد : اولا هاتلى عربيتين على الفيلا بتاعتى انا وأسر انت عارف مكانها وهاتلى الدكتورة قسم معاك
زياد : تمام يا باشا تقريبا هحتاج تلت ساعات على ما اجيب دكتورة قسم واجهز العربيات واوصل
اسد: تمام بسرعه شوية
زياد : تحت امرك يا باشا
وقفل معاه ورجعلهم
اسد: دكتورة قسم هتيجى كمان تلت ساعات فى الوقت دا محدش فيكوا يتحرك ولا اسمع نفس وانت يا اسر تعال معايا علشان ورايا شغل كتير تعال اشتغل معايا شوية شكل مش مكتوبلى انام
اسر : تمام يلا
ودخلوا هما الاتنين المكتب
اما اريا طلعت تليفونها وفضلت تتفرج عليه وهمس من التعب نامت فى مكانها والاتنين مخدوش بالهم من اسيا اللى زهقت وقامت طلعت الجنينة لقت بيسين قعدت جنبه وفضلت تلعب فى الماية بايديها وهى بتدندن بتهويدة
فى مكان بعيد فى فيلا صغيرة
تلاقى حسام واقف ومعاه شخص كمان على باب اوضة وجوا الأوضة بنت ماسكة كتاب وبتقرأ فيه
جاسر: الحمدلله حالتها اتحسنت شوية عن زمان
حسام :جنة مش هيرجعها زى زمان غير حاجه واحدة وانت عارفها
جاسر: انا عارف بس بردو غالبا انت فاكر هى كانت ازاى وبقت ازاى دلوقتى
حسام : فاكر وعمرى ما هنسى واكيد هجيبلها حقها
ورجع بذاكرته لورا
من ٧ سنين وبالتحديد فى اوضة كل حاجه فيها لونها ازرق سماوى وفيها سرير قاعدة عليه بنت سنها تقريبا ١٣ سنة ومكتب صغير
دخل حسام الاوضة وقرب من السرير وقعد جنب البنت اللى ضامه رجليها بايديها وبتبص للسما من شباك صغير جنب السرير
حسام : ازيك يا جنة
لكن مع الأسف مكنش فيه رد
حسام: جنة ارجوكى انا محتاجك فوقى من اللى انتى فيه لازم تفوقى مش كنتى دايما بتقوليلى انك مش هتتخلى عنى ابدا سبتينى دلوقتى ليه
لا رد
قام حسام وهو يائس ومكسور هو عارف كويس أن اللى هى مرت بيه مكنش سهل بس ليه هربت وسابته ليه مأخدتوش معاها
عند اسد وأسر كانوا بيشتغلوا
اسد بغضب: انا عايز اعرف مين اللى بيشغل شركة الجارحى
اسر: انا سمعت عنها وانا برا كل اللى سمعته أنها زمان كانت كبيرة وكانت اهم شركة وفى يوم وليلة اختفت واختفى معاها اسم الجارحى ودلوقتى رجعت تشتغل تانى بس محدش يعرف المدير مبيظهرش وسمعت كلام عن أن اللى بيديرها دلوقتى شخص لابس قناع علشان يخفى وشه
اسد: انت عارف يعنى ايه صفقة تتاخد منى وبالسهولة دى
اسر: خلاص يا اسد اهدى وياريت تبطل عصبيتك دى وبعدين كنتعايز أسألك عن حاجه
اسد:اخلص
اسر : هو انا جيت هنا ازاى انا اخر حاجه فاكرها المستشفى
اسد: جالك نوبة هلع فهمس جابتك بعربيتها
اسر: طب انا سمعتك بتطلب من زياد عربيتين طب ما عربية همس موجودة وعربية اريا
اسد : عربية اريا ايه بس انت شفت ايه اللى حصل من شوية دول لو قعدوا فى عربية سوا اكيد هيعملوا حادثة وعربية همس هى قالت انها عملت حادثة بيها
اسر: حادثة امتى
اسد: لما كانت بتجيبك هنا علشان انت نسيت تاخد الدوا معاك عملت حادثة فى الطريق
اسر: امال وصلنا ازاى
اسد: بتقول انها سحبتك طول الطريق
اسر بصدمة : انت بتتكلم جد
وبعدين افتكر كلامها على أنه تقيل وان ضهرها بيوجعها
اسد: بس تصدق طلعت جدعة
اسر : عندك حق
اسد علشان يغيظه : اخطبهالك
اسر بحدة : اه صح اخطبها واتجوزها علشان تصحى كل يوم بليل مفزوعة على نوبات الهلع اللى بتجيلى علشان واحدة انا معرفهاش اساسا ولا اتجوزها علشان اصحى فى يوم الاقيها مقتولة جنبي زى ما قتلوا امى وابويا
اسد بندم:انا اسف يا اسر بجد مكنش قصدى متزعلش منى
وقام حضنه
اسر:انا عمرى ما ازعل منك انا مدين لك بحياتي وبعدين يلا نطلع نشوف اللى برا دول بدل ما يقتلوا بعض دا عدى ساعتين واحنا مش واخدين بالنا
اسد:ماشي يلا
وخرجوا هما الاتنين لقوا همس نايمه على كرسي واريا ماسكة تليفونها وبتظبط المكياج بتاعها
اسد لاريا:فين اسيا
اريا:معرفش اسأل اللى نايمة دى اكيد هتكون عارفة
راح اسد ناحية همس اللى كانت فى سابع نومة
اسد:همس همس اصحى
همس بنوم : اممممم عايز ايه
اسد:هى اسيا
وقبل ما يكمل سمعوا صوت اسيا بتصوت كلهم جريوا على برا كانت اسيا واقعة فى البيسين ومش عارفة تعوم لان رجليها وايديها متجبسة ومش قادرة تاخد نفسها جرى اسد ونط فى البيسين وطلعها برا وهى بتترعش من برودة الميه
اسد بحدة: انتى ايه اللى نزلك البيسين وانتى متجبسة كدا
اسيا برعشة: انا اسفة
همس: تعالى معايا تغيرى اللبس دا علشان كدا هيجيلك برد
ووجهت كلامها لاسد : الاقيلها لبس فين؟
اسد: خدى من اوضتى الاوضة اللى فى نهاية الممر فى الدور التانى
همس :تمام واخدت اسيا على فوق
اسر : يا اسد كدا مينفعش انت سمعت كلام الدكتور بلاش زعيق والا انت عارف ايه اللى هيحصلها
اريا باستغراب من كلامهم: ايه انتوا بتتكلموا عن ايه
اسد: ملكيش دخل يا اريا واقعدى بقى على ما دكتورة قسم تيجي
عند اسيا كانت همس بتساعدها علشان تغير هدومها او ما اسيا قلعت البيجاما همس اتصدمت لان ضهر اسيا كان عبارة عن لوحة متخططة باثار حزام وضهرها مليانه اثار جروح وحروق
همس: ايه دا يا اسيا
اسيا بعد ماخدت بالها ان همس شافت اثار الجروح حاولت بسرعه تلبس بيجامة تانية وقالتلها :لا مفيش انا بس وقعت على ضهرى فاتجرحت
وطبعا همس عرفت انها بتكدب لان اثار الحزام كانت واضحة جدا واثار الحروق كمان كانها شوك سخنة مطبوع بيها على ضهرها فقعدت جنب اسيا على السرير
همس : دا باباكى ومامتك واخواتك صح؟
اسيا كانت هتقولها لأ لكن ملقتش فيا قوة تكدب اكتر من كدا
اسيا:اه هما وعيطت جامد
همس حضنتها وفضلت تطبطب عليها ومقدرتش تستحمل هيا كمان وعيطت وبعدها بشوية هما الاتنين هديوا شوية وقاموا غسلوا وشهم
همس: هو انتى ازاى وقعتى فى البيسين
-فلاش باك-
اسيا كانت قاعدة على طرف البيسين وبتلعب بالماية بايديها وفجأة بصت حواليها لقت انها فى مكان مختلف مش الفيلا بتاعت اسد قامت وبدأت تمشي لقت تلت ستات قاعدين على طربيزة وبيتكلموا ويضحكوا وتلت رجالة واقفين جنب شواية بيعملوا اكل
وفجأة سمعت صوت اطفال صغيرين فلفت شافت بنت صغيرة واقعة فى البيسين وبتحاول تقاوم ومش عارفة وخلاص بتغرق فجريت عليها ومفاقتش من كل دا غير وهى بتغرق
-عودة-
اسيا : هو دا اللى انا فكراه
همس: غالبا دى ذكريات من عقلك الباطن او بمكن مجرد اوهام نبقى نشوف الموضوع دا بعدين نامى انتى وانا هنزل
اسيا : هو ينفع تفضلى معايا لحد ما انام
همس: تحت امرك هو انا عندى كام اسيا يعنى
وفضلت همس جنب اسيا وبعد نص ساعة كانت اسيا نامت فقامت همس وخرجت وقفلت الباب وراها ونزلت تحت لقت واحدة عندها حوالى تلاتين سنة قاعدة وجنبها اريا واسد واسر راحت قعدت معاهم
اسد:فين اسيا
همس بهدوء غريب : نامت فوق
اسد: ماشي
اما اريا فكانت فعليا هتولع لان اسد عمره ما سمحلها تدخل الاوضة دى ودلوقتى اسيا فى الاوضة ونايمة كمان على سريره
اسد: دكتورة قسم دلوقتى احب اعرف كل حاجه حصلت من البداية
قسم: من شهرين مدام اريا مرات حضرتك جت المستشفى ومعاها عينة من حضرتك وطلبت تعمل عملية تلقيح صناعى
اسد: هو مش المفروض تاخدوا موافقة من صاحب العينة
قسم: هى بمجرد ما قالت انها مرات الاسد مكنش فى حد يتجرأ يتكلم معاها وهى قالت انها مفاجئة لحضرتك
اسد: اه وبعدين
فلاش باك يوم العملية الصبح
فى الصعيد وتحديدا فى بيت ابراهيم
فتحية(ام اسيا): ما تخدنى معاك اهو اغير جو
ابراهيم : انا رايح شغل مش رايح العب
فتحية: طب بقولك البت اسيا
قاطعها ابراهيم : مالها ست زفتة
فتحية: بقالها فترة تعبانه وفيها حاجه غلط
ابراهيم : وانتى الحنية بقى نزلت عليكى فجأة
فتحية: اكيد لأ يعنى بس انا خايفة يكون عندها حاجه معدية وبعيد الشر يعنى تعدينى فبقول تاخدنا معاك وكدا كدا فى اوضة زيادة فى الشقة ناخدها نكشف عليها
ابراهيم: ايوا بس انا مش هبقى فاضي
فتحية :ما انا بقولك تاخدنى معاك علشان اوديها انا لدكتور
ابراهيم: بقولك ايه انا مليش دخل اعملى اللى انتى عيزاه
فتحية : ايوا كداهروح بقى اخلى المخفية دى تاخدلها اى لبس واحنا رايحين علشان لو طولنا
ابراهيم : ماشي بس بسرعه علشان هنمشي كمان ساعه
فتحية: تحت امرك عشر دقايق ونكون جاهزين
وراحت لاوضة اسيا على طول فتحت الباب ودخلت لقت اسيا نايمة على الارض فى مكانها من امبارح
فتحية بشماته : شكل يوسف جه امبارح غضبان يلا احسن وراحت ناحية اسيا اللى مغمى عليها فى الارض فضلت تهزها برجليها لكن ماكنتش بتفوق فمسكت كوباية مايه باردة ورمتها فوق اسيا اللى قامت مفزوعة
اسيا:اتفضلى يا هانم
فتحية: قدامك عشر دقايق تجهزى فيهم هتروحى معانا القاهرة علشان تروحى لدكتورة
اسيا : دكتورة ايه
فتحية: علشان الكدمات الزرقا دى ليكون عندك جرب ولا حاجه اخلصي خديلك عباية ولا اتنين من الدولاب علشان لو طولنا
اسيا: تحت امرك يا ست هانم
بعد خمس ساعات تقريبا بقوا فى القاهرة
اول ما وصلوا الشقة بتاعتهم ودخلوا كل واحد راح على اوضته يرتاح ماعدا فتحية واسيا
فتحية : تترزعى هنا هدخل ساعة ارتاح واطلع نروح للدكتورة علشان نخلص من الموضوع دا
اسيا بتعب : تحت امرك
وبعد ساعتين تقريبا خرجت فتحية وراحت لاسيا اللى كانت خلاص هتفقد الوعى من التعب
فتحية : يلا قدامى ونزلوا هما الاتنين وراحوا المستشفى وسألوا على دكتورة نسا وفى نفس الوقت كانت اريا جنبهم بتسأل بردو على دكتورة نسا علشان العملية والاتنين اخدوا معاد عند لدكتورة ورا بعض بس اريا الاول
عند الدكتورة قسم دخلت الممرضة
قسم: ها اتبقى حالات
الممرضة : اه حالتين الاولى اريا ودى عايزة عملية تلقيح صناعى
قسم: تمام اخدتو اذن صاحب العينة
الممرضة بخوف : مش هينفع
قسم: ليه
الممرضة: دى تبقى مرات الاسد غالبا انتى عرفاه
قسم: اكيد هو فى حد ميعرفوش خلاص مش مهم اكيد مش هتاخد العينة من غير اذنه طب والمريضة التانية
الممرضة : اسيا ودى كشف عندها كدمات زرقا كتير بتظهر فى بطنها لوحدها
قسم : طيب جهزتى العينة بتاعت اريا
الممرضة :اه جوا جنب السرير بتاع الكشف
قسم :طيب دخلى اريا دى انا هروح اجيبلى قهوة علشان مصدعة
الممرضة : تمام
اما برا كانت اريا قاعدة مستنية
الممرضة : اتفضلى يا اريا هانم
وقبل ما اريا ما تدخل تليفونها رن
اريا للممرضة: انا عندى مكالمة مهمة فبدلى دورى انا واللى بعدى
الممرضة : تمام
وراحت اريا ترد اما الممرضة راحت لاسيا
الممرضة : اتفضلى معايا واخدتها عند قسم وخلتها تنام على السرير وحطت جنبها الملف بتاعها(اللى المفروض الطبيب يقرأه قبل ما يكشف على المريض )
الممرضة لفتحية: معلش لو ينفع تستنى برا على ما الدكتورة تكشف عليها
فتحية : ليه ان شاء الله ولا اقولك ماشي انا كدا كدا تعبانه اطلع اقعد برا احسن
وطلعت معاها
اما اسيا من تعبها من ضرب امبارح والطريق والجوع نامت وخمس دقايق وقسم دخلت راحت عند سرير الكشف استغربت من لبس اسيا لانها فكرتها اريا لكن بررت دا انها بتتنكر علشان الصحافة وكدا وشافت جنبها الملف بتاعها لكن كانت مصدعة فكسلت تقراها
قسم: اريا هانم اريا هانم
اسيا بدأت تفوق :اسفة انى نمت بس كنت تعبانة شوية
قسم :لا عادى انتى جاهزة ؟
اسيا : اه
وهنا كانت اللحظه الفاصلة فى حياة اسيا اللحظة اللى خلت اسيا دلوقتى حامل فى ابن اسد
وبعد الحقن قسم قالتلها تيجى بعد شهر علشان تتأكد وتعمل شوية اشعة واسيا قالتلها ماشي وهى متعرفش اى حاجه عن اللى حصل
وبعد ما اسيا خرجت اريا دخلت
اريا وراحت ونامت على السرير وقسم كشفت عليها لكن ملقتش اى كدمات
قسم : هى فين الكدمات اللى انتى بتقولى عليها دى
اريا : كدمات ايه انا جاية علشان عملية الحقن المجهرى
قسم بصدمة : ايه
وجريت على الملف بتاع اسيا اللى نسيته جنب السرير وفتحته وانصدمت لما لقت صورة اسيا وجنبها مكتوب ان الكشف بسبب ظهور كدمات زرقا
-عودة-
قسم: ساعتها بس فهمت اللى حصل بس صدقنى يا اسد بيه دا كان مجرد خطأ
وفى لحظه كانت همس فوق الدكتورة قسم بتشدها من شعرها وبتضربها جامد والغريب انها كانت بتعيط وهى بتعمل كدا
همس بعصبية وجنون وصوت عالى : غلط ها قولتيلى انتى مجرد خطأ صح انتى عارفة البنت اللى فوق دى حصلها ايه علشان الخطأ اللى انتى عملتيه انتى سرقتى حياتها منها ذنبها ايه يجلدوها بالشكل دا ذنبها ايه يحرقولها جسمها كدا وفى لحظة سحبت سكينة صغيرة ووجهتها ناحية قسم
استوب
يا ترى ايه اللى هيحصل لقسم؟
ليه اهل اسيا بيعملوا فيها كدا؟
مين البنت اللى حسام عايز يخدلها حقها ؟ ومن مين ؟ ومين هو جاسر؟
استنونى الحلقة الجاية يوم الاتنين بس الساعه ١٠ ونص بليل