#طوق_نجاة
الفصل15
وردة ..خايفة
انا..من شنو
وردة..من الطيارة عمري ماركبتها
انا..معاك ماتخافي من شئ
هزت راسها ومازالت ضاغطة على ايدي حطيتي ايدي على كتفها وجبدتها شوري وطلعنا جيهة الطيارة وقعدت نحكي ليها على تفاصيل الرحلة بيش انلهيها
انا..تعرفي ان نحن بننزلو في مطار طرابلس قبل
وردة..عليش
انا..عشان رحلات للندن مافيش الا من مكاتب طرابلس وطبعا بنقعدو ساعة في المطار وبعدها بتطلع طيارتنا لمطار لندن هيثرو في لندن والرحلة تاخذ اربع ساعات الاربع
وردة..ماشيلها قبل
انا..اكيد تقدري تقولي تقريبا لاف معظم الدول المعروفة واللي مش معروفة
وردة .. ياعوينك شكلك تحب السفر واجد
انا بحزن.. واجد لكن بعد اللي صار لامي معاش قدرت حتى اذا سافرت مانطولش بالذات بعد عبير ماجابت التوأم
وردة.. ربي يحفظهم ان شاءالله
انا..ان شاءالله
ووصلنا مطار طرابلس وقعدنا ساعة خذينا سندوتشات وكلينا وطول الوقت وانا نحكي مع وردة بيش تلهي ونزيد انتعرف عليها اكثر وبعدها جت رحلتنا وطلعنا ووردة خافت واجد في الطيارة فقعدت طول الوقت ماسكة فيا كأنها عيل صغير خايف يودر باته في الزحمة وطبعا طول الرحلة ونحن نهدرزو بيش ماتفكرش في الطيارة
انا..ماقلتيش ليا وردة تفهمي شوي انجليزي
وردة بفخر..نتكلم فيه بطلاقة ولغات ثانية اخرى
انا باستغراب..تحكي بطلاقة ومعاها لغات اخرى وين تعلمتيها
وردة..الانجليزي من الاعدادي وانا نحبه وبعدها تميت نتقنه وزدت تعلمته من قراية الكتب وقريت واجد روايات من الادب الانجليزي بدون ترجمة واللي ساعدني نوال اخت روان تقرا انجليزي
انا..اه ماشاءالله وشنو لغات اخرى تعرفي تتكلمي
وردة.. فرنسي وتركي وهندي وشوي ياباني وكوري وروسي والماني
انا وفاتح فمي.. ماشاءالله ماشاءالله وتعلمتيهن امتى وكيف
وردة .. بالنسبة للفرنسي من وسام اخ روان والتركي من عمي عطية لان عيلة روان كلهم غاويين لغات والهندي من روان لانها تحب الهنود واجد والباقيات عن طريق الكتب والسديهات تجيبلي فيهن عمتي فاطمة وكنت نفتح ونتعلم منهن لما نكون عندهم
انا.. ربي يباركلك بعقلك بس ليش الخليط الغريب من اللغات
وردة..نعشق اللغات ونحب الترجمة واللي خلاني اني نتعلق بيها واجد حوش عمي عطية كل واحد فيهم يعرف لغة فأنا تفوقت عليهم وتعلمت كل لغة واحد يتقنها منهم ومازال خاطري نتعلم اكثر اني نزيد نتقن الياباني والكوري والالماني والروسي وخاطري نتعلم الايطالي
انا..ان شاءالله اول ما نروحو وبعد ماتكملي امتحانات السمستر هذا حنجيبلك اللي يساعدك تتقنيهن
وردة.. ان شاءالله وانت شنو تعرف تحكي
انا..هههه قبل نسحاب روحي واو لكن قدامك طلعت ولا شئ
وردة..عليش مغير تسلم
انا..نعرف ياستي انجليزي وفرنسي وتركي وايطالي بطلاقة
وردة..ماشاءالله اهو طلعت في حاجة خير مني معناها الايطالي انت تعلمه ليا
انا..اكيد
طبعا هي تحكي وانا مستمتع بالحكي معاها واجد
وردة..به انت عرفت شنو نحب لكن انا ماعرفتش
انا..اسئلي وانا نرد عليك
وردة..شنو تحب في العصائر
انا..فروالة
وردة..هههه والله صح
طبعا انا مع ضحكتها ونقرة الزين اللي بانت لقيت روحي لاشعوريا قربتها ليا وبستها على نقرة الزين والحمدلله اني راكب في الطيارة درجة اولى وطبعا هي تحشمت واجد وحشمها زاد حلاوة
وردة بصوت واطي ..احمد نحن في الطيارة
انا..ماقدرتش نشوفها ومانبوسهاش بس ليش ضحكتي لما قلت فروالة
وردة..لان تحس اللي يحبو الفروالة بنات اكثر من الولاد فنادرا جدا تلقى شاب يشرب في عصير فروالة
انا..نحبها واجد اخرى والشوكلاته ماعنديش معاها روح تو بعد نروحو تو تخشي لجناحنا وتشوفي الشوكلاته اللي فيه
وردة..ههه مش قلت ليك غريب انت
انا..مش اقل غرابة منك
وردة..انا غريبة
انا..اه واجد اخرى بس غريبة من الناحية الحلوة
وردة.. تسلم يارب بس ليش
انا..لان لو في وضعك وحدة اخرى راهي كانت اسوء مما يتخيل عقلك لكن انتي من ابتلاءك حولتي كل حاجة لمصلحتك
وردة..كيف
انا..قعادك في حوش اهل صاحبتك معظم الوقت استفدتي منه انك خذيتي من كل واحد لغة تعلمتيها وحبك للتصميم والرسم خلاك تشتغلي معاها وبرضو حبك للزراعة خلاك دايرة اصيصات ورد عندهم حبك للقراية خلاك تجي للجامعة وانتي ماعندكش محاضرات عشان تقري وهذا كله استغلال للابتلاء
وردة..اهو بروحك قلتها ابتلاء وربي من احب عبدا ابتلاه
انا.. ونعم بالله
وطبعا وصلنا وخذينا تاكسي ووصلنا للفندق اللي كنا حاجزين فيه وارتحنا ورقدنا من التعب والسفر ووردة في حضني بس لكن مش عارف اندير خطوة اخرى مش عارف ليش نحس في روحي كاني بنضلمها وبعدها قضيناها كلها دهوير وفرحان لفرحتها واجد وقعدنا عشرة ايام وروحنا
وردة
قضيت عشرة ايام من اجمل ايام عمري لا هنا اجمل ايام عمري وتمنيت ان احمد يخليني مرته فعلي زي الرسمي لكن هو قال مايقدرش يقرب مراء نين يكون يحبها وانا شكله مازال ماحبني لكن مش مشكلة حتى حضنه سادني نحس بيه بالدفا والامان والحمدلله على كل حال
.....
استقبلتنا العيلة احسن استقبال ونبهت عليهم ان العشاء يكون عبير وراجلها وعمته وراجله واهل وردة واهل روان بس ووردة طالعة زي القمر بقفطان لونه عنابي داكن طويل ضيق من منطقة الصدر خلاها تبرز بطريقة حلوة وواسع من تحت الخصر بوسع وسط ونهايته ورد ابيض صغير وكمه الاربع ومع مكياج خفيف خشيت للمطبخ بنشرب وبنقوللهم يجبولنا قهوة لقيت وردة تشرب في امية جيت ضميتها من الخلف
انا وبهمس بحذا وذنها..وردتي طالعة قمر اليوم
وردة بصوت واطي..عيونك بس اللي تشوف فيا هكي
انا وبنفس الهمس..وردتي الليلة بتكون ليلتنا وفي روب على السرير بعد مايروحو وتغيري البسيه ماشي
وردة هزت راسها بس
انا
ضحكت على طريقتها وعرفت انها تحشمت واجد لكن انا قررت انها لازم تكون مراتي فعلا مش رسمي بس ونبي عيالي هيا تكون امهم وطلعت وبعد ماكمل العشاء قعدت مكسد نحكي مع امي قلت خليها تاخذ وقتها تستعد لي ليلتنا اللي حنسيها فيه اي شئ شافاته في حياتها وشوي وجتني رسالة فتحتها ........
#حياة
طوق نجاة
By Fatesalah
عندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حي... More